សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខណៈដែលទីផ្សារលំនៅដ្ឋានក្នុងអគារសហកម្មសិទ្ធិ ឬហៅថា ខុនដូ នៅកម្ពុជា បាន និងកំពុងងាកទៅរកភាពល្អប្រសើរឡើងវិញក្រោយជួបវិបត្តិអស់រយៈពេលជិត២ឆ្នាំ គិតរហូតមទល់ពេលនេះ ក្រសួងរៀបចំដែនដី នគរូបនីយកម្ម និងសំណង់ បានចុះបញ្ជីផ្ទេរសិទ្ធិកម្មសិទ្ធិលើចំណែកឯកជននៃអគារសហកម្មសិទ្ធិដល់ជនបរទេសបានចំនួន ៨ ១៣៤បណ្ណ ខណៈ ការចុះបញ្ជីផ្ទេរសិទ្ធិកម្មសិទ្ធិលើចំណែកឯកជននៃអគារសហកម្មសិទ្ធិដល់ប្រជាពលរដ្ឋខ្មែរចំនួន២៧០៦បណ្ណប៉ុណ្ណោះ។
តាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា គិតត្រឹមដំណាច់ឆ្នាំ២០២១ ក្រសួងបានចុះបញ្ជីចំណែកឯកជននៃអគារសហកម្មសិទ្ធិចំនួន ៤៣ ០៣៤បណ្ណ ដោយក្នុងនោះនៅក្នុងរាជធានីភ្នំពេញចំនួន ៣៦ ៥៣៥បណ្ណ ខេត្តព្រះសីហនុចំនួន៦ ៤៨៦បណ្ណ និងខេត្តសៀមរាបចំនួន១៣បណ្ណ ។
របាយការណ៍នេះបន្តថា ក្រៅពីនេះ ក្រសួងរៀបចំដែនដីបានចុះបញ្ជីផ្ទេរសិទ្ធិកម្មសិទ្ធិលើចំណែកឯកជននៃអគារសហកម្មសិទ្ធិចំនួន ១១ ១៨៣បណ្ណ ដោយនៅក្នុងនោះមាខ្មែរចំនួន ២ ៧០៦បណ្ណ ជនបរទេសចំនួន ៨ ១៣៤បណ្ណ និងក្រុមហ៊ុនចំនួន ៣៤៣បណ្ណ។
ដោយឡែកនៅក្នុងឆ្នាំ២០២១ នេះ ក្រសួងដែនដីនគរូបនីយកម្ម និងសំណង់ ក៏បានចុះបញ្ជី និងចេញវិញ្ញាបនបត្រសម្គាល់ម្ចាស់ចំណែកឯកជននៃអគារសហកម្មសិទ្ធិចំនួន ៥ ៩៥៦ បណ្ណ ក្នុងនោះរាជធានីភ្នំពេញចំនួន ៥ ៨៥៦បណ្ណ និងខេត្តព្រះសីហនុចំនួន ១០០បណ្ណ។ ជាមួយគ្នានេះ ក្រសួងរៀបចំដែនដី នគរូបនីយកម្ម និងសំណង់ ក៏បានចុះបញ្ជីផ្ទេរសិទ្ធិកម្មសិទ្ធិលើចំណែកឯកជនចំនួន១ ៣១០បណ្ណក្នុងនោះប្រជាពលរដ្ឋខ្មែរចំនួន ៣២៧បណ្ណ ជនបរទេស ចំនួន ៨៩០បណ្ណ និងក្រុមហ៊ុនចំនួន ៩៣បណ្ណ។ ក្នុងរយៈពេលប៉ុន្មានចុងក្រោយនេះទាំងនៅរាជធានីភ្នំពេញ និងខេត្តព្រះសីហនុរបស់ប្រទេសកម្ពុជា ត្រូវបានគេសង្កេតឃើញមានភាពរីកចម្រើនយ៉ាងខ្លាំងលើការអភិវឌ្ឍន៍អគារសហកម្មសិទ្ធិ ដើម្បីឆ្លើយតបទៅនឹងកំណើនសេដ្ឋកិច្ច ជាពិសេសឆ្លើយតបទៅនឹងសេចក្តីត្រូវការរបស់ជនបរទេសដែលមកស្នាក់នៅ និងធ្វើការនៅក្នុងប្រទេសកម្ពុជា ក៏ដូចជាប្រជាពលរដ្ឋខ្មែរផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រសួងដែនដី នឹងរៀបចំទីប្រជុំជនស្រុកកំពង់សិលា ធ្វើជាគំរូក្នុងការរៀបចំទីប្រជុំជននៅទូទាំងប្រទេស
ក្រសួងរៀបចំដែនដី៖ ការផ្ដល់ប័ណ្ណកម្មសិទ្ធិស្របច្បាប់ជូនប្រជាពលរដ្ឋ ជាការរក្សាដីធ្លីឱ្យក្លាយជាទ្រព្យសន្សំតជំនាន់
Account
Security
Favourite Content