សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈមហោស្រពសហគ្រិនវ័យក្មេងអាស៊ានលើកទី៧ (AYE Carnival) ដែលនឹងប្រព្រឹត្តិឡើងចំនួន២ថ្ងៃ ពីថ្ងៃទី១២-១៣ ខែវិច្ឆិកា ឆ្នាំ២០២២)” នៅទីក្រុងភ្នំពេញ ធុរកិច្ចជន និងសហគ្រិនវ័យក្មេង ពិសេសសហគ្រិនស្ត្រីវ័យក្មេងអាស៊ាន នឹងទទួលបាននូវធាតុចូល និងការផ្លាស់ប្តូរបទពិសោធន៍ ដើម្បីទៅរកភាពរីកចម្រើនកាន់តែខ្លាំងទាំងអស់គ្នា ក្រោយវិបត្តិជំងឺកូវីដ១៩។
មហោស្រពយុវជនអាស៊ានលើកទី៧ ដែលត្រូវបានរៀបចំឡើងក្នុងទីក្រុងភ្នំពេញ គឺជាការប្រមូលផ្តុំនៃសហគ្រិនវ័យក្មេងមកពីសមាជិកសមាគម AYEC (ក្រុមប្រឹក្សាសហគ្រិនវ័យក្មេងអាស៊ាន) និងដៃគូសន្ទនារបស់ខ្លួន។
ព្រឹត្តិការណ៍ មហោស្រពសហគ្រិនវ័យក្មេងអាស៊ានលើកទី៧ (ASEAN YOUNG ENTREPRENEURS CARNIVAL)ក្រោមប្រធានបទ “រីកចម្រើនកាន់តែខ្លាំងទាំងអស់គ្នា (RISE STRONGER TOGETHER)” នឹងជួយឱ្យធុរកិច្ចជន និងសហគ្រិនវ័យក្មេងទទួលបានធាតុចូល ដើម្បីដោះស្រាយលើបញ្ហារំខានដោយវិបត្តិជំងឹកូវីដ១៩ តាមរយៈឌីជីថលូបនីយកម្ម ភាពជាអ្នកដឹកនាំ កិច្ចសហការ និងការចូលរួមរបស់ស្ត្រីក្នុងការដោះស្រាយបញ្ហាប្រឈមធំៗនៃសម័យកាលបច្ចុប្បន្ន នៅពេលដែលយើងសម្របខ្លួនទៅនឹងការរស់នៅតាមរបៀបគន្លងថ្មី។
ព្រឹត្តិការណ៍ AYE Carnival លើកទី ៧ នឹងត្រូវរៀបចំឡើងនៅទីក្រុងភ្នំពេញ ប្រទេសកម្ពុជា ដោយសមាគមសហគ្រិនវ័យក្មេងកម្ពុជា ជាប្រធាន AYEC ឆ្នាំ២០២២ ក្រោមភាពជាដៃគូជាមួយបណ្តាញសហគ្រិនសកល (GEN) កម្ពុជា និងក្រុមប្រឹក្សាប្រឹក្សាធុរកិច្ចអាស៊ាន (ASEAN -BAC) កម្ពុជា។
AYEC គឺត្រូវបានទទួលថាជាសំឡេងផ្លូវការរបស់សហគ្រិនវ័យក្មេងក្នុងដំណើរការបង្កើតគោលនយោបាយអាស៊ាន។ AYEC ត្រូវបានស្នើឡើងដោយជោគជ័យដោយក្រុមប្រឹក្សាប្រឹក្សាធុរកិច្ចអាស៊ាន (ASEAN-BAC) ទៅកាន់មេដឹកនាំអាស៊ានក្នុងឆ្នាំ២០១៥ ហើយក្រោយមកនៅឆ្នាំនោះដែរ បានបើកដំណើរការនៅទីក្រុងកូឡាឡាំពួរប្រទេសម៉ាឡេស៊ី។ AYEC មានបណ្តាញរបស់រដ្ឋាភិបាលដែលគាំទ្រសមាគមសហគ្រិនវ័យក្មេងមកពីរដ្ឋសមាជិកអាស៊ានទាំង ១០។
ក្រៅពីការចូលរួមនៅក្នុងដំណើរការសមាហរណកម្មសេដ្ឋកិច្ចអាស៊ាន AYEC ក៏មានតួនាទីជាបណ្តាញសហគ្រិនវ័យក្មេង ដោយមានទំនាក់ទំនងផ្ទាល់ជាមួយសមាគមថ្នាក់ជាតិរៀងៗខ្លួន និងលេខាធិការដ្ឋានអាស៊ាន។ ជារៀងរាល់ឆ្នាំ AYEC រៀបចំព្រឹត្តិការណ៍ មហោស្រពសហគ្រិនវ័យក្មេងអាស៊ានលើកទី៧ (ASEAN Young Entrepreneurs Carnival) ចាប់តាំងពីឆ្នាំ២០១៦។ AYEC ក៏បានបង្កើតសមាគមសហគ្រិនវ័យក្មេងអាស៊ាន (AYEA) ក្នុងឆ្នាំ២០១៦ ដើម្បីជំរុញការផ្លាស់ប្តូរបទពិសោធន៍ និងកិច្ចសហប្រតិបត្តិការរវាងសហគ្រិនវ័យក្មេង និងអ្នកវិនិយោគនៅក្នុងរដ្ឋជាសមាជិកអាស៊ានផងដែរ។
តាមរយៈ AYEC ក្លឹបសហគ្រិនស្ត្រីវ័យក្មេងអាស៊ានត្រូវបានបង្កើតឡើងក្នុងខែកក្កដា ឆ្នាំ២០២១ ជាវេទិកាមួយដើម្បីប្រមូលផ្តុំ និងអភិវឌ្ឍសហគ្រិនស្ត្រីវ័យក្មេង និងសហគមន៍ធុរកិច្ចដែលគ្រប់គ្រងដោយស្ត្រីនៅក្នុងអាស៊ាន ក្នុងគោលបំណងចូលរួមចំណែកក្នុងការអភិវឌ្ឍន៍សេដ្ឋកិច្ចសង្គមអាស៊ាន។
សូមបញ្ជាក់ផងដែរថា មហោស្រពយុវជនអាស៊ាន ត្រូវបានរៀបចំជារៀងរាល់ឆ្នាំចាប់តាំងពីឆ្នាំ ២០១៦ ៖ លើកទី១. ២០១៦ នៅកូឡាឡាំពួរ ម៉ាឡេស៊ី លើកទី២ឆ្នាំ២០១៧ នៅទីក្រុងម៉ានីល ហ្វីលីពីន លើកទី៣ ឆ្នាំ២០១៨ នៅសិង្ហបុរី លើកទី៤ ឆ្នាំ២០១៩ នៅទីក្រុងបាងកក ប្រទេសថៃ លើកទី៥ ឆ្នាំ២០២០ នៅទីក្រុងហាណូយ ប្រទែសវៀតណាម (ប្រជុំតាមប្រព័ន្ធអនឡាញ) លើទី៦ ឆ្នាំ ២០២១ នៅប្រ៊ុយណេ (ប្រជុំតាមប្រព័ន្ធអនឡាញ) និងលើកទី៧ នៅរាជធានីភ្នំពេញ ព្រះរាជាណាចក្រកម្ពុជា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content