សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅកំឡុងឆ្នាំ2009- 2010 ប្រព័ន្ធ GPS ជាបច្ចេកវិទ្យាថ្មីមួយដែលប្រជាជនខ្មែរនៅពុំទាន់ស្គាល់ទូលំទូលាយនៅឡើយ ក៏ប៉ុន្តែចំពោះអ្នកដែលស្រឡាញ់បច្ចេកវិទ្យាវាជាឱកាសមួយដែលពួកគាត់ខិតខំសិក្សាបន្ថែម និងស្វែងរកបទពិសោធន៍ថ្មីៗ។ ដោយឡែកមកដល់ពេលបច្ចុប្បន្ននេះ GPS ត្រូវបានគេស្គាល់ និងប្រើប្រាស់យ៉ាងសកម្មក្នុងនាមជាប្រព័ន្ធសុវត្ថិភាពថែរក្សាទ្រព្យសម្បត្តិផ្ទាល់ខ្លួន ក៏ដូចជាគ្រួសារ ជាពិសេសមានការពេញនិយមប្រើនៅក្នុងអាជីវកម្មផងដែរ។
លោក សូផា រតនៈ អ្នកគ្រប់គ្រងទូទៅរបស់ Ocean Technology ដែលជាក្រុមហ៊ុនផលិតប្រព័ន្ធបច្ចេកវិទ្យាម្យ៉ាងមានសមត្ថភាពប្រមូលទិន្នន័យ និងកំណត់ទីតាំងយ៉ាងមានប្រសិទ្ធភាព និងសុវត្ថិភាពខ្ពស់។ លោកបានប្រាប់ឱ្យដឹងថា៖« យើងបានសិក្សាពី GPS ហើយវាមានប្រយោជន៍ខ្លាំងសម្រាប់សង្គម ម្ចាស់អាជីវកម្ម និងបុគ្គលផ្ទាល់បានជាយើងសម្រេចថា យើងនឹងយកវាមកឱ្យប្រជាជនយើង ក៏ដូចជាប្រទេសរបស់យើងមានការប្រើបច្ចកវិទ្យាមួយនេះ»។
ទាក់ទងនឹងផលិផល GPS អ្នកគ្រប់គ្រងរូបនេះបានបន្តឱ្យដឹងថា ក្រុមហ៊ុនរបស់លោកមានផលិតផលច្រើនប្រភេទដូចជា GPS សម្រាប់គ្រប់គ្រងម៉ូតូ យានយន្តទូទៅ និងគ្រឿងចក្រធំៗ។ ក្រៅពីនេះ ក៏មានផលិតផលក្នុងការអភិវឌ្ឍ Software និងមួយទៀតគឺទាក់ទងនឹងការបង្កើតគេហទំព័រផ្សារអនឡាញ E-Commerce Platform ដែលមានច្រើនប្រភេទផ្សេងគ្នា។
លោកបានបន្តទៀតថា បច្ចុប្បន្នក្រុមហ៊ុន Ocean Technology បានបង្កើត Mobile App ចំនួនពីរគឺ O-TAG និង Trace4C ដើម្បីជាជំនួយក្នុងការទប់ស្កាត់ការរីករាកដាលនៃវីរុសកូវីដនៅក្នុងប្រទេសកម្ពុជា។ ចំណែកឯ Mobile App ដែលជាការបង្កើតថ្មីមួយទៀតគឺ Smart Parking ដែលជាម៉ាស៊ីនចតឡានសម័យថ្មីជួលសម្រួលដល់ចរាចរណ៍ និងការចតរថយន្តនៅកន្លែងតូចចង្អៀតផងដែរ។ ទម្រាំតែអាចឱ្យមហាជនស្គាល់ពីផលិតផលរបស់ក្រុមហ៊ុនមួយនេះ គេចំណាយពេលដល់ទៅ10ឆ្នាំក្នុងការអភិវឌ្ឍបច្ចេកវិទ្យា ពិសេសគឺការពង្រឹងគុណភាពផលិតផលបច្ចេកវិទ្យា។ Ocean Technology ត្រូវបានបង្កើតឡើងដំបូងក្នុងដើមទុនប្រមាណជាង 2ម៉ឺនដុល្លារនៅឆ្នាំ2010។
ចំពោះការចំណាយវិញគ្រប់អាជីវកម្មទាំងអស់តែងតែមានជាចាំបាច់ ពិសេសក្រុមហ៊ុនខាងលើនេះត្រូវធ្វើការចំណាយលើបច្ចេកវិទ្យា ត្រូវតែដើរឱ្យទាន់សម័យកាល ពោលគឺត្រូវការទិញសម្ភារបច្ចេកវិទ្យាក៏ដូចជា Platform ថ្មីៗយកមកប្រើប្រាស់។ មួយវិញទៀត បុគ្គលិកដែលធ្វើការនៅក្នុងក្រុមហ៊ុនក៏ត្រូវការអភិវឌ្ឍចំណេះដឹងដោយត្រូវការរៀនឱ្យទាន់ការវិវត្តរបស់បច្ចេកវិទ្យាដែរ។ ដោយឡែកការផ្ដល់សេវាកម្មវិញ គេត្រូវការចំនួនបុគ្គលិកឱ្យបានគ្រប់គ្រាន់ទៅតាមកំណើនរបស់អតិថិជន បើមិនដូច្នោះទេ គេពុំអាចផ្ដល់សេវាកម្មល្អដល់អតិថិជនបានឡើយ។
