សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ មានរាងមូលៗដូចក្អមទឹក ស្ថិតនៅលើជើងទម្ររួមជាមួយនឹងគម្របបិទជិត ក្នុងរូបភាពជាធុងបរិស្ថានរបស់សិប្បកម្មកែច្នៃសម្បកកង់រថយន្តចាស់ៗមួយកន្លែងស្ថិតក្នុងខេត្តកំពង់ចាម ដែលកំពុងមមាញឹកក្នុងការផលិតសម្រាប់ដាក់សំរាមតាមការបញ្ជាទិញរបស់អតិថិជនមកពីគ្រប់ទិសទី ហើយបានផ្តល់ចំណូលដល់សហគមន៍ដែលជាក្រុមអ្នកផលិត។
អ្នកស្រី សឿង សុថារី ជាម្ចាស់សិប្បកម្ម ធុងបរិស្ថាន (Eco Bin) បានប្រាប់ឱ្យដឹងថា បច្ចុប្បន្ននេះ អាជីពជាអ្នកកែច្នៃ និងផលិតធុងបរិស្ថានសម្រាប់ដាក់សំរាម គឺកំពុងតែមានភាពមមាញឹក ខណៈដែលមានការគាំទ្រ និងបញ្ជាទិញយ៉ាងច្រើន ដែលក្នុងនោះមានទាំងការបញ្ជាទិញពីឈ្មួញយកទៅលក់បន្ត និងការបញ្ជទិញពីសំណាក់អ្នកប្រើប្រាស់ផ្ទាល់។
អ្នកស្រី សឿង សុថាវី បានបញ្ជាក់ថា ៖
«ដោយសារក្ដីស្រឡាញ់ការងារសង្គម ហើយខ្ញុំគិតថាអាជីវកម្មនេះអាចជួយដល់បរិស្ថាន និងអាចផ្ដល់ឱកាសការងារឱ្យប្រជាជនក្នុងតំបន់ផងនោះ គ្រួសារខ្ញុំបានសម្រេចចាប់យកអាជីពជាអ្នកកែច្នៃសំណល់សម្បកកង់ឡានចាស់ៗដែលមិនងាយរលាយឲ្យក្លាយជាសម្ភារៈប្រើប្រាស់មានប្រយោជន៍តាមរយៈការបង្កើតជាធុងសំរាមបរិស្ថាននេះឡើង»
អ្នកស្រីបានបន្តទៀតថា បច្ចុប្បន្ននេះ បងប្អូនប្រជាជនខ្មែរភាគច្រើនបានយល់ដឹងពីតម្លៃរបស់ធុងបរិស្ថាននេះ ដែលធ្វើឱ្យធុងរបស់គាត់មានការគាំទ្រច្រើន ទាំងនៅក្នុងតំបន់ និងនៅតាមបណ្តាស្រុកក្នុងខេត្ត ជាពិសេសក្នុងបុរី បានធ្វើការបញ្ជាទិញជាបន្តបន្ទាប់ ហើយក្នុងនោះក៏មានអង្គការ និងក្រុមហ៊ុនមួយចំនួនធ្វើការបញ្ជាទិញរហូតធ្វើឱ្យការផលិតស្ទើរមិនទាន់។
អ្នកស្រីបានបញ្ជាក់ថា ៖
«មែនទែនទៅយើងមានការគាំទ្រច្រើន ប៉ុន្តែការផ្គត់ផ្គង់យើងគឺអត់ទាន់តម្រូវការទេ ហើយក៏ផ្គត់ផ្គង់មិនសូវបានច្រើនដែរ ព្រោះផលិតផលនេះយើងធ្វើដោយដៃសុទ្ធសាធ អត់ទាន់មានលទ្ធភាពធ្វើដោយម៉ាស៊ីននៅឡើយទេ។ លទ្ធភាពផលិតរបស់សិប្បកម្មយើងគឺនៅមានកម្រិតនៅឡើយ ដោយកម្លាំងកម្មករជំនាញ ២០នាក់ អាចផលិតបានប្រមាណ ៤០០-៥០០ ធុងប៉ុណ្ណោះក្នុងមួយខែ»
អ្នកស្រីបានរៀបរាប់ឲ្យដឹងទៀតថា ធុងបរិស្ថាននេះត្រូវបានផលិត២ប្រភេទ មានគុណភាពល្អ ក្រាស់ មាំ ស្វិត អាចប្រើប្រាស់បានច្រើនឆ្នាំទោះបីដាក់ហាលថ្ងៃ ហាងខ្យល់ក៏ដោយក៏ភាពធន់នៅតែមានដែរ ហើយចំពោះតម្លៃមាន២៥ដុល្លារ និង៣៥ដុល្លារ អាស្រ័យតាមទំហំ។ ម៉្យាងវិញទៀត ធុងប្រភេទនេះក៏ផ្ដល់នូវភាពងាយស្រួលសម្រាប់អ្នកប្រើប្រាស់ផងដែរ ពិសេសនៅពេលសម្អាត គឺគ្រាន់តែបាញ់ទឹកលាងធម្មតា មិនប្រើកម្លាំងច្រើននោះទេ ដោយសារធុងនេះមានចោះរន្ធសម្រាប់បង្ហូរទឹកស្រាប់។ ក្រៅពីនេះ វាមានដៃយួរសងខាងដែលអាចបង្កភាពងាយស្រួលដល់អ្នកប្រមូលសំរាមក្នុងការលើកចាក់ចូលទៅក្នុងរថយន្តដឹកសំរាមតែម្ដង។
