សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កណ្តាល ៖ ចម្លាក់ប្រាក់ ស្ពាន់ និងទង់ដែង នៅលើសម្ភារៈប្រើប្រាស់ ឬវត្ថុតាំងលម្អប្រកបដោយក្បូរក្បាច់រចនា ផ្កាភ្ញី គួរឱ្យទាក់ភ្នែក សុទ្ធសឹងជារបស់ដែលមានតម្លៃ និងបង្កប់ទៅដោយអត្ថន័យ ដែលពិបាកធ្វើ និងចំណាយពេលយូរក្នុងការផលិត។ យ៉ាងណាក៏ដោយ អាជីពជាជាងចម្លាក់ប្រភេទនេះហាក់មានការចាប់អារម្មណ៍ច្រើនពីបងប្អូនប្រជាពលរដ្ឋ ពិសេសយុវជននាពេលបច្ចុប្បន្នក្នុងការបន្តវេនពីគ្រួសារ ខណៈដែលឱកាសរកចំណូលពីអាជីពមួយនេះក៏មានភាពងាយស្រួល។
លោក វ៉ាន់ ស៊ីថា ជាម្ចាស់សិប្បកម្មមួយកន្លែងមានឈ្មោះថា “ភ្ញីទេស” មានទីតាំងនៅភូមិព្រែកក្តាម១ ឃុំកោះចិន ស្រុកពញាឭ ខេត្តកណ្តាល ដែលមានទទួលធ្វើ និងលក់សម្ភារចម្លាក់ប្រាក់ ស្ពាន់ និងទង់ដែង បានមានប្រសាសន៍ថាប្រាប់ AMS ឱ្យដឹងថា លោកបានចាប់ផ្ដើមសិប្បកម្មនេះឡើងជាយូរឆ្នាំមកហើយដោយសារតែមានចិត្តស្រលាញ់ និងមាននិស្ស័យផ្នែកចម្លាក់មួយនេះតាំងពីកុមាភាព ហើយក៏ចង់បន្តវេនពីឪពុកម្តាយ ក្រោមស្មារតីចង់ថែរក្សា និងអភិរក្សសិល្បៈប្រភេទនេះឱ្យស្ថិតស្ថេរតដល់កូនចៅគ្រប់ជំនាន់។
ម្ចាស់សិប្បកម្មវ័យ ២៩ឆ្នាំរូបនេះបានបន្តទៀតថា ផលិតផលរបស់សិប្បកម្មភ្ញីទេសមានដូចជា ផ្តិល ក្អម ឈុតថង់រង ថូផ្កា តោក សជី ជើងពាន ឆត្ររួត ប៉ាន់តែ ចាន ឆ្នាំង មានរូបសត្វគ្រប់ប្រភេទ ហើយស្ទើរតែគ្រប់ផលិតផលទាំងអស់សុទ្ធតែទទួលបានកាគាំទ្រពីសំណាក់អតិថិជនជាជនជាតិខ្មែរទាំងនៅជិត និងឆ្ងាយ ហើយក៏មានជនជាតិបរទេសផងដែរ ដោយក្នុងនោះផលិតផលដែលទទួលបានការចាប់អារម្មណ៍ខ្លាំងជាងគេគឺចានស្រាក់ស្ពាន់ និងឈុតប៉ាន់តែស្ពាន់ ដែលតម្លៃចានស្រាក់មួយឈុត ២៩០ដុល្លារ សម្រាប់ខ្នាតធម្មតា និងក្បាច់អង្គរវត្ត ហើយប៉ាន់តែមួយឈុតមានតម្លៃពី ១៥០-៣០០ដុល្លារ ឬខ្ពស់ជាងនេះ អាស្រ័យទៅតាមទំហំ និងប្រភេទក្បាច់។
