សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្លើយតបនឹងសន្ទុះនៃការកើនឡើងនៃវិស័យកសិកម្មនៅកម្ពុជានៅប៉ុន្មានឆ្នាំក្រោយមកនេះ កសិករខ្មែរភាគតិចណាស់ដែលមានទម្លាប់ក្នុងការប្រើប្រាស់ជីធម្មជាតិសម្រាប់បង្ករបង្កើនផលដំណាំ ព្រោះចង់បានអ្វីដែលលឿន អ្វីដែលងាយស្រួល និងមិនចង់ចំណាយកម្លាំងពលកម្មច្រើន ខណៈដែលតម្លៃជីគីមីដែលត្រូវបាននាំចូលពីក្រៅស្រុកមានការឡើងថ្លៃជាបន្តបន្ទាប់។
ពាក់ព័ន្ធទៅនឹងទម្លាប់ក្នុងការប្រើជីគីមីដើម្បីជំនួយលើការដាំដុះ ត្រូវបានអ្នកជំនាញផ្នែកកសិកម្មអះអាងថា ថ្វីបើការប្រើប្រាស់ជីគីមីមានភាពងាយស្រួលក្នុងការទទួលបានផល ប៉ុន្តែវាក៏បង្កជាហានិភ័យច្រើនផងដែរ ដែលក្នុងនោះក្រៅពីប៉ះពាល់ដល់សុខភាពអ្នកដាំដុះផ្ទាល់ ក៏ដូចជាអ្នកទទួលទាន វាក៏ធ្វើឲ្យមានការចំណាយថ្លៃដើមខ្ពស់ ដែលកសិករខ្មែរគួរតែងាកមករៀនទាញយកប្រយោជន៍ពីកាកសំណល់ប្រើប្រាស់ប្រចាំថ្ងៃរបស់ខ្លួនឲ្យក្លាយជាជីធម្មជាតិវិញ។
អ្នកជំនាញកសិកម្ម លោកឧកញ៉ា សួង ណយ បានបង្ហាញខ្លះៗពីរបៀបនៃការលាយជីកំប៉ុស ឬហៅថាជីកាកសំណល់ផ្ទះបាយដែលកសិករអាចរៀនអនុវត្តន៍ដោយខ្លួនឯងនៅផ្ទះបានយ៉ាងដូច្នេះថា អ្វីដែលត្រូវការជាវត្ថុធាតុដើមរួមដូចជា កាកសំណល់ផ្ទះបាយ ទឹកអង្ករ មេEM ស្កររងូរ ព្រមទាំង ធុងដែលមានចំណុះ ៧០លីត្រមួយសម្រាប់លាយតែប៉ុណ្ណោះ។
លោកបន្តពន្យល់ថា ៖
«កាកសំណល់ផ្ទះបាយអាចជាសំណល់ម្ហូបអាហារ សំបកបន្លែ ផ្លែឈើប្រចាំថ្ងៃ ទឹកអង្ករដែលបានមកពីការលាងសម្អាតអង្ករដើម្បីចម្អិនបាយ ចំណែកមេEM គឺអាចរកទិញបាននៅលើទីផ្សារស្រាប់ ហើយចុងក្រោយគឺស្កររងូរដែលមានលក់ដូចគ្នា»
លោកបានបញ្ជាក់ថា វិធីផ្សំ គឺយកមេ EM ចំនួន២លីត្រ ស្កររងូរចំនួន២លីត្រ ទឹកអង្ករចំនួន៥លីត្រ បន្ថែមជាមួយនឹងកាកសំណល់ផ្ទះបាយ រួចចាក់ទឹកបំពេញធុងព្រមទាំងផ្អាប់ទុកពី ២០ ទៅ ៣០ថ្ងៃ។ បន្ទាប់ពីដល់ពេលកំណត់ក្នុងរយៈពេលនៃការផ្អាប់ទុកហើយ កសិករអាចយកជីកាកសំណល់ផ្ទះបាយនេះចំនួន១លីត្រទៅលាយជាមួយទឹកចន្លោះពី ២០០ ទៅ ៥០០លីត្រ ហើយបាញ់ឲ្យជោគលើដំណាំចំនួន៣ថ្ងៃជាប់គ្នា។ ការធ្វើបែបនេះ នឹងធ្វើឲ្យដីមានលក្ខណៈធូរ បង្ករភាពងាយស្រួលដល់ដំណាំដុះ ងាយស្រួលក្នុងការចាក់ឬស ដែលផ្ទុយគ្នាស្រឡះពីជីគីមីដែលកាន់តែប្រើ កាន់តែធ្វើឲ្យដីរឹង និងខ្សោះជីជាតិ ហើយម្យ៉ាងទៀត ការប្រើប្រាស់ជីកាកសំណល់ផ្ទះបាយលើដំណាំស្រូវ ទិន្នផលអង្ករដែលចេញមកនឹងមានក្លិនក្រអូបទៀតផង។
ក្រៅពីធ្វើឲ្យដំណាំ ក៏ដូចជាដីមានជីវជាតិល្អ ជីនេះក៏មានផលប្រយោជន៍ទៅដល់បរិស្ថានផងដែរ ព្រោះកាលណាតែប្រជាជនចេះតែចាក់ទឹកអង្ករទៅតាមលូជារើយៗ វានឹងបង្ករជាការស្ទះលូ តាមរយៈសារធាតុខាប់នៅក្នុងទឹកអង្ករនោះ រីឯសំណល់ផ្សេងៗកាលណាទុកចោល បង្កក្លិនស្អុយ មានរុយរោម និងកើតជាមេរោគបន្តទៀត។ ទាំងអស់នេះនាំឲ្យប៉ះពាល់ដល់បរិស្ថាន សោភ័ណភាពទីក្រុង និងសុខភាពអនាម័យផងដែរ។
គួររំលឹកថា ក្រសួងកសិកម្មកាលពីពេលថ្មីៗនេះ បានចេញសេចក្ដីប្រកាសមួយស្ដីអំពីការឡើងថ្លៃនៃជីកសិកម្ម ក៏ដូចជាថ្នាំកសិកម្ម ដែលអាចប៉ះពាល់ទៅដល់បងប្អូនប្រជាកសិករដែលមានតម្រូវការប្រើប្រាស់ជីគីមីជាប្រចាំសម្រាប់ការដាំដុះ ខណៈដែលប្រជាកសិករមិនសូវមានចំណូល។ ដូច្នេះអ្វីដែលចាជម្រើសល្អ គឺមានតែការងាកមកផលិតជីធម្មជាតិពីកាកសំណល់ផ្ទះបាយ ឬវត្ថុធាតុដើមផ្សេងៗដែលអាចរកបាននៅជុំវិញសម្រាប់ប្រើប្រាស់លើការដាំដុះ ដែលអាចចំណេញទាំងថវិកា និងមិនប៉ះពាល់ដល់សុខភាព៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content