យ៉ាងណាមិញ កត្តាប្រឈមក៏ជាចំណុចមួយដែលយើងគួរដឹងផងដែរដោយពួកគេត្រូវមានទំនាក់ទំនងល្អជាមួយភ្ញៀវ ដោយសារគេត្រូវពន្យល់ពីការប្រើប្រាស់ អត្ថប្រយោជន៍ និងថែទាំផលិតផលរបស់អតិថិជន ព្រោះវាជាឧបករណ៍បច្ចេកវិទ្យាមានភាពស្មុគស្មាញច្រើន។ ម្យ៉ាងវិញទៀត តម្លៃក៏ជាបញ្ហាមួយផងដែរ ដោយសារភ្ញៀវអាចធ្វើការប្រៀបធៀបតម្លៃនៅលើទីផ្សារ និងតម្លៃរបស់ក្រុមហ៊ុនទម្រាំតែពួកគេយល់ថា វាមានរូបរាងដូចគ្នាតែគុណភាពវាខុសគ្នា។
សម្រាប់យុវជនដែលចង់ចាប់ផ្ដើមផ្នែក Technology ពួកគេត្រូវការភាពអត់ធ្មត់ ការតស៊ូ និងការធ្វើការងារជាក្រុម ព្រោះការងារដែលទាក់ទងនឹងបច្ចេកវិទ្យាត្រូវការពេលយូរដើម្បីសម្រេចជោគជ័យបាន។ វាអាចមួយថ្ងៃ អាចមួយខែ អាចមួយឆ្នាំ ឬច្រើនឆ្នាំ ព្រោះផលិតផលបច្ចេកវិទ្យាគឺមិនមែនអាចផលិតភ្លាម លក់ភ្លាម ចំណេញភ្លាមនោះទេ ពោលគឺទាមទារធ្វើយ៉ាងណាឱ្យអតិថិជនយល់ សាកប្រើហើយណែនាំទៅកាន់អ្នកផ្សេងឱ្យស្គាល់ពីបច្ចេកវិទ្យាថ្មីរបស់យើង។ នេះជាដំបូន្មានខ្លះៗដែលស្ថាបនិករូបនេះបានផ្ដល់ឱ្យ។
គួរបញ្ជាក់ដែរថា សម្រាប់គោលដៅ និងជាចក្ខុវិស័យរបស់ក្រុមហ៊ុន Ocean Technology ពួកគេចង់អភិវឌ្ឍឱ្យទៅជាក្រុមហ៊ុនមួយដែលមានភាពសម្បូរបែបទាំងផលិតផល ទាំងសេវាកម្មផ្នែកបច្ចេកវិទ្យានៅក្នុងទីផ្សារកម្ពុជា និងទៅដល់ទីផ្សារក្នុងតំបន់ផងដែរ៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញសាទរគម្រោងវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ដោយមើលឃើញពីសក្តានុពលនៃការវិនិយោគ ក្រុមហ៊ុនអន្តរជាតិមួយ បានបង្ហាញពីគោលបំណងបោះទុនវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងបង្អស់នៅកម្ពុជា
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម និងតំបន់ជុំវិញ បានទទួលសេវាទឹកស្អាត
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម – សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
ព្រឹត្តិការណ៍, អត្ថបទពាណិជ្ជកម្ម
• 20/05/2026
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម - សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
Amazon បញ្ឈប់ការលក់ទំនិញនៅសិង្ហបុរី ខណៈមិនអាចទប់ទល់នឹងការប្រកួតប្រជែងខ្ពស់ក្នុងតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
វេទិកាពាណិជ្ជកម្មអេឡិចត្រូនិចដ៏ល្បីរបស់អាម៉េរិក Amazon សម្រេចចិត្តបញ្ឈប់ការលក់ និងដឹកជញ្ជូនទំនិញក្នុងស្រុកនៅប្រទេសសិង្ហបុរី ដោយសារពិបាកក្នុងការជ្រៀតចូលទីផ្សារនៅអាស៊ីអាគ្នេយ៍ និងមិនអាចទប់ទល់នឹងការប្រកួតប្រជែងខ្ពស់នៅក្នុងតំបន់មួយនេះ
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content