ម្ចាស់សិប្បកម្មរូបនេះបានបន្តទៀតថា ទាក់ទងទៅនឹងវត្ថុធាតុដើមសម្រាប់ផលិតវិញ មានពេលខ្លះក៏ជួបឧបសគ្គ ខ្វះខាតផងដែរ បើទោះជាមានគេឲ្យដោយមិនយកលុយក៏ដោយ។
អ្នកស្រី សុថាវី ៖
«សម្បកកង់ដែលមាននៅក្នុងតំបន់មិនសូវមាននោះទេ ហើយបើដើរទិញក្រៅតំបន់ក៏ពិបាកនឹងធ្វើដែរ ព្រោះគ្រាន់តែចំណាយថ្លៃឈ្នួលដឹកជញ្ជូនថ្លៃជាងតម្លៃទិញនោះទៅទៀត មានពេលខ្លះនៅកន្លែងជួសជុលរថយន្តដែលស្ថិតនៅខេត្តមួយចំនួនគេឲ្យដោយទទេមិនយកលុយផង ប៉ុន្តែមិនអាចទៅដឹកបាន ដោយសារឈ្នួលដឹកអាចថ្លៃជាងទិញទៅទៀត ដូច្នេះមានតែស្វែងរកនៅក្នុងតំបន់ជិតៗតែប៉ុណ្ណោះ»
គួររំលឹកដែរថា សិប្បកម្មផលិតធុងបរិស្ថានសម្រាប់ដាក់សំរាមនេះ ត្រូវបានបង្កើតឡើងក្នុងអំឡុងពេល១០ឆ្នាំមុន ដោយផ្តើមចេញពីដើមទុនត្រឹមតែ១៤០ដុល្លារតែប៉ុណ្ណោះ ដែលផ្តើមគំនិតឡើងពីអ្នកស្រី សុថាវី ដោយផ្ទាល់។ ចំពោះប្រភេទសម្បកកង់ដែលអាចច្នៃបានជាធុងសំរាមនេះ គឺជាប្រភេទសម្បកកងដែលមានមានសសៃអំបោះតែប៉ុណ្ណោះ ដោយឡែកសម្រាប់ប្រភេទសម្បកកងដែលមានសសៃដែកលួសមិនអាចកែបាននោះទេ។
ក្រៅពីធុងសំរាម សិប្បកម្មខាងលើក៏មានច្នៃសម្បកកង់រថយន្តជាសម្ភារប្រើប្រាស់ផ្សេងទៀតផងដែរ ដូចជា តុ កៅអី សាឡុង ផើងផ្កា ជាដើម។ នៅថ្ងៃអនាគត អ្នកស្រីមានបំណងចង់ពង្រឹងលទ្ធភាពក្នុងការគ្រប់គ្រងអាជីវកម្ម ដើម្បីឈានទៅរកការពង្រីកវិសាលភាពផលិតឲ្យបានច្រើនសម្រាប់ផ្គត់ផ្គង់ទីផ្សារនៅតាមបណ្តាខេត្តក្រុងផ្សេងៗនៅទូទាំងប្រទេសឲ្យបានគ្រប់គ្រាន់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Putin ធ្វើទស្សនកិច្ចលើកដំបូងបង្អស់ទៅកាន់ប្រជុំកោះ Kuril តំបន់ជម្លោះដ៏រ៉៉ាំរ៉ៃជាមួយជប៉ុន
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ប្រធានាធិបតីរុស្ស៊ី លោក Vladimir Putin បានធ្វើទស្សនកិច្ចជាលើកដំបូងបង្អស់របស់លោកទៅកាន់ប្រជុំកោះ Kuril ក្នុងអំឡុងពេលធ្វើដំណើរទស្សនកិច្ចការងារនៅតំបន់ស៊ីបេរី និងចុងបូព៌ា
អាម៉េរិកបង្ខំក្រុមហ៊ុនអាវុធធំៗ ដាក់ផែនការបង្កើនផលិតកម្មក្នុងរយៈពេល ២១ ថ្ងៃ
ព្រឹត្តិការណ៍, អាជីវកម្មថ្មី និងនវានុវត្ត
• 13/08/2026
ក្រសួងការពារជាតិអាម៉េរិក បានទុកពេលត្រឹម ២១ ថ្ងៃ ឱ្យក្រុមហ៊ុនផលិតអាវុធធំៗ ដាក់ជូនផែនការលម្អិតសម្រាប់ពន្លឿនការផលិតសព្វាវុធសំខាន់ៗ ខណៈស្តុកមីស៊ីលរបស់អាម៉េរិកបានធ្លាក់ចុះយ៉ាងខ្លាំង បន្ទាប់ពីការប្រើប្រាស់សព្វាវុធក្នុងប្រតិបត្តិការយោធានៅមជ្ឈិមបូព៌ានាពេលថ្មីៗនេះ
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content