ទាក់ទងទៅនឹងទីផ្សារវិញ សិប្បកម្មភ្ញីទេសមានលក់បោះដុំតាមហាងលក់សម្ភារនានានៅទីក្រុងភ្នំពេញផ្ទាល់ និងតាមបណ្តាខេត្ត ក្រុង ផងដែរ ដូចជានៅក្រុងប៉ោយប៉ែត ខេត្តកណ្តាល សៀមរាប ជាពិសេសគឺតាមរយៈបណ្ដាញសង្គមផ្ទាល់តែម្ដង។
លោកបានបន្តទៀតថា ៖
“បងប្អូនខ្មែរយើង គាត់ជួយគាំទ្រច្រើន មិនថាបងប្អូនខ្មែរយើងក្នុងស្រុក ក្រៅស្រុកទេ ឯខ្លះទៀតទោះបីពួកគាត់មិនបានជួយទិញក៏ដោយ តែពួកគាត់បានសរសើរ និងជួយចែករំលែកតាមរយៈបណ្តាយសង្គម ដែលទាំងនេះហើយជាមូលហេតុចម្បងធ្វើឱ្យខ្ញុំមិនព្រមបោះបង់អាជីពនេះ ហើយកាន់តែមានកម្លាំងចិត្តខិតខំធ្វើបន្តទៅមុខរហូត”
បច្ចុប្បន្ន សិប្បកម្មខាងលើមានមេជាង និងកូនជាងសរុបជាង១០នាក់ ក្នុងការផលិតសម្ភារនានាតាមតម្រូវការរបស់អតិថិជន។ ចំពោះមេជាង ពួកគាត់សុទ្ធសឹងជាមេជាងចាស់ៗ និងរស់នៅក្នុងស្រុកដែលបានរៀនជំនាញនេះតៗគ្នាពីដូនតា និងមានបទពិសោធន៍ច្រើនឆ្នាំ។
ពាក់ព័ន្ធទៅនឹងរយៈពេលនៃការផលិតវិញ លោក ស៊ីថា បានបញ្ជាក់ថា ៖
“វាមិនច្បាស់លាស់ទេ អាចយ៉ាងតិច១ ឬ២ខែ ឬអាចដល់ជិតមួយឆ្នាំក៏មាន អាស្រ័យទៅតាមទំហំ និងក្បាច់របស់សម្ភារនៃការកុម្មង់របស់អតិថិជន។ តួយ៉ាងដូចជា ចានស្រាក់ស្ពាន់មួយឈុតទឹកដៃប្រណីត ប្រើរយៈពេលប្រមាណ៣ខែ ហើយស្រាក់ស្ពាន់មួយឈុតនេះត្រូវការជាង៣ជំនាញខុសគ្នាទើបអាចផលិតចានស្រាក់មួយឈុតបាន ដូចជា ជាងដំឡើងរូបរាង ជាងចម្លាក់លើកក្បាច់រចនា និងចុងក្រោយគឺជាងខាងសម្អាតប៉ូលា”
គួរបញ្ជាក់ដែរថា លោក ស៊ីថា បានចាប់ផ្តើមបង្កើតសិប្បកម្មនេះឡើងតាំងពីចុងឆ្នាំ២០១៦ ដោយមានគំនិតចង់បង្ហាញគ្រឿងចម្លាក់ដ៏ប្រណិតដល់ជនបរទេស និងប្រជាជនខ្មែរដែលពីមុនមិនទាន់ស្គាល់ឱ្យងាកមកស្រលាញ់ និងជួយគាំទ្រស្នាដៃចម្លាក់របស់កូនខ្មែរ ជាមួយនឹងការចំណាយដើមទុនលើកដំបូងតិចតួចតែប៉ុណ្ណោះដែលបានមកពីការសន្សំពីការស៊ីឈ្នួលធ្វើជាជាងចម្លាក់ឱ្យគេក្នុងតំបន់។
លោកបានបញ្ជាក់ថា ៖
