សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្នាក់ដឹកនាំរាជរដ្ឋាភិបាល និងអ្នកជំនាញសេដ្ឋកិច្ច ពាណិជ្ជកម្ម បានលើកឡើងថា កំណើនសេដ្ឋកិច្ចនៅកម្ពុជាមានភាពល្អប្រសើរ ដោយសារកម្ពុជាមានសុខសន្តិភាព និងស្ថិរភាពនយោបាយដែលជាមូលដ្ឋានគ្រឹះសម្រាប់ការវិនិយោគ ពិសេសការដឹកនាំរបស់រាជរដ្ឋាភិបាល ដែលបានដាក់ចេញនូវគោលនយោបាយសេដ្ឋកិច្ចដ៏ត្រឹមត្រូវ។
នៅថ្ងៃទី២៥ ខែមេសា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានទទួលជួបពិភាក្សាការងារជាមួយក្រុមហ៊ុនចំនួន៣ ដែលដឹកនាំដោយ អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍ គ្រុប ដែលជំនួបនេះផងដែរ សម្តេចតេជោ ហ៊ុន សែន មានប្រសាសន៍ថា ៖
“បរិយាការវិនិយោគនៅកម្ពុជា មានភាពល្អប្រសើរ ដោយមូលហេតុទី១-កម្ពុជា មានសុខសន្តិភាព និងស្ថិរភាពដែលជាមូលដ្ឋានគ្រឹះសម្រាប់ការវិនិយោគ”
ទី២-កម្ពុជា មានច្បាប់វិនិយោគដែលផ្ដល់ការងាយស្រួលដល់អ្នកវិនិយោគ, ទី៣-កម្ពុជា មានក្បាលម៉ាស៊ីនគ្រប់គ្រងច្រកចេញចូលតែមួយ សម្រាប់ការជួយសម្រួលដល់ការវិនិយោគ, ទី៤-កម្ពុជា មិនតំរូវឲ្យអ្នកវិនិយោគប្រើតែប្រាក់រៀល សម្រាប់បើកប្រាក់ខែឲ្យបុគ្គលិក ដោយកម្ពុជា គឺអនុញ្ញាតដល់ការប្រើប្រាក់ដទៃទៀតដូចជា ប្រាក់ដុល្លារជាដើម ដើម្បីបើកប្រាក់ខែឱ្យបុគ្គលិកផង និងធ្វើពាណិជ្ជកម្មនៅកម្ពុជាផង និងទី៥-កម្ពុជា មានកម្លាំងពលកម្មវ័យក្មេងច្រើន ។
គួររំលឹកផងដែរថា ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីអភិសេករូបសំណាក “ព្រះថោងនាងនាគ” នៅខេត្តព្រះសីហនុកាលពីថ្មីៗនេះ សម្ដេចតេជោបានបញ្ជាក់ថា សន្តិភាពមានតម្លៃខ្លាំងណាស់ កុំចាំពេលមានសង្គ្រាមកើតឡើង ទើបស្រែរកសន្តិភាព កុំចាំដល់មានសង្គ្រាមកើតឡើង ទើបគិតថាសន្តិភាពមានតម្លៃ។ យើងត្រូវមើលឱ្យឃើញថា សន្តិភាពមានតម្លៃសម្រាប់យើងទាំងពេលកន្លងទៅ និងពេលនេះ ដូច្នេះយើងទាំងអស់គ្នាត្រូវរួមការពារ បើទោះបីជា អ្នកនោះនៅក្នុងគណបក្សណាក៏ដោយ សុទ្ធតែមានតម្រូវការនៃការរក្សាសន្តិភាពទាំងអស់គ្នា!។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានថ្លែងថា កត្តាដែលធ្វើឱ្យមានសុខសន្តិភាពទូទាំងប្រទេសនេះគឺបានដោយសារការដឹកនាំដ៏ឆ្លាតវៃរបស់រាជរដ្ឋាភិបាល ដែលមានសម្តេចនាយករដ្ឋមន្ត្រីគ្រប់គ្រងរហូតដល់សព្វថ្ងៃនេះ ដែលសម្តេចគឺអ្នកបង្កើតសុខសន្តិភាពដល់ប្រទេសកម្ពុជា។
លោកឧកញ៉ាបានថ្លែងថា ៖
“អ្វីដែលជាការរីកចម្រើនៃសេដ្ឋកិច្ចនោះ គឺមិនមែនឱ្យមានសុខសន្តិភាពហើយ សេដ្ឋកិច្ចរីកចម្រើននោះទេ។ ប្រទេសមួយចំនួនមានសុខសន្តិភាពដែរ តែសេដ្ឋកិច្ចអត់មានភាពរីកចម្រើន។ និយាយឱ្យចំទៅ មានការដឹកនាំដ៏ឈ្លាសវៃ និងគោលនយោបាយសេដ្ឋកិច្ចត្រឹមត្រូវ នោះទើបសេដ្ឋកិច្ចយើងរីកចម្រើន ដែលបើកវិស័យឯកជន និងគ្រប់វិស័យទាំងអស់ ទាំងវិស័យរដ្ឋ និងឯកជន ដើរទៅតាមគោលនបាយសេដ្ឋកិច្ចទំនើបទាន់សម័យ ហើយក្នុងការធ្វើនវានវត្តន៍សេដ្ឋកិច្ច និងការធ្វើទំនើបកម្មសេដ្ឋកិច្ចទាំងនេះ ដែលអាចធ្វើឱ្យប្រជាពលរដ្ឋទូទាំងប្រទេស និងអ្នកវិនិយោគមកពីបរទេសចូលរួមក្នុងប្រទេសយើងបាន និងចូលរួមជំរុញកំណើនសេដ្ឋកិច្ចយើង”
