សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ តាមរយៈសហគ្រិនខ្មែរ (KE) បានប្រគល់កញ្ចប់ថវិកាបន្ថែមសម្រាប់ដំណើរការអាជីវកកម្មជូនធុរជនថ្មី ចំនួន៤៩រូប ក្នុងចំណោមសំណើរសរុបចំនួន ៣៦១ មកពី ២០ រាជធានីខេត្ត ដែលមានទឹកប្រាក់សរុបចំនួន ៤១៥ ០០០ ដុល្លាអាមេរិក ។
យោងតាមសេចក្តីប្រកាសព័ត៌មានរបស់សហគ្រិនខ្មែរបានបញ្ជាក់ថា កញ្ចប់ជំនួយសហគ្រិនខ្មែរ គឺជាយន្តការអនុវត្តបែបយុទ្ធសាស្ត្រមួយរបស់រាជរដ្ឋាភិបាលតាមរយៈការគាំទ្រផ្នែកហិរញ្ញវត្ថុដល់សហគ្រាសធុនតូច និងមធ្យម និងធុរកិច្ច ក្នុងការដោះស្រាយបញ្ហាប្រឈមក្នុងអាជីវកម្ម និង ប្រតិបត្តិការដែលបណ្តាលមកពីវិបត្តិកូវីដ១៩ ក្នុងរយៈពេល២ឆ្នាំកន្លងមក ។ កម្មវិធីនេះបានអនុវត្តអស់៥ជុំ ហើយបានផ្តល់ការគាំទ្រដល់សហគ្រិនចំនួន៩០នាក់ ដែលមានទឹកប្រាក់សរុបចំនួន ៨១៥ ០០០ ដុល្លាអាមេរិក ។
លោក វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា សហគ្រិនភាព ជាវិស័យចម្បងមួយ ដែលរាជរដ្ឋាភិបាលបាន និងកំពុងយកចិត្តទុកដាក់ ដើម្បីពង្រឹងវិស័យឯកជនឲ្យកាន់តែខ្លាំងនិងមានភាពរឹងមាំ ដើម្បីបង្កើនតម្លៃបន្ថែម បង្កើតការងារ បង្កើនភាពធន់នឹងវិបត្តិ និងជំរុញឲ្យមានពិពិធកម្មសេដ្ឋកិច្ច ដូច្នេះ កញ្ចប់ជំនួយសហគ្រិនខ្មែរ ជាកម្មវិធីយុទ្ធសាស្ត្រដ៏មុតស្រួចមួយ បង្កើតឡើងដើម្បីជួយរក្សាលំនឹង និងលើកកម្ពស់ដល់ធុរកិច្ចថ្មី និងសហគ្រាស ធុនតូចនិងមធ្យមដែលមានសក្តានុពល តែកំពុងជួបការលំបាកពីវិបត្តិកូវីដ១៩ ហើយស្ថិតនៅក្នុងវិស័យអាទិភាព ។
ដើម្បីឆ្លើយតប និងជាយុទ្ធសាស្ត្រគាំទ្រដល់សហគ្រាសធុនតូច និងមធ្យម និងធុរកិច្ចថ្មី ដែលមានសក្តានុពលក្នុងដំណើរស្ដារអាជីវកម្ម លោកបណ្ឌិត ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ មានប្រសាសន៍ថា សហគ្រាសធុនតូចនិងមធ្យម គឺជាឆ្អឹងខ្នងនៃកំនើនសេដ្ឋកិច្ចជាតិ ដែលបង្កើនភាពធន់ និងបង្កើតការងារ រីឯធុរកិច្ច គឺជាកម្លាំងចលករជំរុញការបង្កើតគំនិតនវានុវត្តន៍ និងដោះស្រាយបញ្ហាប្រឈម តាមបែបវិធីសាស្ត្រ ថ្មីដែលមានភាពទាក់ទាញ។ ដូច្នេះ កម្មវិធីនេះ ពិតជាមានសារៈសំខាន់ ក្នុងការផ្តល់ជំនួយនិងយន្តការដោះស្រាយដ៏សមស្រប ខណៈពេលដែលសហគ្រិន កំពុងជួបការលំបាក ផ្នែកហិរញ្ញវត្ថុ និងប្រតិបត្តិការ ដើម្បីរក្សានូវលំនឹងអាជីវកម្ម ក្នុងអំឡុងពេល និងឆ្លងអោយផុតពីវិបត្តិកូវីដ១៩ ។
លោកបណ្ឌិតបន្តថា សហគ្រិនខ្មែរ នឹងបន្តដើរតួនាទីក្នុងការចូលរួមជាមួយដៃគូរពាក់ព័ន្ធនៅក្នុង ប្រព័ន្ធអេកូឡូស៊ី សហគ្រិនភាព ដើម្បីផ្ដល់ការគាំទ្រជាបន្តបន្ទាប់ដល់ធុរកិច្ចថ្មីនិងសហគ្រាសធុនតូចនិងមធ្យម។ សហគ្រិនខ្មែរនឹងបើកទទួលពាក្យក្នុង កម្មវិធីកញ្ចប់ជំនួយសហគ្រិនខ្មែរឆ្នាំ ២០២២ នៅខែមីនា ដូច្នេះ សម្រាប់សហគ្រិនដែលគិតថាមានសមត្ថភាពពេញលេញ ក្នុងការទទួលបានការគាំទ្រពីកម្មវិធីនេះ សូមធ្វើការដាក់ពាក្យចូលរួម តាមបណ្ដាញសង្គមរបស់សហគ្រិនខ្មែរ ។ នៅក្នុងវិបត្តិកូវីដ១៩ ដែលអូសបន្លាយអស់រយៈពេលជាង២ឆ្នាំមកនេះ សហគ្រិនកម្ពុជាជាច្រើនបានជួបប្រទះនឹងលំហូរសាច់ប្រាក់ ដោយមានផលិតផលលក់ចេញតែសាច់ប្រាក់ចូលមានភាពយឺតយ៉ាវដែលធ្វើឱ្យដំណើរការនៃអាជីវកម្មនៅតែជួបប្រទះ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content