សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កន្លងមកធ្លាប់តែដឹងថា ស្លឹកគ្រៃគេយកទៅធ្វើជាគ្រឿងផ្សំ និងច្នៃធើ្វជាម្ហូបអាហារតែប៉ុណ្ណោះ ប៉ុន្តែស្លឹកគ្រៃពិតជាមានអត្ថបយោជន៍ច្រើនជាងនេះ ដោយគល់របស់វាគេយកទៅលក់នៅលើទីផ្សារ ចំណែកស្លឹកវាវិញ គេយកទៅស្ងោររំងាស់ចម្រាញ់យកប្រេងលក់បានតម្លៃខ្ពស់ទៀតផង។
លោក ថេង វុទ្ឋី កសិករនៅក្នុងស្រុកស្ទឹងត្រង់ ខេត្តកំពង់ចាម បានឱ្យដឹងថា កាលពីមុនគ្រួសាររបស់លោកមានដាំដំណាំផ្សេងៗជាច្រើនប្រភេទ ប៉ុន្តែដោយសារយល់ឃើញថា ស្លឹកគ្រៃ ងាយស្រួលដាំដុះ ងាយស្រួលថែទាំ និងមានទីផ្សារល្អ ជាពិសេស អាចលក់បានទាំងគល់ និងលក់បានទាំងស្លឹក ក៏បានសម្រេចចិត្តបោះបង់ដំណាំមួយចំនួនចោល ហើយងាកមកដាំស្លឹកគ្រៃទាំងអស់លើផ្ទៃដីប្រមាណជា ៥ហិកតា ដោយក្នុងមួយហិកតា អាចប្រមូលគល់ស្លឹកគ្រៃបានប្រមាណចន្លោះពី ២០ ទៅ ២៥ តោន ចំណែកស្លឹកមានទម្ងន់ប្រហែល ១តោនផងដែរ។
កសិករខាងលើដដែលបានបញ្ជាក់ថា ៖
«គល់ស្លឹកគ្រៃមួយតោន អាចលក់ចេញបានចន្លោះពី ៨០០,០០០រៀល ទៅ ១,០០០,០០០រៀល ចំណែកស្លឹករបស់វាហាលលក់មួយតោន តម្លៃ ៦០០,០០០រៀលទៅ ៧០០,០០០រៀលផងដែរ។ និយាយជារួមក្នុងមួយហិកតា បើយើងទូទាត់សោហ៊ុយថ្លៃភ្ជួ ថ្លៃជី និងថ្លៃប្រេងបូមទឹករួច អាចចំណេញបានចន្លោះពី ២៥០០ដុល្លារ ទៅ ៣០០០ដុល្លារក្នុងមួយហិកតា ហើយមួយឆ្នាំយើងអាចប្រមូលផលបាន២ដង។ គិតទៅមួយឆ្នាំអាចរកចំណូលពីស្លឹកគ្រៃចន្លោះ ៥០០០ ទៅ៦០០០ដុល្លារ ក្នុងមួយហិកតា»។
លោក ឆេង ថុង ប្រធានសហគមន៍សំបូរមានជ័យ ស្ថិតក្នុងភូមិសំបូរ ឃុំសូទាស ស្រុកស្ទឹងត្រង់ ខេត្តកំពង់ចាម មានប្រសាសន៍ថាក្នុងចំណោមសមាជិកសហគមន៍ចំនួន ២៤០០គ្រួសារ មានពលរដ្ឋប្រមាណជា១០០គ្រួសារប៉ុណ្ណោះចាប់អារម្មណ៍ដាំស្លឺកគ្រៃនេះ ដោយគ្រួសារផ្សេងទៀតដាំពោត សណ្តែក ដំឡូង រមៀត និងរំដេងជាដើម ដោយដាំដុះទៅតាមចំណង់ចំណូលចិត្តរបស់ពួកគេ។
លោកថា ៖
«ពូជស្លឹកគ្រៃដែលដាំដុះក្នុងសហគមន៍ ហៅថាពូជស្លឹកគ្រៃអំបោស ឬពូជស្លឹកគ្រៃត្រែង ដែលជាពូជបុរាណ ដាំដុះតៗរៀងមកតាំងពីចាស់ៗជំនាន់មុន។ ក្រោយពីដាំដុះបាន សមាគមបានរកទីផ្សារជូនកសិករ ដោយដឹកគល់ស្លឹកគ្រៃយកមកលក់នៅលើទីផ្សារក្នុងក្រុងភ្នំពេញ ចំណែកស្លឹករបស់វាសហគមន៍ទិញពីកសិករ យកមករំងាស់យកប្រេងសម្រាប់ផលិតជាប្រេងខ្យល់ និងប្រេងកូឡាជាដើម និងដើរលក់ប្រេងនៅតាមផ្សារទំនើប និងតាមហាងម៉ាស្សាជាដើម សម្រាប់ធ្វើជាប្រេងម៉ាស្សាជួយដល់សុខភាព។ ហើយកន្លងមកក៍បានឈ្មួញនាំចេញទៅលក់នៅប្រទេសជប៉ុនផងដែរ ប៉ុន្តែដោយសរសេដ្ឋកិច្ចមិនសូវល្អឈ្មួញក៍បានទិញទៅវិញ»។
សម្រាប់ដំណាំស្លឹកគ្រៃមិនលំបាកដាំដុះនោះទេ ដោយមុននឹងដាំ គេត្រូវរើសពូជធំៗថ្លោសល្អយកមកកាប់ឬសទុកខ្លី រួចផ្សាំវាប្រហែល១សប្តាហ៍ដើម្បីឱ្យវាសដុះឬសថ្មី។ នៅអំឡុងពេលផ្សាំនោះ គេធ្វើភ្ជួររាស់ដីហាលទុកឱ្យបានឆ្អិនល្អ រួចលើកជាងរងគម្លាតពីគ្នាប្រហែល ០៨ស.ម គេតរួចយកសឹ្លកគ្រៃមកដាំតាមរងគម្លាតពីគុម្ពមួយទៅគុម្ពមួយប្រវែង ០៨ស.មដូចគ្នា ហើយស្រោចទឹកមួយថ្ងៃមួយដងជាប្រចាំព្រមទាំងធ្វើការថែទាំ ដាក់ជី ជ្រំដី រហូតអាយុចន្លោះពី ៤ទៅ៥ខែគេអាចកាត់ស្លឹកគ្រៃយកទៅលក់បានហើយ ដោយមួយឆ្នាំគេអាចដាំបានពីរដង មិនថារដូងប្រាំងឬរដូវវស្សានោះទេ៕ វិន ឈុនហ៊ាត
Account
Security
Favourite Content