សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គ្មានពាក្យថាលឿនពេកនោះទេសម្រាប់ការសន្សំសំចៃ ពោលគឺអ្នកអាចចាប់ផ្តើមធ្វើវាបានតាំងតែពីពេលដំបូងដែលអ្នកចេះរកលុយដោយខ្លួនឯង ឬពេលដែលអ្នកយល់ឃើញថាការធ្វើបែបនេះនឹងធ្វើឲ្យប្រព័ន្ធហិរញ្ញវត្ថុរបស់អ្នកមានភាពរឹងមាំល្អ និងស្ថិរភាពខ្លាំងនៅថ្ងៃខាងអនាគត។
ក្នុងអំឡុងពេលជីវិតជាយុវវ័យ ឬវ័យកំពុងពេញកម្លាំងធ្វើការងារនោះគឺជាវ័យដែលអាចរកលុយបានច្រើនបំផុត ពីព្រោះថាក្រៅតែពីពេលវេលាសម្រាប់សម្រាក៨ម៉ោងក្នុងមួយថ្ងៃពួកគេនៅសល់ម៉ោងដល់ទៅ១៦ម៉ោងផ្សេងទៀតដើម្បីធ្វើការងារ និងរកលុយចំណូលបន្ថែមបានយ៉ាងច្រើន។
ជាការគួរឱ្យចាប់អារម្មណ៍ ថ្វីត្បិតថាជាវ័យកំពុងពេញសប្បាយក្តី ប៉ុន្តែយុវវ័យទាំងអស់ត្រូវចាំថា នៅពេលអនាគតគ្រប់គ្នានឹងត្រូវមានគ្រួសារត្រូវបន្តពូជពង្សវង្សត្រកូល ដូច្នេះអ្នកចាំបាច់ត្រូវការផ្ទះដោយខ្លួនឯង, វត្ថុប្រើប្រាស់ចាំបាច់ផ្សេងទៀតដោយខ្លួនឯង ដូចជារថយន្ត និងម៉ូតូជាដើមព្រមទាំងការចំណាយចាំបាច់ផ្សេងទៀតក្រោយពេលមានគ្រួសារ ដូចជា សម្រាប់ថែរក្សាសុខភាព, ការព្យាបាលជំងឺ, សម្រាប់ចិញ្ចឹមកូន និងចំណាយក្រៅផ្លូវការច្រើនទៀត។ ដូចនេះ បើទោះជាស្ថិតនៅក្នុងពេលដែលអ្នកត្រូវការភាពសប្បាយក្តី ប៉ុន្តែមិនត្រូវមើលរំលងឡើយនូវចំណេះដឹងផ្នែកហិរញ្ញវត្ថុសំខាន់ៗមួយចំនួនដើម្បីអាចធានាឲ្យបានថា អ្នកនឹងមិនចំណាយលុយខុសខ្ទង់ទាំងស្រុង និងអត់ប្រយោជន៍នោះទេ។
ចូរកត់ចំណាំថា អ្នកខ្លួនឯងជាមនុស្សប្រភេទណា ប្រសិនបើអ្នកជាមនុស្សចូលចិត្តធ្វើការងារខ្លាំង ដើរលេងក៏ខ្លាំង ដូច្នេះការសន្សំសំចៃក៏ត្រូវតែជាចំណែកដ៏ធំគួរសមផងដែរនៃប្រាក់ចំណូល។ ចំណេះដឹងផ្នែកហិរញ្ញវត្ថមិនផ្តោតសំខាន់តែទៅលើការសន្សំនោះទេ តែទៅលើរបៀបនៃការចាយវាយ និងប្រើប្រាស់លុយចំណូលនោះផងដែរ។
ក្រៅតែពីការសន្សំសំចៃគ្រប់គ្រងចំណាយហើយនោះ ការគ្រប់គ្រងបំណុល, ការតាមដានបំណុល ក៏ជាចំណេះដឹងមួយផ្នែកនៃហិរញ្ញវត្ថុដែលត្រូវតែដឹងផងដែរ។ ការចំណាយទៅលើវត្ថុប្រើប្រាស់ដែលមិនសូវសំខាន់ក៏រឹតតែជាចំណែកដែលមិនអាចខ្វះបានសម្រាប់យុវវ័យដែលត្រូវពិចារណាក្នុងពេលវេលានេះ។ ជាទូទៅ មនុស្សស្ទើរតែគ្រប់គ្នាតែងយល់ថា ការសន្សំសំចៃនឹងអាចធ្វើឲ្យអ្នកក្លាយទៅជាអ្នកមានបាន ប៉ុន្តែមិនគ្រប់ករណីទាំងអស់នោះទេ ពីព្រោះថាការសន្សំសំចៃមិនមែនដើម្បីសម្រាប់តែធានាឲ្យបាននូវហិរញ្ញវត្ថុផ្ទាល់ខ្លួនឲ្យមានសុវត្ថិភាពនោះទេ ប៉ុន្តែការចេះសន្សំលុយខ្លះគឺជួយអ្នកយកទៅប្រើប្រាស់ក្នុងការវិនិយោគផ្សេងទៀតដែលអាចទាញយកជាចំណូលបន្ថែម ដូចជាការបើកហាងកាហ្វេការ, ទិញដីទុក ឬទិញផ្ទះទុកសម្រាប់លក់យកចំណេញនៅថ្ងៃអនាគតជាដើម៕
Account
Security
Favourite Content