យុទ្ធសាស្ត្រងាយៗពីការបង្កើតអាជីវកម្មតូបលក់ចង្រិតលីងតូចមួយ ក្លាយជាអាហារដ្ឋានផ្ទះបាយស្រួយស្រួយដ៏ល្បីឈ្មោះ

ការរកស៊ីមួយអាចរីកចម្រើនទៅមុខលឿនបានដោយសារមានក្រុមការងារក៏ដូចសមាជិកដែលជាម្ចាស់ភាគហ៊ុនរួមចំណែកជួយគ្នាប្រកបដោយចក្ខុវិស័យវែងឆ្ងាយក៏ដូចជាមានទំនុកទុកចិត្តលើគ្នាទៅវិញទៅមក។

ផ្ទះបាយ ស្រួយ ស្រួយ ដែលមានលក់អាហារ3ពេលក្នុងមួយថ្ងៃ ទាំងមុនពេលមានការផ្ទុះឡើងវិបត្តិកូវីដ ក៏ដូចជាបច្ចុប្បន្ននេះ កំពុងទទួល​បានការ​គាំទ្រ​ពីសំណាក់អតិថិជន ជាពិសេសបុគ្គលិកដែលបម្រើការងារនៅតាមក្រុមហ៊ុននានាក្នុងរាជធានីភ្នំពេញ។  អាជីវកម្មមួយនេះ បានកើតឡើងដោយសមាជិកគ្រួសារមួយដែលមានចំនួន4នាក់ រួមជាមួយនឹងសហស្ថាបនិកចំនួន2នាក់ផ្សេងទៀត ដោយមានការរៀបចំផែនការអាជីវកម្មរួមគ្នាយ៉ាងច្បាស់លាស់។

លោក មិន ផាណ្ណារ៉ាក់ ជាសហស្ថាបនិកម្នាក់នៃអាជីវកម្មអាហារដ្ឋាន «ផ្ទះបាយ ស្រួយ ស្រួយ» បានប្រាប់ AMSឲ្យដឹងថា ៖

“មកដល់ពេលនេះ​ម្ចាស់​ភាគហ៊ុនសរុបមានចំនួន 6នាក់ ហើយម្នាក់ៗមានតួនាទីរៀងៗខ្លួន។ ខ្ញុំជាអ្នកចាត់ការទូទៅនៅក្នុងផ្ទះបាយស្រួយស្រួយ ចំណែក​ឯ​គ្រួសារខ្ញុំគាត់ខាង digital marketing ហើយមានដៃគូ ម្នាក់ទៀត គាត់ជាអ្នកផ្គត់ផ្គង់គ្រឿងសមុទ្រ ហើយម្នាក់ទៀតគាត់ជាអ្នកផ្គត់ផ្គង់ប្រហិតត្រី ម្នាក់ទៀតគាត់ខាងផ្នែក IT គាត់ផ្គត់ផ្គង់ software គ្រប់គ្រង sell គ្រប់គ្រងរបាយការណ៍របស់យើង។ ចំណែកម្នាក់ចុង​ក្រោយគាត់មាន​ជំនាញ​ខាង​ហរិញ្ញវត្ថុ និងជួយគិតគូរយើងថាតើចំណូល និងចំណាយវាត្រូវខ្ទង់អត់ តើយើងគួរបង្កើនការលក់ប្រភេទអាហារមួយណា ប្រភេទផលិតផល​មួយណា”

លោកក៏បានបញ្ជាក់បន្ថែមទៀតថា ការរកស៊ីជាមួយគ្នាបែបនេះត្រូវការជាចាំបាច់នូវតម្លាភាពផ្នែកហិរញ្ញវត្ថុដែលទាក់ទងនឹងលុយកាក់ ពោលគឺត្រូវមានភាពច្បាស់លាស់ចៀសវាងបញ្ហាឈ្លោះប្រកែកគ្នាជាមួយម្ចាស់ភាគហ៊ុនដទៃ។ ម្យ៉ាងវិញទៀត វាក៏ជាផ្នែកមួយដែលអាចធានានូវនិរន្តរភាពអាជីវកម្មឱ្យបានយូរអង្វែងជាមួយគ្នាទៅមុខទៀត។

នៅក្នុងឆ្នាំ2021នេះ លោក ផាណ្ណារ៉ាក់ រួមជាមួយដៃគូបានបើក ផ្ទះបាយ ស្រួយ ស្រួយ ដែលគេផ្ដោតសំខាន់ទៅលើអាហារពេលថ្ងៃត្រង់ដែលហៅថា «បាយស្រាក់»​ សម្រាប់ផ្គត់ផ្គង់ដល់បុគ្គលិកណាដែលចង់ញ៉ាំបាយនៅការិយាល័យ ព្រមទាំងកាត់បន្ថយការប្រើប្រាស់ប្លាស្ទិចផងដែរ។ ក្រៅពីនេះ លោកក៏មានតូបចង្រិត «ស្រួយ ស្រួយ» ដែលមានលក់ដូចជា ចង្រិតបំពង អាពីង និងកណ្ដូបលីង ហើយពេលល្ងាចក៏មានលក់ជាគ្រឿងសមុទ្រ និងប្រហិតផងដែរ។

