សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅក្នុងរបាយការណ៍មួយដែលត្រូវបានទទួលដោយកាសែតរ៉យទ័ររបស់ចក្រភពអង់គ្លេសកាលពីថ្ងៃពុធម្សិលមិញនេះបានបង្ហើបថា បុគ្គលិកទាំងឡាយរបស់ក្រុមហ៊ុនបច្ចេកវិទ្យាយក្ស Google នឹងអាចជ្រើសយកវិធីនៃការធ្វើការងារពីផ្ទះជាអចិន្ត្រៃយ៍ ប៉ុន្តែប្រហែលជានឹងត្រូវប្រឈមមុខទៅនឹងការកាត់ប្រាក់ខែប្រមាណជា២៥ភាគរយ។
កាលពីសប្តាហ៍មុន Google ទើបតែបានប្រកាសក្នុងការអនុញ្ញាតឲ្យបុគ្គលិករបស់ខ្លួនប្រមាណជា ១០ ០០០នាក់បន្ថែម ដើម្បីឲ្យពួកគេអាចបន្តធ្វើការងារពីផ្ទះក្នុងពេលដែលក្រុមហ៊ុនក៏ធ្លាប់បានបង្ហាញពីការគាំទ្រខ្លាំងទៅលើវិធីសាស្ត្រនៃការធ្វើការពីចម្ងាយនេះផងដែរ លើសពីនេះ Google ក៏បានប្រកាសពន្យាពេលក្នុងការត្រឡប់ចូលមកធ្វើការងារនៅការិយាល័យវិញទៅដល់ថ្ងៃទី១៨ ខែតុលាផងដែរ ដោយសារតែបញ្ហានៃការរីកដាលនៃវិរុសកូវីដកាន់តែមានចំនួនកើនឡើងសាជាថ្មី។
របាយការណ៍ដដែលបានបញ្ជាក់ទៀតថា នៅក្នុងលក្ខណ្ឌមួយជាក់ស្តែងបានអះអាងថាការគណនានៃការកាត់បន្ថយប្រាក់ខែរបស់បុគ្គលិកនឹងអាចធ្វើឡើងតាមរបៀបនៃការពិនិត្យមើលជាក់ស្តែងទៅនឹងចម្ងាយនៃទីលំនៅរបស់ពួកគេ ប៉ុន្តែក្រោយមកក៏មានការអះអាងថ្មីបានបញ្ជាក់ថា ការកាត់ប្រាក់ខែនឹងធ្វើឡើងដោយមិនគិតគូរទៅលើទីតាំងនៃអាស័យដ្ឋានរបស់បុគ្គលិកឡើយ។
អ្នកនាំពាក្យរបស់ Google បានថ្លែងប្រាប់រ៉យទ័រថា ៖
«កញ្ចប់ប្រាក់សំណងរបស់ក្រុមហ៊ុនតែងតែបានធ្វើឡើងតាមរយៈការកំណត់យកទីតាំងរបស់បុគ្គលិក ហើយយើងនឹងផ្តល់ប្រាក់កម្រៃច្រើនបំផុតទៅឲ្យធៀបទៅនឹងទីផ្សារក្នុងស្រុក និងផ្អែកទៅលើទីតាំងដែលបុគ្គលិកទាំងនោះធ្វើការផងដែរ។ ប៉ុន្តែពាក់ព័ន្ធទៅនឹងរបាយការណ៍នៃការកាត់បន្ថយប្រាក់ខែ២៥ភាគរយ សុំមិនធ្វើការផ្តល់ព័ត៌មានម្អិតបន្ថែមនោះទេ»
យ៉ាងណាក៏ដោយ បើយើងក្រឡេកទៅមើលក្រុមហ៊ុនបច្ចេកវិទ្យាយក្សរបស់ពិភពលោកផ្សេងទៀត ដូចជា Facebook ជាដើម ក៏ធ្លាប់បានអះអាងថា បុគ្គលិករបស់ខ្លួនដែលបន្តធ្វើការងារពីចម្ងាយស្ថិតនៅក្នុងទីតាំងមិនសូវមានផលប៉ះពាល់នឹងអាចប្រឈមមុខទៅនឹងកាត់បន្ថយប្រាក់កម្រៃខ្លះៗ ហើយក្នុងនោះផងដែរ Twitter ក៏ធ្លាប់បានអះអាងថានឹងអនុវត្តកិច្ចការងារស្រដៀងគ្នានេះផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content