សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សំណល់ផ្ទះបាយដែលយើងច្រកថង់បោះចោល គរទុកមុខផ្ទះចាំគេមកប្រមូល ឬទុកយូរអាចបង្ករឱ្យមានក្លិនស្អុយនោះ អាចផលិតទៅជាជីដ៏មានជីជាតិសម្រាប់ដំណាំ និងអាចជួយកាត់បន្ថយការចំណាយ ជាពិសេសគឺល្អចំពោះបរិស្ថានតែម្ដង។
ឯកឧត្តម បណ្ឌិត សួង ណយ ជាអ្នកជំនាញដែលបានអនុវត្តការកែច្នៃសំណល់ដោយខ្លួនឯងតាំងពីឆ្នាំ២០០៣ និងបានចែករំលែកបច្ចេកទេសនេះតាំងពីឆ្នាំ២០១៥ ដោយឯកឧត្តមបានមានប្រសាសន៍ថា ការកែច្នៃសំណល់នេះពិតជាមានអត្ថប្រយោជន៍ណាស់ចំពោះបរិស្ថាន ជាពិសេសសម្រាប់បងប្អូនកសិករ ឬម្ចាស់ចំការដែលត្រូវការជីសម្រាប់បំប៉នដំណាំ ដែលគាត់អាចច្នៃជាជីដ៏មានប្រសិទ្ធភាព។
អ្នកជំនាញរូបនេះបានបញ្ជាក់ថា ៖
“ការកែច្នៃសំណល់ផ្ទះបាយនេះគឺយើងមិនបាច់ភ័យរឿងសំរាមស្អុយរលួយ ឬស្ទះលូទៀតទេ ដោយយើងអាចច្នៃវាទៅជាជីទឹក ជីគោក និងចំណីសត្វ ដែលអាចកាត់បន្ថយចំណាយលើថ្លៃជី ហើយវាគ្មានជាតិគីមី ធ្វើឱ្យដីធូរល្អ និងមានជីជាតិ ពោលគឺល្អប្រើជាងជីបាវទៅទៀត”
ឯកឧត្តមបន្តថា ៖
“យើងអាចច្នៃសំណល់ផ្ទះបាយដែលសេសសល់ពីការធ្វើម្ហូប ឬចំណីចំណុក បន្លែផ្លែឈើណាដែលយើងបរិភោគសល់មកកែច្នៃងាយៗដោយត្រូវការតែធុងសម្រាប់ដាក់ មេជី ស្ករល្ងូ និងទឹកតែប៉ុណ្ណោះ ពោលគឺយើងអាចទទួលបានជីដ៏មានគុណប្រយោជន៍សម្រាប់ដំណាំ ដី និងសេដ្ឋកិច្ចគ្រួសារផងដែរ”
គួរបញ្ជាក់ថា តាំងពីឆ្នាំ២០១៥មក ឯកឧត្តម បណ្ឌិត សួង ណយ បានបង្រៀនក៏ដូចជាចែករំលែកនូវបច្ចេកទេសធ្វើជីពីសំណល់ផ្ទះបាយដល់បងប្អូនជាច្រើនរួមមាន ម្ចាស់កសិដ្ឋានជាង ៨៥០កន្លែងដែលមករៀនផ្ទាល់ កងទ័ពប្រមាណ ៥០០នាក់ដែលលោកចុះទៅបង្រៀនដោយផ្ទាល់ និងបងប្អូនជាច្រើននាក់ទៀតដែលបានមករៀន និងអនុវត្តភ្លាមៗ។
ក្នុងនោះ លោក កែម បូរី ជាម្ចាស់ចំការមួយស្ថិតក្នុងខេត្តកំពង់ចាម និងជាសិក្ខាកាមម្នាក់ដែលធ្លាប់ទទួលបានការបង្រៀនបច្ចេកទេសពីអ្នកជំនាញខាងលើបានប្រាប់ដែរថា ការកែច្នៃសំណល់ផ្ទះបាយនេះគឺមានប្រយោជន៍ណាស់ ជាក់ស្ដែងលោកក៏ទទួលបានផលប្រយោជន៍ច្រើនពីការកែច្នៃនេះដែរ។
លោក បូរី រៀបរាប់ថា ៖
“ចំពោះខ្ញុំផ្ទាល់ ខ្ញុំបានកែច្នៃសំណល់ផ្ទះបាយធ្វើជាជីទឹក ជីគោក និងជីបំបែក EM ផ្សេងទៀតទៅតាមរូបមន្តដែលធ្លាប់រៀន ហើយឃើញថា យើងអាចកាត់បន្ថយបញ្ហាសំរាម អត់ធុំក្លិន កាត់បន្ថយចំណាយលើការទិញជីពីផ្សារ ដោយសារខ្ញុំធ្វើចំការតិចតួច ហើយការប្រើប្រាស់ជីនេះគឺល្អមែនទែនដោយសារវាជាជីផង និងជាបាក់តេរីល្អផង”
ចុងក្រោយ អ្នកជំនាញខាងលើក៏សូមអំពាវនាវឱ្យបងប្អូន ជាពិសេសប្រជាកសិករដែលដាំដុះ គួរចេះកែច្នៃសំណល់ផ្ទះបាយឱ្យអស់ពីលទ្ធភាពចៀសវាងការខាតបង់ធនធានជុំវិញខ្លួនដ៏មានប្រយោជន៍ និងអាចជួយកាត់បន្ថយការបំពុលបរិស្ថាន ផ្តល់ជីជាតិដល់ដី ធ្វើឱ្យដំណាំទទួលបានផលល្អ និងជួយលើកកម្ពស់សេដ្ឋកិច្ចគ្រួសារផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content