សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNBC បានរាយការណ៍ថា រដ្ឋបាល Trump គំរាមថា នឹងធ្វើឲ្យសេដ្ឋកិច្ចរបស់ប្រទេសអ៊ីរ៉ង់ដួលរលំតាមរយៈការរឹតបន្តឹងលើការនាំចេញប្រេង ដែលជាប្រភពចំណូលដ៏សំខាន់របស់ប្រទេសមួយនេះ។
កាលពីថ្ងៃព្រហស្បតិ៍ សប្ដាហ៍នេះ រដ្ឋមន្ត្រីក្រសួងរតនាគាអាម៉េរិក Scott Bessent បានលើកឡើងថា ការដាក់ទណ្ឌកម្មរបស់ប្រធានាធិបតី Donald Trump ប្រឆាំងនឹងអ៊ីរ៉ង់ ត្រូវបានរៀបចំឡើងដើម្បីធ្វើឲ្យឧស្សាហកម្មប្រេងរបស់ប្រទេសនេះដុនដាប និងធ្វើឲ្យដួលរលំសេដ្ឋកិច្ចដែលកំពុងធ្លាក់ចុះ។ ទន្ទឹមនឹងនេះ សហរដ្ឋអាមេរិកកំពុងដាក់ទណ្ឌកម្មយ៉ាងខ្លាំងក្លាប្រឆាំងនឹងអ៊ីរ៉ង់ ដែលនឹងបង្កផលប៉ះពាល់ជាអតិបរមាភ្លាមៗ។ គោលដៅរបស់ Trump គឺធ្វើឲ្យការនាំចេញប្រេងរបស់អ៊ីរ៉ង់ធ្លាក់ចុះចំនួន ១,៥ លានបារ៉ែលក្នុងមួយថ្ងៃ។
លោក Bessent បានគំរាមថា អាម៉េរិកនឹងធ្វើឲ្យវិស័យប្រេងរបស់ប្រទេសអ៊ីរ៉ង់ដួលរលំ និងកាត់បន្ថយសមត្ថភាពផលិតយន្តហោះគ្មានមនុស្សបើក។ មិនត្រឹមតែប៉ុណ្ណោះ រដ្ឋបាល Trump ក៏មានបំណងកាត់ផ្តាច់ប្រតិបត្តិការទីក្រុងតេអេរ៉ង់ពីប្រព័ន្ធហិរញ្ញវត្ថុអន្តរជាតិផងដែរ។ ការធ្វើឱ្យអ៊ីរ៉ង់ដួលរលំម្តងទៀតនឹងបង្ហាញពីការចាប់ផ្តើមនៃការធ្វើបច្ចុប្បន្នភាពគោលនយោបាយដាក់ទណ្ឌកម្មរបស់អាម៉េរិក។
គួរឲ្យបញ្ជាក់ដែរថា ប្រធានាធិបតីសហរដ្ឋអាម៉េរិក Donald Trump បានដាក់យុទ្ធនាការនៃការដាក់ទណ្ឌកម្មឡើងវិញលើប្រទេសអ៊ីរ៉ង់តាមរយៈអនុស្សរណៈរបស់ប្រធានាធិបតីនៅថ្ងៃទី ៤ ខែកុម្ភៈ។ ពីរថ្ងៃក្រោយមក ក្រសួងរតនាគាររបស់អាម៉េរិកបានចាប់ផ្តើមដាក់ទណ្ឌកម្មលើបណ្តាញអន្តរជាតិ ដែលដឹកជញ្ជូនប្រេងអ៊ីរ៉ង់ទៅកាន់ប្រទេសចិន។ កាលពីថ្ងៃពុធ តម្លៃប្រេងបានធ្លាក់ចុះដល់កម្រិតទាបដោយសារពន្ធរបស់ Trump ប្រឆាំងនឹងកាណាដា ម៉ិកស៊ិក និងចិន បានបង្កើនការភ័យខ្លាចក្នុងចំណោមអ្នកវិនិយោគថា កំណើនសេដ្ឋកិច្ចនឹងធ្លាក់ចុះ ហើយតម្រូវការប្រេងឆៅនឹងធ្លាក់ចុះផងដែរ។
អ្នកវិភាគ JPMorgan បានលើកឡើងថា ការធ្លាក់ចុះនៃការផ្គត់ផ្គង់របស់អ៊ីរ៉ង់នឹងជំរុញឱ្យតម្លៃប្រេងឡើងថ្លៃវិញ។ បន្ទាប់ពីមានការអធិប្បាយរបស់លោក Besset តម្លៃប្រេងបានឡើងថ្លៃបន្តិច ដោយតម្លៃប្រេងឆៅម៉ាក West Texas Intermediate ឡើងថ្លៃ ០,១ ភាគរយ ឬ ៦៦,៤៦ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក Brent ឡើងថ្លៃ ០,២ ភាគរយ ឬ ៦៩,៦១ ដុល្លារក្នុងមួយបារ៉ែល៕
Account
Security
Favourite Content