សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ច្រករបៀងតម្លាភាពហិរញ្ញវត្ថុ (FTC) គឺជាគំនិតផ្ដួចផ្ដើមរបស់ធនាគារជាតិនៃកម្ពុជា ជាមួយនឹងអាជ្ញាធររូបិយវត្ថុសិង្ហបុរី ក្នុងគោលបំណងចែករំលែកនូវព័ត៌មានហិរញ្ញវត្ថុ និងការជ្រើសរើសសហគ្រាសធុនតូច និងមធ្យម ដើម្បីចូលរួមនៅក្នុងប្រព័ន្ធមជ្ឈមណ្ឌលហិរញ្ញវត្ថុ Proxtera Trade Portal សម្រាប់ការធ្វើពាណិជ្ជកម្មឆ្លងដែន (ទិញ-លក់ផលិតផល ឬទំនិញ) តាមប្រព័ន្ធអនឡាញបានយ៉ាងងាយស្រួល និងប្រកបដោយទំនុកចិត្តខ្ពស់ រវាងប្រទេសកម្ពុជា និងសិង្ហបុរី រួមជាមួយនឹងបណ្ដាប្រទេសផ្សេងទៀត។
ក្រោមគំនិតផ្ដួចផ្ដើមរបស់ធនាគារជាតិនៃកម្ពុជា ធនាគារ អេស៊ីលីដា ភីអិលស៊ី បានបើកវគ្គបណ្ដុះបណ្ដាលបុគ្គលិកជំនាញ អំពីសេវាហិរញ្ញវត្ថុអន្តរជាតិ កម្ពុជា-សិង្ហបុរី និងបណ្ដាប្រទេសដទៃទៀត ដែលជាសមាជិករបស់គម្រោង ច្រករបៀងតម្លាភាពហិរញ្ញវត្ថុ (FTC) ដើម្បីផ្ដល់នូវការយល់ដឹងបន្ថែម និងណែនាំលម្អិតអំពីរបៀបបំពេញទម្រង់ផ្សេងៗនៅលើប្រព័ន្ធហិរញ្ញវត្ថុអន្តរជាតិមួយនេះ ។ កម្មវិធីនេះ រៀបចំឡើងនៅព្រឹកថ្ងៃទី ១៦ ខែធ្នូ ឆ្នាំ២០២៤ នៅការិយាល័យកណ្ដាលរបស់ខ្លួន ។
វគ្គបណ្ដុះបណ្ដាលពីជំនាញសេវាហិរញ្ញវត្ថុអន្តរជាតិនេះ មានរយៈពេលពីរថ្ងៃ ដោយមានការចូលរួមពីសិក្ខាកាម មន្ត្រីជំនាញរបស់ធនាគារ អេស៊ីលីដា និងតំណាងសហគ្រាសធុនតូច និងមធ្យមជាច្រើនរូបទៀត ដោយមានការចែករំលែកនូវចំណេះដឹង និងបទពិសោធន៍ ពីសំណាក់អ្នកជំនាញផ្នែកសេវាហិរញ្ញវត្ថុអន្តរជាតិមកពីប្រទេសសិង្ហបុរីផងដែរ។
បច្ចុប្បន្ន ប្រទេសដែលបានចូលរួមនៅក្នុងប្រព័ន្ធមជ្ឈមណ្ឌលហិរញ្ញវត្ថុ Proxtera Trade Portal រួមមាន ប្រទេសកម្ពុជា, សិង្ហបុរី, ហ្វីលីពីន, អូស្ត្រាលី និងរវ៉ាន់ដា ជាដើម។
ជាមួយគម្រោង FTC សហគ្រិន ឬអ្នកតំណាងក្រុមហ៊ុននៅកម្ពុជា អាចដាក់លក់ និងនាំចេញផលិតផលទំនិញ ឬវត្ថុធាតុដើមទៅក្រៅប្រទេស តាមរយៈការបញ្ជាទិញពីដៃគូនៅក្នុងទីផ្សារអន្តរជាតិ លើប្រព័ន្ធ Proxtera Trade Portal (https://trade.proxtera.com) ដែលមានសុវត្ថិភាពខ្ពស់ ជាមួយនឹងការទូទាត់ប្រាក់តាមប្រព័ន្ធធនាគារ អេស៊ីលីដា បានយ៉ាងងាយស្រួលបំផុត។
ផលិតផលដែលអាចលក់បាននៅលើប្រព័ន្ធ Proxtera Trade Portal គឺត្រូវតែជាប្រភេទផលិតផល ឬទំនិញ ដែលមានលក្ខណ ស្របតាមស្ដង់ដារអន្តរជាតិ និងច្បាប់នៃប្រទេសនីមួយៗ។ ក្នុងនោះ ផលិតផលខ្មែរ ដែលអាចដាក់លក់បានរួមមាន៖ គ្រឿងទេស, ផលិតផលកសិកម្ម និងចំណីអាហារកែច្នៃ សម្លៀកបំពាក់ ស្បែកជើង គ្រឿងសិល្បៈ គ្រឿងស្មូន គ្រឿងសង្ហារឹម និងផលិតផលផ្សេងទៀត ។
លោក អេង ឌីណា នាយកការិយាល័យនវានុវត្តន៍ផលិតផល និងវិសោធនកម្មនៃ ធនាគារអេស៊ីលីដា បានមានប្រសាសន៍ថា គម្រោង FTC ឬជាភាសាខ្មែរហៅថា គម្រោងច្រករបៀងតម្លាភាពហិរញ្ញវត្ថុ ត្រូវបានផ្ដួចផ្ដើមឡើងដោយធនាគារជាតិនៃសកម្ពុជា និងអាជ្ញាធរសិង្ហបុរី ដើម្បីឱ្យដំណើរការនូវការចែករំលែកព័ត៌មានហិរញ្ញវត្ថុ និងការជ្រើសរើសនូវសហគ្រាស ខ្នាតតូច និងមធ្យមឱ្យចូលរួមក្នុងប្រព័ន្ធមជ្ឈមណ្ឌលហិរញ្ញវត្ថុអន្តរជាតិ Proxtera ដើម្បីធ្វើការនាំចេញទំនិញទៅក្រៅប្រទេស និងនាំចូលមកវិញប្រកបដោយការទុកចិត្តបំផុត ៕
Account
Security
Favourite Content