ក្នុងការបើកហាងមួយនេះលោកបានចំណាយដើមទុនដំបូងចំនួន2ម៉ឺនដុល្លារ ដោយ1ម៉ឺនដុល្លាចំណាយទៅលើការបង្កើតចង្ក្រានថ្មី ជួលគេ ជួលកន្លែង ដេគ័រ​ និងទិញសម្ភារៈផ្សេងៗក្នុងផ្ទះបាយ។ ឯកទឹកប្រាក់1 ម៉ឺនដុល្លារផ្សេងទៀតគឺប្រើសម្រាប់ទប់នឹងចំណាយទៅលើបុគ្គលិក កន្លែងជួល ថ្លៃភ្លើង ថ្លៃទឹក ហើយនឹងសម្ភារផ្សេងៗ ត្រៀមចំណាយរយៈពេល 6ខែដែលជាសសរស្ដម្ភជួយពង្រឹង និងធ្វើឲ្យ «ផ្ទះបាយ ស្រួយ ស្រួយ» ទទួលបានជោគជ័យ។

គួរបញ្ជាក់ផងដែរថា ស្រួយស្រួយ ដំបូងឡើយត្រូវបានបង្កើតឡើងកាលពីឆ្នាំ​2019 ដែលកាលនោះវាពុំទាន់ជាហាងនៅឡើយទេ។ ដោយលោក ផាណ្ណារ៉ាក់ និងគ្រួសារលក់តែចង្រិត កណ្ដូប និងអាពីងលីង ដោយប្រើដើមទុនខ្ទង់ 500ដុល្លារប៉ុណ្ណោះទៅការចំណាយលើថ្លៃសម្ភារៈសម្រាប់ចម្អិនដូចជាចង្ក្រាន ខ្ទះជាដើម។ ក្រោយមកដោយទទួលបានការគាំទ្រច្រើនលោកក៏បានពង្រើកវាជាតូបចង្រិតស្រួយស្រួយដោយប្រើដើមទុនបន្ថែមប្រមាណ 3000-5000 ដុល្លារបន្ថែមទៀត។

ចំពោះយុទ្ធសាស្ត្រទីផ្សារ ស្ថាបនិករូបនេះបានប្រាប់ទៀតថា៖

“ក្នុងយុគសម័យនេះ Digital marketing ពិតជាមានឥទ្ធិពលណាស់ដែល​អាចផ្សព្វផ្សាយ​ដល់មនុស្សគ្រប់គ្នាបានយ៉ាងងាយស្រួល និងឆាប់រហ័ស។ មួយវិញទៀតគឺបណ្ដាញនៅក្នុងសង្គមមានន័យថា ការរាប់អាន និងស្គាល់មនុស្សច្រើនដែល​អាចជួយប្រាប់តៗគ្នាបានដែលជាការផ្សព្វផ្សាយដ៏ល្អមួយបន្ទាប់ពី Digital marketing ។ បន្ថែមពីនេះ យុទ្ធសាស្ត្រនៃការលក់ដោយ​បញ្ចុះ​តម្លៃដើម្បីទាក់ទាញភ្ញៀវឱ្យមកភ្លក្សរសជាតិក៏ជាចំណុចសំខាន់ បើទោះបីជាវាមិនសូវចំណេញច្រើនក៏ពិតមែន ប៉ុន្តែវាបានផ្ដល់នូវ​លទ្ធផលល្អ​ប្រសើរ​នៅពេលក្រោយ”

សម្រាប់គម្រោងទៅថ្ងៃមុខ លោក ផាណ្ណារ៉ាក់ នឹងពង្រើកសាខាឱ្យបានច្រើនកន្លែងដែលអាចបម្រើសេវាកម្មអាហារដល់អាតិថិជនទូទៅដែលនិយមចូលចិត្ត ហើយលោកក៏ចង់ពង្រើកចង្ក្រានឱ្យធំដែលអាចបង្កើនការផលិតបាយស្រាក់ឱ្យកាន់តែច្រើនផងដែរ។

ចំពោះការបើកអាជីវកម្មមួយឱ្យបានជោគជ័យ ម្ចាស់ផ្ទះបាយ ស្រួយស្រួយ ក៏បានផ្ដល់ជាមតិថា គេត្រូវយកចិត្តទុកដាក់គិត​ពិចារណាដោ​យ​ចាប់ផ្តើមពីចំណុច​តូចៗឡើងទៅ រហូតដល់ចំណុចធំ ព្រោះគ្រប់ចំណុចនៃបញ្ហាទាំងអស់ មិនថាតូច ឬធំនោះទេ សុទ្ធតែអាចធ្វើឲ្យប៉ះពាល់ដល់ដំណើរការអាជីវកម្ម និង​ស្មារតី​សាមគ្គីភាពផ្ទៃក្នុង ដូច្នេះត្រូវតែដោះស្រាយឲ្យរួចរាល់ចៀសវាងបញ្ហាតូចប្រមូលផ្តុំផ្គុំគ្នាបង្កទៅជា បញ្ហាធំបាន៕

[ads-global layout_id=6 position_id=1 ads_size=2]

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

វឌ្ឍនភាព ៖ គម្រោងសង់​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) កាន់តែជិតរួចរាល់ កាន់តែធ្វើឱ្យតំបន់ជុំវិញ​នោះ​មានសក្ដានុពលខ្ពស់

ព្រឹត្តិការណ៍, អចលនទ្រព្យ

• 17/11/2026

គម្រោង​សាងសង់ស្ពានឆ្លង​កាត់ទន្លេបាសាក់​ ចាក់អង្រែក្រោម-ព្រែក​ប្រា​ សម្រេច​បានលទ្ធផល​ជាង​៨៧ហើយ គិតត្រឹមខែវិច្ឆិកា ២០២៦​នេះ

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

[ads-global layout_id=6 position_id=2 ads_size=2]

សាកល្បងប្រើ!ម្សៅត្រនាប់កាដូរ

ចុចបាន

Freeកាដូរ

ចុចបាន

FreeRevlon