បរទេស៖ ធនាគារ Provident ដែលជាស្ថាប័នហិរញ្ញវត្ថុមានមូលដ្ឋាននៅរដ្ឋ New Jersey បានប្រកាសលទ្ធផលថ្មីៗនេះនៃការស្ទង់មតិតាមបណ្តាញអ៊ុីនធឺណែតទៅលើអតិថិជនអាមេរិកចំនួន 600នាក់ ដែលបានធ្វើឡើងកាលពីខែឧសភា ឆ្នាំ2021 អំពីទំនោរនៃការប្រើប្រាស់ប្រព័ន្ធធនាគាររបស់អតិថិជន។
អ្នកឆ្លើយសំណួរមានរហូតដល់ 91ភាគរយ បាននិយាយថា ពួកគេធ្វើប្រតិបត្តិការធនាគារតាមរយៈបណ្តាញឌីជីថល។ ជាងពាក់កណ្តាលនៃអ្នកប្រើប្រាស់ទាំងនោះ (53ភាគរយ) បាននិយាយថា ពួកគេបានប្តូរទៅប្រើធនាគារឌីជីថលដោយសារតែលទ្ធផលបិទខ្ទប់ទីក្រុងក្នុងការបង្ការការរាតត្បាតជំងឺកូវីដ-19 ។ លើសពីនេះទៅទៀតអ្នកប្រើប្រាស់ 87ភាគរយ បាននិយាយថាពួកគេពេញចិត្តនឹងជម្រើសធនាគារឌីជីថលនៅលើទូរស័ព្ទចល័តដែលមានសម្រាប់ពួកគេ ហើយមាន 63ភាគរយ និយាយថាពួកគេប្រើកម្មវិធីធនាគារចល័តរបស់ពួកគេជាញឹកញាប់។
ការរកឃើញបន្ថែមពីការស្ទង់មតិរបស់ធនាគារ Provident រួមមាន ៖ ក្នុងចំណោមអតិថិជនប្រមាណ 83ភាគរយនៃអ្នកឆ្លើយតបមានគណនីធនាគារដែលភ្ជាប់ទៅនឹងកម្មវិធីទូទាត់ប្រាក់តាមទូរស័ព្ទដូចជា PayPal, Venmo, ឬ Apple Pay ហើយ PayPal គឺជាកម្មវិធីទូទាត់ប្រាក់ដែលមានការពេញចិត្តជាងគេប្រមាណ67ភាគរយ។
ក្នុងចំណោមអ្នកប្រើប្រាស់សេវាធនាគារឌីជីថល 55ភាគរយ ប្រើសេវាធនាគារលើទូរសព្ទដៃចល័ត និង 45ភាគរយ ប្រើប្រាស់សេវាធនាគារលើកុំព្យូទ័រ ឬអ៊ីនធឺណែត។ លក្ខណៈពិសេសដែលត្រូវបានប្រើជាទូទៅបំផុតនៃកម្មវិធីទូរស័ព្ទរួមមាន៖
- មើលរបាយការណ៍ធនាគារ និងសមតុល្យទឹកប្រាក់ (30ភាគរយ)
- ការត្រួតពិនិត្យការដាក់ប្រាក់ (26ភាគរយ)
- ការទូទាត់វិក្កយបត្រ (23ភាគរយ)
- ផ្ទេរប្រាក់រវាងគណនី (14ភាគរយ)
ទោះបីជាអ្នកឆ្លើយសំណួរនៃការស្ទង់មតិចូលចិត្តសេវាធនាគារតាមអ៊ីនធឺណែតជាជាងការប្រើប្រាស់ធនាគារតាមសាខាផ្ទាល់ក៏ដោយ ក៏នៅតែមានអតិថិជន 58ភាគរយ ជ្រើសរើសទៅប្រើប្រាស់សាខាធនាគារក្នុងតំបន់របស់ពួកគេដោយផ្ទាល់។ មានប្រមាណ 44ភាគរយ នៃអ្នកឆ្លើយតបទាំងនោះបាននិយាយថាពួកគេគ្រាន់តែទៅកាន់សាខាធនាគារដោយផ្ទាល់ដើម្បីដោះស្រាយប្រតិបត្តិការដែលមិនអាចធ្វើតាមអ៊ីនធឺណែតបាន។ ហើយមាន 25ភាគរយ និយាយថាពួកគេមកកាន់សាខានេះពីព្រោះពួកគេចូលចិត្តការទំនាក់ទំនងដោយផ្ទាល់។
“ខណៈពេលដែលអតិថិជនរបស់យើងភាគច្រើនបានផ្លាស់ប្តូរទៅប្រើធនាគារឌីជីថល ការសិក្សារបស់យើងបង្ហាញថាអតិថិជនប្រមាណ 58ភាគរយ នៅតែទៅកាន់សាខាធនាគារ។ ការអាចផ្គត់ផ្គង់បានទាំងអតិថិជនឌីជីថល និងអតិថិជននៅក្រៅផ្ទាល់គឺពិតជាមានសារៈសំខាន់ណាស់សម្រាប់យើង”
លោក Vito Giannola អនុប្រធាននាយកប្រតិបត្តិធនាគារ Provident
ប្រភព៖ New Jersrey Business Magazine
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