ភ្នំពេញ ៖ ក្រុមហ៊ុន មេនូឡាយហ្វ៍ មានមោទនភាពក្នុងការដាក់សម្ពោធផលិតផលថ្មីដែលមានឈ្មោះថា “មេនូឡាយហ្វ៍ បរិញ្ញា (ManulifePak Rinha)” ដើម្បីធានាអនាគតការសិក្សារបស់កុមារកម្ពុជា និងផ្តល់សន្តិភាពផ្លូវចិត្តផ្នែកហិរញ្ញវត្ថុដល់ឪពុកម្តាយគ្រប់ៗរូប។ ផលិតផលនេះ ត្រូវបានបង្កើតឡើងដោយផ្អែកលើការយល់ដឹងយ៉ាងស៊ីជម្រៅអំពីបញ្ហាប្រឈមរបស់ឪពុកម្តាយនៅកម្ពុជា ដែលមានក្តីស្រមៃចង់ឱ្យកូនអាចបន្តការសិក្សានៅសាកលវិទ្យាល័យបានទោះបីជាមិនមានវត្តមានរបស់ពួកគាត់ក៏ដោយ។

ការអប់រំត្រូវបានចាត់ទុកជាការវិនិយោគដ៏មានតម្លៃបំផុតសម្រាប់អនាគតដ៏ត្រចះត្រចង់របស់កូនៗ ​ប៉ុន្តែ ឪពុកម្តាយភាគច្រើនមានការព្រួយបារម្ភ អំពីលទ្ធភាពផ្នែកហិរញ្ញវត្ថុរបស់ខ្លួនក្នុងការផ្គត់ផ្គង់ដល់ការសិក្សារបស់កូនឱ្យបានចប់ចុងចប់ដើម ជាពិសេសពេលមានហេតុការណ៍អកុសលណាមួយកើតឡើងដោយមិនដឹងទុកជាមុន ហេតុនេះហើយបានជា ផលិតផលធានារ៉ាប់រង Manulife បរិញ្ញា​ ​ត្រូវបានបង្កើតដើម្បីឆ្លើយតបទៅនឹង​បញ្ហានេះ។

Manulife បរិញ្ញា ​ធានាថាកូនៗមានឱកាសបន្តការសិក្សាថ្នាក់ឧត្តមសិក្សា ដោយមិនបារម្ភពីភាពមិនទៀងទាត់​ក្នុងជីវិត។ ជាមួយការបង់បុព្វលាភធានារ៉ាប់រងតែមួយលើក Manulife បរិញ្ញា ផ្តល់ «អត្ថប្រយោជន៍ការពារលើការសិក្សា»ក្នុងករណី​​មាតាបិតា ឬអាណាព្យាបាល​ទទួលមរណភាព ឬពិការភាពទាំង្រសុង និងជាអចិន្ត្រៃយ៍។​ លើសពីនេះ ​​«អត្ថប្រយោជន៍ជំនួយគ្រួសារ» ក៏នឹងត្រូវបានផ្តល់ជូន​ក្នុងការ​ទប់លំនឹងហិរញ្ញវត្ថុក្នុងគ្រួសារ​អំឡុងពេលហេតុអកុសលនេះផងដែរ។ ​​

លោក​ ចាន់ រដ្ឋា​ អគ្គ​នាយក​​ក្រុមហ៊ុន​ មេ​នូ​ឡាយ​ហ្វ៍​ ខេមបូឌា បានមានប្រសាសន៍ថា៖

«ក្នុងនាមខ្ញុំជាអាណាព្យាបាល​​មួយរូប ​ខ្ញុំមានមោទនភាព​​ក្នុងការបង្កើត​ Manulife បរិញ្ញា ​សម្រាប់ទីផ្សារកម្ពុជា។ Manulife បរិញ្ញាជាផលិតផលធានារ៉ាប់រងដំបូងនៅកម្ពុជាដែលផ្ដល់លទ្ធភាពឱ្យឪពុកម្ដាយគ្រប់រូបមានការធានារ៉ាប់រងអាយុជីវិតយ៉ាងហោចណាស់មួយសម្រាប់កូន។ ផលិតផលនេះក៏បានឆ្លុះបញ្ជាំងពីការ​រួមចំណែក​របស់ក្រុមហ៊ុន មេនូឡាយហ្វ៍ គាំទ្រ​​និយតករធានារ៉ាប់រងកម្ពុជា (IRC) ក្នុងការសម្រេចឱ្យបាននូវអត្រាភាគទានធានារ៉ាប់រងក្នុងសេដ្ឋ​កិច្ច ៥.៥% នៅឆ្នាំ២០៣០»។

