សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ថា បើទោះបីវិបត្តិកូវីដ-១៩ នៅកម្ពុជាមានភាពធូរស្បើយក៏ដោយ ក៏កម្ពុជាបាន និងកំពុងខិតខំប្រឹងប្រែងរក្សាម៉ាក្រូសេដ្ឋកិច្ច ទប់ស្កាត់អតិផរណា និងរក្សាកម្លាំងទិញនៃប្រាក់រៀល ដើម្បីទប់ស្កាត់បញ្ហាសេដ្ឋកិច្ចថមថយ ដែលបណ្តាលមកពីវិបត្តិសង្រ្គាមនៅអ៊ុយក្រែន។
សម្តេចតេជោ ហ៊ុន សែន មានប្រសាសន៍ក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០-២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង ២ ពាន់នាក់ នៅរាជធានីភ្នំពេញថា យើងត្រូវត្រៀមខ្លួនទទួលបានយកការពិតមួយស្តីពីបញ្ហាសេដ្ឋកិច្ចថមថយ ដែលផ្តើមចេញពីកូវីដផង និងសង្រ្គាមនៅអ៊ុយក្រែនផង។
សម្តេចតេជោបានថ្លែងថា ៖
“រឿងនេះគឺរឿងដែលយើងត្រូវរួមគ្នាខិតខំដើម្បីរក្សាម៉ាក្រូសេដ្ឋកិច្ចឱ្យបានល្អ ទប់ស្កាត់អតិផរណា រក្សាកម្លាំងទិញនៃប្រាក់រៀល។ សេដ្ឋកិច្ចរបស់យើងទើបតែរើបៗ បន្ទាប់ពីកូវីដ (ធូរស្បើយ) ប៉ុន្តែមិនស្មានសោះថា សង្រ្គាមរុស្ស៊ី-អ៊ុយក្រែនបានចាប់ផ្តើមដាក់បន្ទុកទៅលើប្រទេសនានាលើពិភពលោក”
បច្ចុប្បន្ន IMF និងធនាគារពិភពលោក ចាប់ផ្តើមទម្លាក់ការព្យាករកំណើនសេដ្ឋកិច្ចពិភពលោក ក្នុងនោះក៏បានទម្លាក់កំណើនសេដ្ឋកិច្ចកម្ពុជាផងដែរ ប៉ុន្តែធនាគារអភិវឌ្ឍន៍ (ADB) វាយតម្លៃកំណើនសេដ្ឋកិច្ចកម្ពុជាផ្សេងគ្នាពីកំណើនសេដ្ឋកិច្ចកម្ពុជា។
ទោះបីជាយ៉ាងក៏ដោយ សម្តេចតេជោ បានប្រាប់ថ្លែងទៅកាន់សហការីថា កុំព្រួយបារម្ភចំពោះការវាយតម្លៃសេដ្ឋកិច្ចកម្ពុជាទុកជាមុន ប៉ុន្តែអ្វីដែលសំខាន់នោះគឺថា តើកម្ពុជាប្រឹងប្រែងសម្រេចកំណើនសេដ្ឋកិច្ចបានប៉ុន្មានឱ្យពិតប្រាកដ?
សម្តេចតេជោបានបន្តថា ៖
“ដូច្នេះ ការខិតខំរបស់យើងដើម្បីរក្សាសិ្ថរភាពម៉ាក្រូសេដ្ឋកិច្ច ទប់ស្កាត់អតិផរណា រក្សាកម្លាំងទិញនៃប្រាក់រៀលរបស់យើង ត្រូវតែបន្ត។ យើងត្រូវបន្តទៀតនូវការសន្សំសំចៃឱ្យបានខ្ពស់ ដើម្បីទប់ទាល់នឹងសភាពការណ៍ ដែលបាន និងកំពុងកើត។ ពិតមែនហើយ សេដ្ឋកិច្ចរបស់យើងមិនទាន់ដល់កម្រិត ដែលហៅថា ដួលរលំ ឬហានិភ័យនៃការដួលរលំ អត់មាននោះទេ។ ៣ ខែ ដើមឆ្នាំ យើងនាំចេញ […] កំណើននៃការនាំចេញកើនឡើង ៣៣ ភាគរយនៃការនាំចេញទៅក្រៅប្រទេស”
