សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំថ្មីមានន័យថា ការចាប់ផ្តើមថ្មី លទ្ធភាពថ្មី ឱកាសថ្មី និងបទពិសោធន៍ថ្មី ហើយក៏មានន័យថា មានឱកាសថ្មីៗផងដែរ។ ដូច្នេះប្រសិនបើរយៈពេលប៉ុន្មានឆ្នាំចុងក្រោយនេះ អ្នកមិនទាន់រៀបគម្រោង ឬផែនការហិរញ្ញវត្ថុនោះទេ អ្នកគួរចាប់ផ្តើមពេលនេះ ដោយបណ្តុះទម្លាប់មួយចំនួនដើម្បីសម្រេចបាននូវគោលដៅហិរញ្ញវត្ថុរបស់អ្នកនាពេលអនាគត ហើយតម្រូវការហិរញ្ញវត្ថុក្នុងពេលចាំបាច់ត្រូវត្រៀមទុកឱ្យបានរួចរាល់ សម្រាប់ជីវិត និងភាពមិនច្បាស់លាស់នាពេលអនាគត។
ការធ្វើដំណើរឆ្ពោះទៅរកស្ថិរភាពហិរញ្ញវត្ថុគឺជាដំណើរការដែលមិនអាចសម្រេចបានតែមួយ ឬពីរថ្ងៃនោះទេ ហើយនឹងមិនធ្វើឱ្យយើងក្លាយជាអ្នកមានជាងកាលពីម្សិលមិញនោះទេ។ ប៉ុន្តែមនុស្សម្នាក់ៗបណ្ដុះទម្លាប់ចាំបាច់មួយចំនួន ហើយត្រូវរកហេតុផលបន្ថែមទៀតដើម្បីចាប់ផ្តើមធ្វើការឆ្ពោះទៅរកគោលដៅរបស់ខ្លួនក្នុងការសម្រេចបាននូវស្ថិរភាពហិរញ្ញវត្ថុ។
ការស្រាវជ្រាវវិទ្យាសាស្ត្របង្ហាញថា វាត្រូវចំណាយពេលជាមធ្យម ៦៦ ថ្ងៃ សម្រាប់ការធ្វើឱ្យមានទម្លាប់មួយ ដើម្បីក្លាយជាផ្នែកមួយនៃរបៀបរស់នៅទម្លាប់រស់នៅរបស់អ្នក។ ដូច្នេះប្រសិនបើមានពេលល្អដើម្បីចាប់ផ្តើមធ្វើការឆ្ពោះទៅរកគោលដៅហិរញ្ញវត្ថុផ្ទាល់ខ្លួនរបស់យើង និងបណ្តុះវិន័យហិរញ្ញវត្ថុមួយចំនួន វាគឺចាប់ផ្តើមពីពេលឥឡូវនេះ។ ខាងក្រោមនេះជាទម្លាប់ចំនួន ៣ ដែលមនុស្សម្នាក់អាចបណ្តុះដើម្បីសម្រេចគោលដៅរបស់ខ្លួននៅឆ្នាំ ២០២២។
បង្កើតទម្លាប់តាមដានការចំណាយ
ជំហានដំបូងដ៏ល្អក្នុងការរៀបចំផែនការហិរញ្ញវត្ថុគឺត្រូវចាប់ផ្តើមតាមដានការចំណាយរបស់អ្នក។ អ្នកត្រូវដឹងពីអ្វីដែលត្រូវចំណាយ និងខ្ទង់ចំណាយរបស់អ្នក។ ពេលខ្លះ បទពិសោធន៍កន្លងជួយឱ្យអ្នកយល់ដឹងកាន់តែច្បាស់។ ដូច្នេះ សូមក្រឡេកមើលចំណូល និងការចំណាយរបស់អ្នកជាមួយទស្សនៈទូលំទូលាយ ដើម្បីកំណត់នូវអ្វីដែលអាចត្រូវបានកាត់បន្ថយ ហើយបន្ទាប់មកផ្តោតអារម្មណ៍របស់អ្នកលើការចំណាយរបស់អ្នក តើថា ចំណូលនៅប៉ុន្មាន បន្ទាប់គុណគូរលើការចំណាយប្រចាំខែរបស់អ្នករួច។
ក្នុងករណីដែលវាធុញទ្រាន់ក្នុងការកត់ត្រាលើការចំណាយទាំងអស់របស់អ្នក កម្មវិធីគ្រប់គ្រងការចំណាយលើទូរសព្ទដៃជាច្រើននឹងអាចជួយដល់អ្នកបាន។ កម្មវិធីទាំងនេះនឹងមានកំណត់ត្រានៃប្រតិបត្តិការហិរញ្ញវត្ថុរបស់អ្នកទាំងអស់ វានឹងជួយអ្នកពិនិត្យមើលកម្រងព័ត៌មានការចំណាយរបស់អ្នកបានប្រសើរជាងមុន និងជួយកំណត់អាទិភាពលើការចំណាយរបស់អ្នក។
បង្កើតទម្លាប់សន្សំរបស់អ្នក
ជាការពិត ការសន្សំគឺពិបាកណាស់។ ប៉ុន្តែការសន្សំប្រាក់គឺចាំបាច់ណាស់ ព្រោះថាប្រាក់សន្សំនឹងផ្តល់ឱ្យអ្នកភាពងាយស្រួលផ្នែកហិរញ្ញវត្ថុ ក្នុងករណីដែលអ្នកបញ្ហាផ្នែកហិរញ្ញវត្ថុ ឬភាពមិនច្បាស់លាស់ណាមួយ ដែលអាចកើតមានឡើង ដែលអ្នកអាចដឹងមុនក្នុងពេលណាមួយ។ វិធីសាស្រ្តសម្រាប់សន្សំប្រាក់ ដែលអ្នកជំនាញហិរញ្ញវត្ថុតែងតែលើកឡើង គឺជារូបមន្ត ៥០-៣០-២០។
