សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មន្ត្រីជាន់ខ្ពស់នៃធនាគារជាតិនៃកម្ពុជាបានអះអាងថា ការចរាចរប្រាក់រៀលនៅលើទីផ្សារក្នុងកាន់តែច្រើន គឺជាចំណែកមួយយ៉ាងសំខាន់ក្នុងការជួយស្ដារ និងគាំទ្រដល់ការលើកកម្ពស់សេដ្ឋកិច្ចជាតិ រាប់ទាំងការប្រើប្រាស់ប្រាក់រៀលដោយផ្ទាល់ ក៏ដូចជាការទូទាត់ប្រាក់រៀលតាមរយៈប្រព័ន្ធអេឡិចត្រូនិក។
ឯកឧត្តម ស៊ុំ សន្និសិទ្ធ ទេសាភិបាលរងធនាគារជាតិនៃកម្ពុជា បានមានប្រសាសន៍ថា វត្តមានរបស់ប្រាក់រៀល បានរួមចំណែកយ៉ាងសំខាន់នៅក្នុងការស្តារ និងកសាងអធិបតេយ្យភាពសេដ្ឋកិច្ច និងសង្គមជាតិនៅក្នុងរយៈពេល៤២ឆ្នាំកន្លងមកនេះ តាមរយៈតួនាទីជាខ្នាតតម្លៃ មធ្យោបាយទូទាត់ និងសន្សំ។
ឯកឧត្តមបានលើកឡើងថា មុននឹងក្លាយជារូបិយវត្ថុមួយប្រកបដោយទំនុកចិត្ត រាជរដ្ឋាភិបាល និងធនាគារជាតិនៃកម្ពុជា បានដាក់ចេញនូវគោលនយោបាយលើកកម្ពស់ការប្រើប្រាស់ប្រាក់រៀល ជាពិសេសចាប់តាំងពីដើមទសវត្សរ៍ឆ្នាំ២០០០មក បន្ទាប់ពីស្ថានភាពម៉ាក្រូសេដ្ឋកិច្ចមានលំនឹងល្អប្រសើរ។
លោកជំទាវបណ្ឌិត ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា បានគូសបញ្ជាក់ថា ការរៀបចំទិវាប្រាក់រៀលឆ្នាំនេះ ដូចគ្នានឹងឆ្នាំមុនៗដែរ ដែលទទួលបានជោគជ័យច្រើនក្នុងការទាក់ទាញយុវជនចូលរួម និងឱ្យស្គាល់កាន់ច្រើនពីប្រាក់រៀល ជាមួយនឹងក្ដីសង្ឃឹមថា យុវជនកម្ពុជានឹងបន្តចូលរួមគាំទ្រក្នុងការប្រើប្រាស់ប្រាក់រៀលឱ្យកាន់តែច្រើន។
លោកជំទាវបណ្ឌិត ជា សិរី បានថ្លែងថា ៖
“នេះជាសញ្ញាវិជ្ជមាននៃការប្រើប្រាស់ប្រាក់រៀលនៅកម្ពុជា ព្រោះការអង្កេតរបស់ធនាគារជាតិនៃកម្ពុជាបានបង្ហាញថា ការប្រើប្រាស់ប្រាក់រៀលច្រើនតែធ្វើឡើងនៅតាមជនបទ ខណៈទីប្រជុំនៅទីក្រុង និងតាមខេត្តនៅប្រើប្រាស់ប្រាក់ដុល្លារច្រើននៅឡើយ។ ប៉ុន្តែការទូទាត់តាមប្រព័ន្ធអេឡិចត្រូនិក បាគង មានការទូទាត់ជាប្រាក់រៀលបានច្រើន»”
លោកជំទាវបានមានប្រសាសន៍ថា៖
“បច្ចុប្បន្នរំហូរនៃការប្រើប្រាស់ប្រាក់រៀលតាមប្រព័ន្ធអេឡិចត្រូនិក បានកំពុងកើនឡើងគួរឱ្យកត់សំគាល់។ តាមរយៈការដាក់ឱ្យប្រាស់ប្រព័ន្ធបាគង និងប្រព័ន្ធអេឡិចត្រូនិកផ្សេងៗទៀត នឹងធ្វើឱ្យការទូទាត់ប្រាក់រៀលមានកាន់តែច្រើន និងកាន់តែងាយស្រួល។ ការប្រើប្រាស់ប្រាក់រៀលកាន់តែច្រើន បានរួមចំណែកជួយដល់សេដ្ឋកិច្ចជាតិ មោទនភាពជាតិ ហើយកាលណាប្រាក់រៀល ត្រូវបានប្រើប្រាស់ច្រើន នឹងធ្វើឱ្យធនាគារជាតិនៃកម្ពុជា មានលទ្ធភាពធ្វើគោលនយោបាយកាន់តែច្រើន”
នាយកប្រតិបត្តិសមាគមគ្រឹះស្ថានមីក្រូហិរញ្ញវត្ថុកម្ពុជា លោក ផល វ៉ាន់ឌី បានមានប្រសាសន៍ផងដែរថា ប្រាក់រៀលបានដើរតួនាទីយ៉ាងសំខាន់ក្នុងការពង្រឹងភាពរឹងមាំនៃសេដ្ឋកិច្ចជាតិ។ ជាមួយគ្នានេះ ដើម្បីគាំទ្រលើការប្រើប្រាស់ប្រាក់រៀល សមាគមមីក្រូហិរញ្ញវត្ថុបានតម្រូវឱ្យសមាជិកផ្ដល់ប្រាក់កម្ចីជាប្រាក់រៀលឱ្យបានច្រើន និងបានយ៉ាងតិចលើស១០ភាគរយ។
លោក ផល វ៉ាន់ឌី បានមានប្រសាសន៍ថា ៖
“សមាគមមីក្រូហិរញ្ញវត្ថុកម្ពុជា និងសមាជិក បានចូលរួមយ៉ាងសកម្មក្នុងការលើកកម្ពស់ប្រាក់រៀល ក្រោមការដឹកនាំរបស់ធនាគារជាតិនៃកម្ពុជាបានសម្រេចផ្ដល់អត្រាជាប្រាក់កម្ចីក្នុងទំហំប្រមាណ២០ភាគរយ ដោយលើសកម្រិតដែលតម្រូវដោយធនាគារជាតិនៃកម្ពុជាទៀតផង”
លោក ផល វ៉ាន់ឌី បានបញ្ជាក់ថា ទោះជាយ៉ាងនេះក្ដី សមាគមមីក្រូហិរញ្ញវត្ថុបាន និងកំពុងព្យាយាមធ្វើយ៉ាងណាលើកកម្ពស់ការកម្ចីជាប្រាក់រៀលឱ្យបានកាន់តែច្រើនក្នុងចន្លោះ៣០-៥០ភាគរយ ប៉ុន្ដែក្នុងនោះត្រូវការមានការរួមចំណែកពីសំណាក់ប្រជាពលរដ្ឋផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content