ធនាគារពិភពលោកកាលពីពេលថ្មីៗនេះបានបញ្ជាក់នៅក្នុងរបាយការណ៍ចុងក្រោយមួយក្រោមចំណងជើងថា Global Economic Prospects ដែលសារព័ត៌មាន AMS ទទួលបានកាលពីពេលកន្លងទៅនេះបានបញ្ជាក់ថា បន្ថែមពីលើការខូចខាតដែលបង្កដោយជំងឺរាតត្បាតកូវីដ-១៩ សង្គ្រាមរបស់ប្រទេសរុស្ស៊ីទៅលើប្រទេសអ៊ុយក្រែន បានធ្វើឱ្យដំណើរថមថយនៃសេដ្ឋកិច្ចសាកលលោកកាន់តែធ្លាក់ល្បឿនរហូតមកដល់គ្រាមួយដែលអាចក្លាយជាដំណាក់កាលអូសបន្លាយ ក្នុងនោះកំណើនសេដ្ឋកិច្ចកាន់តែខ្សោយថាមពល ហើយអតិផរណាចេះតែកើនឥតឈប់ឈរ។
លោក ដេវីដ ម៉ាល់ប៉ាស់ (David Malpass) ប្រធានក្រុមធនាគារពិភពលោក មានប្រសាសន៍ដូច្នេះថា ៖
“សង្គ្រាម នៅក្នុងប្រទេសអ៊ុយក្រែន, វិធានការបិទខ្ទប់នៅក្នុងប្រទេសចិន, ការបន្ទុចបង្អាក់ដល់ខ្សែចង្វាក់ផ្គត់ផ្គង់ និងហានិភ័យនៃអតិផរណារួមនឹងដំណើរមិនចម្រើនខាងសេដ្ឋកិច្ចកំពុងតែសង្កត់កំណើនសេដ្ឋកិច្ចមិនឱ្យងើបរួច។ ប្រទេសជាច្រើននឹងគេចមិនផុតពីដំណើរធ្លាក់ចុះនៃសេដ្ឋកិច្ចឡើយ”
លោក ម៉ាល់ប៉ាស់ បន្តទៀតថា៖ ជាទីផ្សារសម្លឹងទៅមុខ ដូច្នេះអ្វីដែលជាកិច្ចការបន្ទាន់នោះគឺត្រូវជំរុញផលិតកម្មឱ្យសកម្មថែមទៀត ហើយចៀសវាងឱ្យបាននូវការដាក់របារពាណិជ្ជកម្ម។ ការផ្លាស់ប្តូរក្នុងគោលនយោបាយផ្នែកសារពើពន្ធ រូបិយវត្ថុ អាកាសធាតុ និងបំណុល ក៏ជាកិច្ចការចាំបាច់ត្រូវធ្វើដែរ ដើម្បីបង្ការឱ្យបាននូវការបែងចែកធនធានមិនចំគោលដៅ និងសមភាព។
លោក អាយហាន់ កូសេ (Ayan Kose) ប្រធានក្រុម Prospects Group នៃក្រុមធនាគារពិភពលោក មាន ប្រសាសន៍ដូច្នេះថា៖ “បណ្តាប្រទេសកំពុងអភិវឌ្ឍន៍ចាំបាច់ត្រូវតែថ្លឹងថ្លែងរវាងតម្រូវការនៃភាពចាំបាច់ដើម្បីរក្សា ស្ថេរភាពសារពើពន្ធ ជាមួយនឹងតម្រូវការក្នុងការសម្រាលផលប៉ះទង្គិចរបស់វិបត្តិដែលកំពុងកើតមានផ្ទួនៗគ្នាទៅ លើពលរដ្ឋក្រីក្របំផុតរបស់ខ្លួននាពេលបច្ចុប្បន្ន។ លោក កូសេ បន្តទៀតថា ៖ ការផ្សព្វផ្សាយឱ្យបានច្បាស់លាស់អំពីការសម្រេចចិត្តផ្នែកគោលនយោបាយរូបិយវត្ថុ, ការបង្កើនអានុភាពនៃក្របខណ្ឌគោលនយោបាយរូបិយវត្ថុគួរឱ្យទុកចិត្តបាន, និងការការពារឱ្យបាននូវឯករាជ្យភាពរបស់ធនាគារកណ្តាលទាំងអស់នេះ អាចមានប្រសិទ្ធភាពក្នុងការជួយគ្រប់គ្រងឱ្យបាននូវក្តីរំពឹងទុកចំពោះកម្រិតអតិផរណា និងក៏ជួយកាត់បន្ថយបានដែរនូវបរិមាណវិធានការរឹតបន្ដឹងផ្នែកគោលនយោបាយ ដែលចាំបាច់សម្រាប់ធ្វើឱ្យមានឥទ្ធិពលសមតាមបំណង ដែលចង់បានទៅលើអតិផរណា និងសកម្មភាពនានា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content