សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីឆ្នាំ២០២០ សត្វគោអូស្រ្តាលី Holstein ចំនួន ៥៥០ ក្បាល ត្រូវបានដឹកពីប្រទេសអូស្រ្តាលីមកកម្ពុជា ដើម្បីចាប់ផ្តើមផលិតទឹកដោះគោក្នុងស្រុកខ្នាតធំដំបូងគេរបស់កម្ពុជា។ ដោយឡែក កាលពីថ្ងៃទី១៨ ខែសីហា ឆ្នាំ២០២៥ លោក ដេរិក យីប ឯកអគ្គរដ្ឋទូតអូស្ត្រាលីប្រចាំកម្ពុជា បានទៅទស្សនាកសិដ្ឋានគិរីសួគ៌ក្នុងខេត្តតាកែវ ជាកន្លែងដែលសត្វគោទាំងនោះផលិតបានទឹកដោះគោស្រស់ប្រមាណជា ១២ ០០០ លីត្រជារៀងរាល់ថ្ងៃ។
យោងតាមគណនីបណ្តាញសង្គមផ្លូវការរបស់ស្ថានទូតអូស្តា្រលីប្រចាំកម្ពុជាបានឱ្យដឹងថា៖ ការគាំទ្ររបស់អូស្ត្រាលី បានជួយកសិដ្ឋានគិរីសួគ៌ធ្វើឱ្យប្រសើរឡើងនូវស្តង់ដារសុវត្ថិភាពចំណីអាហារ និងប្រព័ន្ធគ្រប់គ្រងគុណភាពនៅក្នុងរោងចក្ររបស់ពួកគេ ។ ជាលទ្ធផល ពួកគេទទួលបានវិញ្ញាបនប័ត្រ FSSC 22000។ ឥឡូវនេះគេអាចឃើញផលិតផលទឹកដោះគោគិរីសួគ៌នៅក្នុងផ្សារទំនើបកម្ពុជាដើម្បីបំពេញតម្រូវការផលិតផលទឹកដោះគោរដែលកំពុងកើនឡើងយ៉ាងឆាប់រហ័ស។
នេះគឺជាឧទាហរណ៍មួយក្នុងចំណោមឧទាហរណ៍ជាច្រើននៃការប្តេជ្ញាចិត្តរយៈពេលវែងរបស់អូស្ត្រាលីចំពោះការអភិវឌ្ឍកសិកម្មកម្ពុជា លើកកម្ពស់ជីវភាពរស់នៅ ពង្រឹងប្រព័ន្ធស្បៀងអាហារ និងគាំទ្រដល់កំណើនសេដ្ឋកិច្ចប្រកបទៅដោយបរិយាបន្ន។
គួរជម្រាបថា៖ ក្រៅពីកសិដ្ឋានគិរីសួគ៌ កសិដ្ឋានចិញ្ចឹមគោយកទឹកដោះក្នុងស្រុកមាន កសិដ្ឋានមូមូ ហ្វាម ,តេជោសែនឬស្សីត្រឹប និងកសិដ្ឋានអូម៉ ៕
Account
Security
Favourite Content