“ខ្ញុំបានចាប់ផ្តើមពីដើមទុនបន្តិចម្ដងៗ ពោលគឺចាប់ផ្តើមពីបាតដៃទទេ ដោយការស៊ីឈ្នួលគេ ព្រោះខ្ញុំចេះឆ្លាក់ស្រាប់ហើយបានស៊ីឈ្នួលឆ្លាក់ក្នុងមួយគីឡូ ថ្លៃ៥-៦ម៉ឺន ហើយក៏បានសន្សំវាធ្វើជាដើមទុនបន្តិចម្ដងៗ រហូតមានសិប្បកម្ម និងកូនជាងផ្ទាល់ខ្លួន។ ចំពោះដើមទុនទាំងនោះត្រូវបានចំណាយលើការទិញសម្ភារប្រើប្រាស់ដូចជា ក្បាលដែក ដែកឆ្លាក់ និងឧបករណ៍ជាងទងដទៃទៀត ក៏ដូចជាវត្ថុធាតុដើមមានដូចជាស្ពាន់ និងប្រាក់ជាដើម”
លោកថា ទន្ទឹមនឹងការទទួលបានភាពជោគជ័យនេះ កិច្ចដំណើរការអាជីវកម្មមួយនេះតែងជួបនូវការលំបាកជារឿយៗ ជាពិសេសក្នុងគ្រាចាប់ផ្តើមដំបូងៗ គឺត្រូវចំណាយទុនច្រើន សម្ភារក៏ពិបាកធ្វើដោយសារត្រូវការកម្លាំងពលកម្មជំនាញ និងប្រើពេលវេលាយូរ ស្របពេលដែលទីផ្សារក៏មិនទាន់មានភាពទូលាយ។ យ៉ាងណាក៏ដោយ ក្រោមទឹកចិត្តស្រឡាញ់ និងតស៊ូជំនះភាពលំបាករហូតមកដល់ពេលបច្ចុប្បន្ននេះ សិប្បកម្មចម្លាក់មួយនេះអាចទទួលបានចំណែកទីផ្សារច្រើនគួរសម ដែលក្រៅពីបណ្តាហាងលក់សម្ភារៈចម្លាក់នៅក្នុងរាជធានីភ្នំពេញ ក៏មាននៅតាមបណ្តាខេត្ត ក្រុង និងអាចលក់បានតាមបណ្តាញសង្គមថែតទៀត ជាមួយនឹងការទទួលបានតម្លៃសមរម្យ។
សិប្បករចម្លាក់ប្រាក់ស្ពាន់រូបនេះបានបន្តឱ្យដឹងថា នៅថ្ងៃអនាគត ប្រសិនបើមានដើមទុនគ្រប់គ្រាន់ លោកចង់ពង្រីកសិប្បកម្មរបស់ខ្លួនឱ្យបានធំ និងអាចឈានដល់ការបើកជាកន្លែងទទួលបង្រៀនជំនាញឆ្លាក់ដល់កូនខ្មែរជំនាន់ក្រោយដោយឥតគិតថ្លៃ ក៏ដូចជាពង្រឹងលើសមត្ថភាពមេជាងបន្ថែមទៀត ដោយសារបច្ចុប្បន្នសម្មត្ថភាពរបស់ក្រុមជាងយើងនៅមានកម្រិតនៅឡើយ។ ដោយឡែក សម្រាប់បងប្អូនដែលមានចំណាប់អារម្មណ៍នឹងវិស័យនេះ ម្ចាស់សិប្បកម្មខាងលើបានគាំទ្រ និងលើកទឹកចិត្តចំពោះអ្នកដែលចង់បង្កើតអាជីវកម្មដូចរូបលោក ប្រសិនបើមានចិត្តស្រលាញ់ និងចង់ថែរក្សា អាជីពនេះ ដោយក្នុងនោះ លោកក៏បានបើកទទួលបង្ហាត់បង្រៀនសិស្សដោយគិតថ្លៃផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content