សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការចម្អិនម្ហូបមិនអាចខ្វះបាននោះទេនូវគ្រឿងផ្សំគោល ដូចជា ស្ករ អំបិល ប៊ីចេង ទឹកត្រី ជាដើម ដែលធ្វើឱ្យម្ហូបអាហាមានឱជារសឆ្ងាញ់ពិសា។ ជាមួយគ្នានេះ ដើម្បីសម្រួលដល់ការចម្អិនឱ្យកាន់តែងាយស្រួលក្នុងការផ្សំគ្រឿង ស្មើដៃល្អ មិនសាប មិនប្រៃនោះ ផលិតផលថ្មីដែលច្នៃឡើងដោយសហគ្រិនក្នុងស្រុកជាកូនខ្មែរ «ទឹកឆា» ត្រូវបានបង្កើតឡើង និងកំពុងចរាចរណ៍នៅក្នុងទីផ្សារ។
ទឹកឆា ជាផលិតផលជំនួយគ្រឿងទេសម្យ៉ាង ដែលត្រូវបានបង្កើតឡើងដោយរូបមន្តជាលក្ខណៈគ្រួសារ ដើម្បីលាយចម្អិនម្ហូបអាហារបានយ៉ាងងាយស្រួល និងមានឱជារសឈ្ងុយឆ្ហាញ់ផងដែរ។
អ្នកស្រី លី សូរិយ៉ា ជាស្ថាបនិកផលិតផលខាងលើបានប្រាប់ឱ្យដឹងថា ទឹកឆា ជាផលិតផលថ្មីមួយដែលបង្កើតឡើងដោយកូនខ្មែរ អាចជួយដល់អ្នកចម្អិនអាហារមានភាពងាយស្រួលជាងមុន និងធ្វើឱ្យអាហារមានរសជាតិឆ្ងាញ់ដូចម្ហូបនៅតាមបណ្តាហាងទំនើបដូច្នោះដែរ។
អ្នកស្រីបញ្ជាក់ថា ៖
“ទឹកឆាគឺមានប្រយោជន៍ច្រើន ពោលគឺមានគុណតម្លៃខ្លាំងមែនទែនចំពោះអ្នកដែលគាត់ធ្វើម្ហូប និងអ្នកដែលចូលចិត្តធ្វើម្ហូប ឬអ្នកធ្វើអាជីវកម្មលើវិស័យម្ហូបអាហារផ្ទាល់តែម្ដង ដោយសារពេលខ្ញុំធ្វើម្ហូបឆាមួយចាន ទោះដាក់តែទឹកឆាចូលទៅគឺឆ្ងាញ់ល្មម មិនចាំបាច់ដាក់អំបិល និងស្ករឡើយ”
អ្នកស្រីបន្តថា ៖
“ដោយសារតែមើលឃើញពីគុណភាព និងគុណតម្លៃបែបនេះហើយ ទើបយើងបានវេចខ្ចប់ផលិតផលនេះប្រកបដោយគុណភាព និងមានតម្លៃសមរម្យជូនអតិថិជនយើងដែលអាចឱ្យគាត់ចំណេញពេលវេលាក្នុងការចម្អិន ថែមទាំងទទួលបានម្ហូបដែលមានរសជាតិឆ្ងាញ់ ពិសេសម្រាប់អាជីវកម្មម្ហូបអាហារ ដោយអ្នកចម្អិនមិនចាំបាច់ចំណាយពេលច្រើន ហើយបើទោះជាពេលខ្លះខ្វះចុងភៅក៏បុគ្គលិកអាចចម្អិនបាន”
អ្នកស្រីបន្ថែមទៀតថា ៖
“ទឹកឆាអាចប្រើបានច្រើនមុខ ពោលគឺម្ហូបអាស៊ីអាចប្រើប្រាស់បានទាំងអស់ ដែលយើងអាចយកទៅប្រឡាក់ ឆា លីង សូម្បីប្រហុកក៏យើងអាចប្រើប្រាស់បានដែរ និយាយរួមទៅគឺអាចប្រើជំនួស អំបិល ស្ករស ប៊ីចេង និងប្រេងខ្យងបាន”
ចំពោះផលិតផលទឹកឆា មានបីប្រភេទគឺ ពណ៌លឿង រសជាតិប្រេងឆាធម្មតា ពណ៌ក្រហម រសជាតិហឹរ និងពណ៌ផ្ទៃមេឃ រសជាតិស្រាលសម្រាប់ឆាបន្លែ ដោយមានចំណុះផ្សេងៗគ្នា។
អ្នកស្រី លី សូរិយ៉ា បានបន្តថា ៖
“សម្រាប់រយៈពេលចាប់ផ្ដើមវិញ យើងបង្កើតវាបានប្រមាណមួយឆ្នាំហើយ តែយើងចាប់ផ្តើមលក់បានប្រហែលជា៨ខែមុន តែអ្វីដែលជាសមិទ្ធផលសមប្រកបនោះគឺ អតិថិជនគាត់ប្រើប្រាស់អស់រយៈពេលកន្លងមកនេះ ហើយនៅតែបន្តគាំទ្រ ជាពិសេស មានភោជនីយដ្ឋានខ្នាតធំមួយចំនួនបានគាំទ្រ និងទិញច្រើន ១ខែដល់ទៅ២០កេស”
ពាក់ព័ន្ធនឹងសង្វាក់ផលិតកម្មវិញ ផលិតផលទឹកឆាត្រូវការធាតុផ្សំរួមមាន ប្រេងខ្យង អំបិល ស្ករ និងប៊ិចេង ដោយលាយបញ្ចូលគ្នាដោយប្រើម៉ាស៊ីន បន្ទាប់មកបញ្ចូលវាទៅកន្លែងស្តុកដោយទុកឱ្យត្រជាក់ប្រមាណ ១០ម៉ោង រួចវេចខ្ចប់ច្រកចូលដបទៅតាមចំណុះផ្សេងៗ បិតគម្រប និងដាក់បិតស្ទីកគ័រជាការស្រេច។ ទឹកឆា ដែលផលិតហើយ អាចមានសុពលភាពរហូតដល់១០ខែ ហើយក៏មានការបញ្ជាក់ ច.ប.ផ បញ្ជាក់ពីសុវត្ថិភាព និងគុណភាពត្រឹមត្រូវអាចនាំចេញទៅប្រទេសក្រៅបាន។
គួរបញ្ជាក់ដែរថា ការចាប់ផ្តើមនៃអាជីវកម្មនេះ គិតថាចំណាយដើមទុនតិច ប៉ុន្តែនៅពេលចាប់អនុវត្តមែនទែនគឺចំណាយច្រើនទាំងការផ្សព្វផ្សាយ ការបង្រៀន ដោយអាចចំណាយដល់ខ្ទង់ម៉ឺនដុល្លារ ហើយសម្ភារៈសម្រាប់វេចខ្ចប់មួយចំនួនត្រូវនាំចូលមកពីក្រៅប្រទេស៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content