ក្នុងន័យនេះ លោកឧកញ៉ាបានពន្យល់បន្ថែមថា យើងមានសុខសន្តិភាពមែន តែយើងមិនបានដាក់ចេញគោលនយោបាយសេដ្ឋកចិ្ចដ៏ល្អ ទីផ្សារសេរីដែលមានភាពប្រកួតប្រជែងទេ នោះយើងនឹងគ្មានឱកាសដើម្បីអភិវឌ្ឍន៍សេដ្ឋកិច្ចយើងបានទេ ពិសេសកាដាក់ចេញគោលនយោបាយកំណែរទំរង់សេដ្ឋកិច្ចរបស់ថ្នាក់ដឹកនាំរាជរដ្ឋាភិបាល ដែលយកវិស័យឯកជនជាដៃគូ ដែលមិនអាចខ្វះបាន និងជាការចូលរួមជំរុញក្បាលម៉ាស៊ីនសេដ្ឋកិច្ច។
លោកឧកញ៉ាបានលើកឡើងថា បច្ចុប្បន្ន ការកំណែទំរង់ច្បាប់ ការបង្កើតច្បាប់ថ្មី ការលើកទឹកចិត្ត ការគាំពារសង្គម ការបើកដំណើរការសេដ្ឋកិច្ចឡើងវិញពីវិបត្តិជំងឺរាតត្បាតសកល និងការដាក់ចេញនូវយុទ្ធនាការចាក់វ៉ាក់ជំងឺកូវីដ១៩ ដែលបង្កើតភាពសុំាក្នុងសហគមន៍ គួបផ្សំនឹងការដាក់ចេញគោលនយោបាយសេដ្ឋកិច្ចត្រឹមត្រូវ នឹងធ្វើឱ្យអនាគតរបស់កម្ពុជា ឬប៉ុន្មានឆ្នាំទៅមុខទៀត កាន់តែមានភាពល្អប្រសើរ។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងថា បើគ្មានសុខសន្តិភាព គឺគ្មានការអភិវឌ្ឍអ្វីទាំងអស់ ដូច្នេះសន្តិភាពប្រៀបដូចវត្ថុ ឬឧសថទិព្វសម្រាប់ទៅកែច្នៃ និងអភិវឌ្ឍន៍ដើម្បីបង្កជាសុខសន្តិភាពជូនប្រជាពលរដ្ឋគ្រប់ស្រទាប់វណ្ណៈទាំងអស់ក្នុងសង្គមកម្ពុជា។
លោកបណ្ឌិតបានថ្លែងថា ៖
“បើនិយាយឱ្យខ្លី នៅពេលយើងមានសន្តិភាព គឺយើងមានសង្ឃឹម ហើយបន្ទាប់ពីយើងមានសុខសន្តិភាព កិច្ចការបន្តទៀតនោះ គឺការគ្រប់គ្រងសេដ្ឋកិច្ច សង្គម ការកសាងទំនាក់ទំនងល្អជាមួយបណ្តាប្រទេសក្នុងតំបន់ និងដៃគូអភិវឌ្ឍន៍ក្នុងពិភពលោក ដែលកត្តាទាំងបីនេះធ្វើឱ្យការអភិវឌ្ឍសេដ្ឋកិច្ច សង្គមរបស់យើងមានដំណើរការរលូន“
ដោយសារកម្ពុជារក្សាបាននូវសន្តិភាពពេលពេញ សេដ្ឋកិច្ចកម្ពុជាមានកំណើនក្នុងអត្រា ៧ ភាគរយក្នុងរយៈពេលពីរទសវត្សរ៍ចុងក្រោយនេះ។ ហើយបើទោះបីជាមានវិបត្តិជំងឺកូវីដ១៩ ដែលបង្កឱ្យសេដ្ឋកិច្ចពិភពលោកធ្លាក់ចុះយ៉ាងក្តី រាជរដ្ឋាភិបាលបានដាក់ចេញគោលនយោបាយជាច្រើនដើម្បីបង្វែរសេដ្ឋកិច្ចក្នុងអត្រាអវិជ្ជមាន ដែលបង្កដោយវិបត្តិជំងឺរាតត្បាតសកលនេះ រហូតដល់ងើបវិញក្នុងអត្រាវិជ្ជមាន បើផ្អែកលើការព្យាករណ៍របស់អន្តរជាតិធំៗ ដូចជាធនាគារអភិវឌ្ឍន៍អាស៊ី និងធនាគារពិភពលោកជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនួញធំៗនៅកម្ពុជា រួមគ្នាអភិវឌ្ឍវិស័យកសិកម្ម ជំរុញការកែច្នៃ និងផលិតក្នុងស្រុកឱ្យបានកាន់តែច្រើន
គោលនយោបាយលំនៅឋានតម្លៃសមរម្យ ជួយប្រជាពលរដ្ឋជាកម្មករ មន្ត្រីរាជការមានចំណូលមធ្យម និងទាប អាចមានលទ្ធភាពទិញស្នាក់នៅ
Account
Security
Favourite Content