ទទួលយកការប្រឹក្សាយោបល់ដោយឥតគិតថ្លៃ តាមរយៈ ១៨០០ ២១១ ២១១ ឬ ចូលទៅកាន់គេហទំព័រតាមតំណរភា្ជប់នេះ ​https://bit.ly/4dd7vhf  ​សម្រាប់ព័ត៌មាន​​​លម្អិត។

អំពី ក្រុមហ៊ុន មេនូឡាយហ្វ៍

ក្រុមហ៊ុន មេនូឡាយហ្វ៍ ហ្វាយនែនសល គឺជាក្រុមហ៊ុនផ្តល់សេវាកម្មហិរញ្ញវត្ថុឈានមុខគេមួយលំដាប់ពិភពលោក ដែលជួយអតិថិជនយើងធ្វើការសម្រេចចិត្តឱ្យកាន់តែងាយស្រួល និងជីវិតកាន់តែប្រសើរ។ យើងមានស្នាក់ការកណ្តាល ជាសកលនៅទីក្រុង តូរ៉ុនតូ ប្រទេសកាណាដា ហើយមានប្រតិបត្តិការអាជីវកម្មជា ក្រុមហ៊ុន មេនូឡាយហ្វ៍ តាមបណ្តា ការិយាល័យនៅក្នុងប្រទេសកាណាដា នៅតំបន់អាស៊ី និងអឺរ៉ុប និងជាក្រុមហ៊ុន John Hancock នៅសហរដ្ឋអាមេរិក ដែលកំពុងផ្តល់ការប្រឹក្សាហិរញ្ញវត្ថុ និងដំណោះស្រាយធានារ៉ាប់រង ជូនអតិថិជនជាលក្ខណៈបុគ្គល ជាក្រុម និងជាស្ថាប័ន។ គិតត្រឹមចុងឆ្នាំ២០២៤ យើងមានបុគ្គលិកជាង ៣៧,០០០ នាក់ ភ្នាក់ងារធានារ៉ាប់រងជាង ១០៩,០០០ នាក់ និងដៃគូចែកចាយផលិតផលធានារ៉ាប់រងអាយុជីវិតរាប់ពាន់ផ្សេងទៀត ដែលកំពុងបម្រើសេវាកម្មជូនអតិថិជនជាង ៣៦ លាននាក់ នៅទូទាំងសកលលោក។ យើងធ្វើប្រតិបត្តិការអាជីវកម្មជា MFC នៅទីផ្សារមូលបត្រ តូរ៉ុនតូ ញូវយ៉ក និង ទីផ្សារមូលបត្រហ្វីលីពីនហើយនៅលើទីផ្សារមូលបត្រហុងកុងក្រោមឈ្មោះ ៩៤៥។ សម្រាប់ព័ត៌មានបន្ថែមស្ដីពី ក្រុមហ៊ុន មេនូឡាយហ្វ៍ ហ្វាយនែនសល សូមចូលទៅកាន់គេហទំព័រ manulife.com.

អំពី ក្រុមហ៊ុន មេនូឡាយហ្វ៍ ខេមបូឌា

ក្រុមហ៊ុន មេនូឡាយហ្វ៍ ខេមបូឌា បានចាប់ផ្ដើមប្រតិបត្តិការជាផ្លូវការនៅប្រទេសកម្ពុជា កាលពីថ្ងៃទី២៨ ខែមិថុនា ឆ្នាំ២០១២ ក្នុងនាមជាក្រុមហ៊ុនធានារ៉ាប់រងអាយុជីវិតលំដាប់អន្តរជាតិដំបូងគេបង្អស់នៅក្នុងប្រទេសកម្ពុជា។​ ក្រុមហ៊ុនមានការប្ដេជ្ញាចិត្តខ្ពស់ក្នុងការជួយកសាងអនាគតហិរញ្ញវត្ថុដ៏រឹងមាំជូនដល់ក្រុមគ្រួសារកម្ពុជា។ សម្រាប់ព័ត៌មានបន្ថែម សូមចូលទៅកាន់គេហទំព័រ​ www.manulife.comឬទាក់ទងទៅកាន់លេខទូរសព្ទ ១៨០០ ២១១ ២១១.

ទំនាក់ទំនងសារព័ត៌មាន                                

កញ្ញា ជា វិជាន​                                                                             

០៩៦-២៨២៩-៧៩១                                                       

Vichean_chea@manulife.com