សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ប្រធានសមាគមចិញ្ចឹមសត្វកម្ពុជា បានឱ្យដឹងថា ការចិញ្ចឹមសត្វនៅកម្ពុជានាពេលបច្ចុប្បន្ននេះកាន់តែមានភាពល្អប្រសើរឡើង ទាំងបច្ចេកទេសចិញ្ចឹម ការទទួលបានទិន្នផលប្រកបដោយគុណភាព និងសុវត្ថិភាព ខណៈដែលតម្លៃនៅលើទីផ្សារក៏មានភាពសមរម្យដោយមិនចាំបាច់ពឹងផ្អែកលើការនាំចូលនោះទេ។
លោក ស៊ុ្រន ពៅ ប្រធានសមាគមចិញ្ចឹមសត្វកម្ពុជា បានលើកឡើងថា តាមរយៈការស្រាវជ្រាវនៅលើទីផ្សារ ក៏ដូចជានៅតាមបណ្ដាទីប្រជុំជន ដែលមានការផ្គត់ផ្គង់សាច់សត្វចិញ្ចឹមបានឱ្យដឹងថា ប្រភេទសាច់សត្វចម្រុះនៅលើទីផ្សារគឺមានគ្រប់គ្រាន់សម្រាប់បំពេញតម្រូវការទីផ្សារ ទាំងប្រភេទសាច់ជ្រូក សាច់គោ មាន់ ទា ជាដើម ខណៈដែលតម្លៃក៏នៅតែរក្សាដដែល មិនមានការដំឡើងថ្លៃនោះទេ។
លោកប្រធានសមាគមចិញ្ចឹមសត្វកម្ពុជារូបនេះបានប្រាប់ AMS Economy យ៉ាងដូច្នេះថា ៖
«មកដល់ម៉ោងនេះ ខ្ញុំហ៊ាននិយាយថា ៖ ទី១- ប្រទេសកម្ពុជាយើងមិនខ្វះសាច់សត្វទេ ហើយទីផ្សារក៏មិនមានការខ្វះខាតដែរ ទី២- យើងអាចផ្គត់ផ្គង់តម្រូវការទីផ្សារបាន ហើយសំខាន់បំផុត គឺយើងមិនឡើងថ្លៃ។ ចំណុចនេះហើយ ដែលខ្ញុំគិតថា ជាការល្អ ដែលធ្វើឱ្យកម្ពុជារិតតែរឹងមាំ។ យើងធ្វើបានល្អ បើនិយាយពីការចិញ្ចឹមគោ ជ្រូក មាន់ ទា យើងមិនខ្វះទេ បើជ្រូកវិញយើងមានផ្គត់ផ្គង់តម្រូវការទីផ្សារគ្រប់គ្រាន់ ហើយមិនតែប៉ុណ្ណោះបើមានទីផ្សារនាំចេញ យើងក៏មានសាច់នាំចេញបានផងដែរ»។
លោកស៊្រុន ពៅ បានបន្ថែមថា កម្ពុជាឥឡូវជឿនលឿន មានស្តង់ដារ ជីវសុវត្ថិភាព ស្បៀងល្អត្រឹមត្រូវសម្រាប់ចូលទីផ្សារ។ ដោយឡែក សម្រាប់ការរបិទព្រំដែន លោកយល់ថា បិទកាន់តែយូររឹតតែល្អ អាចជំរុញឱ្យកសិកររឹតតែរឹងមាំ ព្រោះថា កសិករកំពុងព្យាយាមបង្កើនផលិតផល ខិតខំជំរុញ និងលើកកម្ពស់សុវត្ថិភាពចំណីអាហារ បានកាន់តែប្រសើរជាងមុន។
យ៉ាងណាក៏ដោយ លោកប្រធានសមាគមអ្នកចិញ្ចឹមសត្វកម្ពុជាបានបញ្ជាក់ថា ខណៈដែលមានការបិតព្រំដែនកម្ពុជា-ថៃ ប៉ុន្តែនៅមានឈ្មួញឆ្លៀតឱកាសលួចនាំចូលកម្ពុជាដោយខុសច្បាប់ ទាំងដែលសាច់ទាំងនោះមិនមានស្តង់ដារ និងគ្មានលិខិតស្នាម ។ ជាមួយគ្នានេះ លោកបានអំពាវនាវ និហឲងសំណូមពរដល់សមត្ថកិច្ចព្រំដែន មេត្តាត្រួតពិនិត្យឱ្យបានល្អត្រឹមត្រូវ ដើម្បីសន្តិសុខស្បៀងក្នុងប្រទេសកម្ពុជា ជាពិសេស សុវត្ថិភាពប្រជាជនខ្មែរដែលជាអ្នកទទួលទាន។
សូមជ្រាបថា តម្រូវការផ្គត់ផ្គង់ជ្រូករស់សម្រាប់បម្រើការហូបចុកប្រចាំថ្ងៃនៅកម្ពុជា ក្នុងរង្វង់ពី ៨,០០០ក្បាល ទៅ៩,០០០ក្បាល ក្នុងមួយថ្ងៃ ខណៈដែលតម្លៃសាច់ជ្រូកដែលអាជីវករលក់ដូរនៅតាមទីផ្សារនានា អាចមានតម្លៃចាប់ពី ១៨,០០០រៀល ដល់ ២៥,០០០រៀល ក្នុងមួយគីឡូក្រាម ។ ចំណែកតម្រូវការសាច់មាន់វិញ អាចមានចន្លោះពី ១០ម៉ឺន ទៅ ២០ម៉ឺនក្បាល ក្នុងនោះមាន់បីសាសន៍ និងមាន់នៅតាមកសិដ្ឋាន មានតម្លៃខុសគ្នាបន្ដិចបន្ដួច អាចមានតម្លៃត្រឹម ៦ពាន់រៀល ទៅ ៩ពាន់រៀល ក្នុងមួយគីឡូ និងមាន់ស្រែ អាចមានតម្លៃថ្លៃជាងគេ ពោលគឺថ្លៃ២៧,០០០រៀល/គីឡូក្រាម។ នេះបើយោងលើតារាងទីផ្សារប្រចាំថ្ងៃរបស់សាលារាជធានីភ្នំពេញ។
Account
Security
Favourite Content