សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ព្រះរាជាណាចក្រកម្ពុជា នឹងមានមជ្ឈមណ្ឌលភស្តុភារកម្មភ្នំពេញមួយនាពេលអនាគត ខណៈរដ្ឋាភិបាលកំពុងជំរុញដំណើរការអនុវត្តគម្រោងនេះដើម្បីទាក់ទាញការវិនិយោគផ្នែកឡូជីស្ទីកទាំងក្នុង និងក្រៅប្រទេស។ វត្តមានមជ្ឈមណ្ឌលភស្តុភារកម្មនេះនឹងជួយបង្កើនភាពប្រកួតប្រជែងវិស័យឡូជីស្ទីកនៅក្នុងតំបន់ និងសកលលោក ព្រមទាំងជួយជំរុញកំណើនសេដ្ឋកិច្ចជាតិផងដែរ។
កាលពីថ្ងៃទី២៤ ខែកក្កដា ឆ្នាំ២០២៤ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រសួងចូលរួមកិច្ចប្រជុំជាមួយក្រុមប្រឹក្សាអ្នកច្បាប់នៃទីស្តីការគណៈរដ្ឋមន្រ្តី ក្រោមអធិបតីភាព ឯកឧត្តម លីវ សុវណ្ណា ប្រធានក្រុមទី៤ នៃក្រុមប្រឹក្សាអ្នកច្បាប់នៃទីស្តីការគណៈរដ្ឋមន្រ្តី ដើម្បីពិនិត្យ និងពិភាក្សាលើសេចក្តីព្រាងសេចក្តីសម្រេចស្តីពីការបង្កើតគណៈកម្មការអន្តរក្រសួង ដើម្បីជំរុញដំណើរការអនុវត្តគម្រោងអភិវឌ្ឍន៍មជ្ឈមណ្ឌលភស្តុភារកម្មភ្នំពេញ។
អង្គប្រជុំបានពិនិត្យ និងពិភាក្សាយ៉ាងល្អិតល្អន់លើសេចក្តីព្រាង សេចក្តីសម្រេច ដែលបានធ្វើឡើងដោយក្រសួងសាធារណការ និងដឹកជញ្ជូន មុននឹងដាក់ជូនប្រមុខរាជរដ្ឋាភិបាលកម្ពុជាសម្រេច និងចុះហត្ថលេខា។
ការរៀបចំសេចក្តីសម្រេចស្តីពីការបង្កើតគណៈកម្មការអន្តរក្រសួងខាងលើនេះ មានគោលបំណងជំរុញដំណើរការអនុវត្តគម្រោងអភិវឌ្ឍន៍មជ្ឈមណ្ឌលភស្តុភារកម្មភ្នំពេញ ឱ្យលេចចេញជារូបរាងហេដ្ឋារចនាសម្ព័ន្ធភស្តុភារកម្មកាន់តែឆាប់រហ័ស សំដៅទាក់ទាញការវិនិយោគផ្នែកឡូជីស្ទីកទាំងក្នុង និងក្រៅប្រទេស ព្រមទាំងបង្កើនភាពប្រកួតប្រជែងវិស័យឡូជីស្ទីកនៅក្នុងតំបន់ និងសកលលោក សំដៅជួយជំរុញកំណើនសេដ្ឋកិច្ចជាតិ។
បន្ទាប់ពីបានពិនិត្យខ្លឹមសារ និងបកស្រាយបញ្ជាក់បន្ថែមយ៉ាងល្អិតល្អន់លើសេចក្តីព្រាង និងបានទទួលយកការស្នើកែសម្រួលពីក្រុមប្រឹក្សាអ្នកច្បាប់នៃទីស្តីការគណៈរដ្ឋមន្រ្តី អង្គប្រជុំបានបូកសរុប និងឯកភាពលើសេចក្តីព្រាងសេចក្តីសម្រេចនេះ ដោយគ្រោងដាក់ជូនរាជរដ្ឋាភិបាលកម្ពុជាពិនិត្យ និងអនុម័តអំឡុងខែសីហា ឆ្នាំ២០២៤។
ឯកឧត្តម ហេង ណន រដ្ឋលេខាធិការក្រសួងសាធារណការ និងដឹកជញ្ជូន បានលើកឡើងថា ៖ ការប្រមូលធាតុចូលនេះមានសារៈសំខាន់ដើម្បីកែសម្រួលធ្វើយ៉ាងណាឱ្យសេចក្តីព្រាងសេចក្តីសម្រេចស្តីពីការបង្កើតគណៈកម្មការអន្តរក្រសួងជំរុញដំណើរការអនុវត្តគម្រោងអភិវឌ្ឍន៍មជ្ឈមណ្ឌលភស្តុភារកម្មភ្នំពេញ មានសង្គតិភាព និងខ្លឹមសារគ្រប់ជ្រុងជ្រោយស្របតាមទម្រង់នៃលិខិតូបករណ៍របស់រាជរដ្ឋាភិបាលកម្ពុជា៕
Account
Security
Favourite Content