យោងតាមអ្នកជំនាញ បុគ្គលម្នាក់គួរតែបែងចែក ៥០% នៃប្រាក់ចំណូល សម្រាប់ការចំណាយសំខាន់ៗ ឬ “តម្រូវការចាំបាច់ លើការរស់នៅ អាហារ និងការចំណាយផ្សេងទៀត ២០% សម្រាប់ការចំណាយផ្ទាល់ខ្លួននិងការកម្សាន្តផ្សេងៗ) និង ២០% សម្រាប់ការសន្សំ ឬ គោលដៅហិរញ្ញវត្ថុ ដូចជាការវិនិយោគ។
ទោះយ៉ាងណាក៏ដោយ ជារឿងសំខាន់ដែលអ្នកត្រូវដឹងថា អ្នកទាំងអស់គ្នាអាចអនុវត្តតាមរូបមន្តនេះបាន ប៉ុន្តែក៏ត្រូវចង់ចាំផងដែរថា អ្នកក៏បង្កើតរូបមន្តផ្សេងៗ ឬទម្លាប់ហិរញ្ញវត្ថុផ្សេងៗដោយខ្លួនឯង ដោយមិនចាំបាច់ពឹងផ្អែកលើរូបខាងលើនេះ ដើម្បសម្រេចគោលដៅហិរញ្ញវត្ថុរបស់អ្នក។ ប្រសិនបើអ្នកចង់សន្សំប្រាក់បានច្រើន អ្នកអាចធ្វើវា ដោយអនុវត្តតាមបញ្ច្រាស់ពីរូបមន្តខាងលើ។
ចាប់ផ្តើមទម្លាប់វិនិយោគ
អ្នកត្រូវគិតថា វាមិនលឿនពេក ឬយឺតពេលក្នុងការចាប់ផ្តើមវិនិយោគនោះទេ។ ចាប់ផ្តើមជាមួយការវិនិយោគតូច ប៉ុន្តែឆ្លាតវៃ។ សាកល្បងឧបករណ៍ដ៏ងាយស្រួល និងឆ្លាតវៃ ដូចជាផែនការវិនិយោគជាប្រព័ន្ធ ប៉ុន្តែអ្នកត្រូវមានការប្រុងប្រយ័ត្ន ដោយត្រូវមានការរៀបចំក្រុងត្រា និងផ្នែកច្បាប់ឱ្យបានត្រឹមត្រូវ ដើម្បីជៀសវាងជម្លោះផលប្រយោជន៍នាថ្ងៃខាងមុខ។ ការវិនិយោគជាប្រព័ន្ធ ឬជាក្រុម បានក្លាយជាការពេញនិយមសម្រាប់ប្រជាជននៅបរទេស។ ឧទាហរណ៍ មានការវិនិយោគក្រុមតម្លៃ ១ លានដុល្លារ លើអចលនទ្រព្យក្នុងទីតាំងណា ហើយនឹងអាចទាញយកផលចំណេញក្នុងពេលណាមួយពីអចលនទ្រព្យនេះ ដូច្នេះប្រធានបង្កើតជាមូលនិធិវិនិយោគមួយ ដើម្បីកៀរគរទុនពីអ្នកវិនិយោគសម្រាប់ការវិនិយោគនេះ។ ប្រសិនអ្នកស្គាល់ពីគម្រោងនេះច្បាស់លាស់ ហើយអ្នកគួរបង្កើតឱកាសសម្រាប់ខ្លួនឯង។
ជាមួយនេះដែរ ការដាក់ប្រាក់បញ្ញើមានកាលកំណត់ ក៏អាចផ្តល់ឱកាសក្នុងការបង្កើនប្រាក់របស់អ្នកផងដែរ តាមរយៈការទទួលបានអត្រាប្រាក់ដែលអ្នកបានដាក់ប្រាក់បញ្ញើក្នុងស្ថាប័នហិរញ្ញវត្ថុដែលមានសិទ្ធទទួលបានប្រាក់បញ្ញើស្របច្បាប់។ បច្ចុប្បន្ន នៅកម្ពុជា មានធនាគារ និងស្ថាប័នហិរញ្ញវត្ថុដែលមានសិទ្ធទទួលបានប្រាក់បញ្ញើស្របច្បាប់ជាច្រើន អ្នកអាចជ្រើសរើសបានក្នុងការដាក់ប្រាក់បញ្ញើដើម្បីទទួលបានអត្រាប្រាក់។ លើសពីនេះ ក៏មានជម្រើសជាច្រើនទៀត។ សូមបញ្ជាក់ ការវិនិយោគមានភាពទូលំទូលាយណាស់ ដូច្នេះអ្នកអាចមានជម្រើស និងឱកាសផ្សេងៗគ្នា ហើយទម្លាប់ជាច្រើនទៀតដែលអាចបង្កើតឡើងដោយឯង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
សមាគមហិរញ្ញវត្ថុ ២ បង្ហាញការប្តេជ្ញាចិត្តការពារអតិថិជន និងដោះស្រាយបណ្តឹងដោយតម្លាភាព
Account
Security
Favourite Content