សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ ការចិញ្ចឹមមាន់ ជាមុខរបរមួយដែលអាចរកចំណួលបានច្រើនគួរសមក្រៅពីការងារប្រចាំថ្ងៃ ឬក៏ការងារធ្វើស្រែចំការ ជាពិសេស ការចិញ្ចឹមមាន់យកស៊ុតដែលរឹតតែចំណេញច្រើន ទាំងការឱ្យផល តម្លៃ និងទីផ្សារ។ ដោយមើលឃើញពីតម្រូវការទីផ្សារក៏ដូចជាសក្ដានុពលនៃការចិញ្ចឹមមាន់យកស៊ុតលក់ អ្នកជំនាញកសិកម្មបានណែនាំពីចំណុចសំខាន់ៗមួយចំនួន ដែលកសិករអាចអនុវត្តបាន។
ជាដំបូង ដើម្បីអាចចិញ្ចឹមមាន់បានល្អ និងទទួលបានទិន្នផលខ្ពស់ កសិករចាំបាច់ត្រូវមាននូវចំណេះដឹងមូលដ្ឋានមួយចំនួនជាមុនសិនចៀសវាងការចិញ្ចឹមជួបនូវការខាតបង់។ មុននឹងចិញ្ចឹមសត្វ អ្វីដែលកសិករត្រូវតែដឹងជាចំបាច់នោះគឺ ការជ្រើសរើសពូជ ដែលយើងត្រូវរើសពូជមាន់ដែលល្អ មិនធ្លាប់កើតជំងឺឆ្លង។ ដោយឡែក មាន់ដែលផ្តល់ពងបានល្អមានលក្ខណៈដូចជា សិរធំ មានពណ៌ក្រហម ហើយរលោង ជុំវិញភ្នែក និងចំពុះមានពណ៌ស ដោយអាចលូកម្រាមដៃ៣ចូលទៅចន្លោះឆ្អឹងពុយប៊ីសទាំងពីរបាន។
ដោយឡែកការចិញ្ចឹមមាន់យកស៊ុត ទាមទារមើលថែឲ្យបានដិតដល់និងទាមទារត្រូវផ្តល់ចំណី១ថ្ងៃ៣ដង គឺពេលព្រឹកចន្លោះពីម៉ោង៧ទៅម៉ោង៨កន្លះ ពេលថ្ងៃចន្លោះពីម៉ោង១២ទៅម៉ោង១ថ្ងៃត្រង់ និងពេលល្ងាចចន្លោះពីម៉ោង៣ទៅម៉ោង៤។ ហើយមុនឲ្យចំណីមាន់ ត្រូវធានាថាស្នូកចំណីត្រូវតែស្អាត និងស្ងួតជាប្រចាំ។
កត្តាមួយផ្សេងទៀតដែលមាន់ផលិតពងបានច្រើន គឺតម្រូវឲ្យគេធ្វើការប្រមូលពងរៀងរាល់ថ្ងៃ ។ ឯការប្រមូលស៊ុតនេះទៀតសោត គួរគប្បីប្រមូលឲ្យបានញឹកញាប់ ហើយទុកវានៅកន្លែងត្រជាក់ ដើម្បីការពារកុំឲ្យឆាប់ខូចគុណភាព តួយ៉ាង អ្នកចិញ្ចឹមខ្លះប្រមូលស៊ុតចំនួន ៣ទៅ៥ដង ក្នុងមួយថ្ងៃនៅរដូវក្តៅ ។ ស៊ុតដែលទុកនៅសីតុណ្ហភាព ៣៧អង្សាសេ អាចមានគុណភាពល្អត្រឹមរយៈពេលតែ ៣ថ្ងៃប៉ុណ្ណោះ ប៉ុន្តែគេអាចទុកស៊ុតបានរហូតដល់ ១០០ថ្ងៃ នៅសីតុណ្ហភាព ៣អង្សាសេដែលឈ្មួញអាចរក្សាទុកបាន។
មួយវិញទៀត បើការបន្ថែមពន្លឺឲ្យបានបរិបូណ៌ទៅលើការស់នៅរបស់ជីវិតមាន់ញី ក៏អាចបង្កើតផលិតកម្មពងបានមួយកម្រិតដែរ។ ការបន្ថែមពន្លឺនេះត្រូវធ្វើទៅតាមប្រភេទផ្សេងៗរបស់មេមាន់ ប្រសិនបើយើងបង្កើនការឲ្យពន្លឺឆាប់រហ័សពេក វាបណ្តាលឲ្យស៊ុតមាន់ទំហំតូចផងដែរ ។
សម្រាប់សំបុកដែលរៀបចំ និងកំរាលទ្រុង គេគួរគប្បីរៀបចំឲ្យបានស្រេចមុនពេលមាន់ចាប់ផ្តើមពង។ គេអាចសាងសង់សំបុកនេះអំពីឈើ អំពីបន្ទះលោហៈធាតុ លួសសំណាញ់ ដីឥដ្ឋ កម្ទេចឥដ្ឋ ឬក្រណាត់កន្ទេល ដោយសំបុកនីមួយៗត្រូវធ្វើឲ្យបានទំហំប្រហែល ០.១២ម៉ែត្រគូប ។
ក្រៅពីនេះការជម្រុះចោល ជាវិធីត្រូវបានអនុវត្តន៍ ដើម្បីយកមាន់ណាដែលមិនពងចេញពីហ្វូង។ ការធ្វើបែបនេះធ្វើឲ្យគេសន្សំការចំណាយ ដោយគេអាចសម្គាល់សញ្ញា មាន់ដែលមិនផ្តល់ពងដូចជា សិរមាន់មានភាពស្វិតរួញ របក និងមានភាពស្លេកស្លាំង នៅជុំវិញភ្នែក និងចំពុះមានពណ៌លឿង ណង់មានភាពស្ងួតនិងគគ្រើម រន្ធគូថតូចមានរាងជារង្វង់ខ្ជឹប ហើយមានពណ៌លឿង ចន្លោះឆ្អឹងពុយប៊ីស ទាំងពីរស្មើនឹងម្រាមដៃតែមួយ និងចន្លោះពីឆ្អឹងពុយប៊ីសទៅឆ្អឹងទ្រូងបានត្រឹមតែ២ម្រាមដៃ ។
យ៉ាងណាក៏ដោយ ចំណីជាចំណុចសំខាន់មួយផងដែរ ដោយក្នុងនោះក្រុមអាហារការពារដែលមានក្នុងចំណីធម្មជាតិ ដូចជា ស្លឹកម្រុំ ត្រកួន អង្គាដី កន្ធំថេត និងរុក្ខជាតិបៃតងផ្សេងទៀត នឹងផ្តល់វីតាមីនសំខាន់ៗសម្រាប់មាន់ មានដូចជា វីតាមីនអា (A) វីតាមីនដេ (D) វីតាមីនអឺ (E) និងវីតាមីនសេ (C)។ ជាតិវីតាមីនទាំងនេះ នឹងជួយបង្កើនភាពរឹងមាំ ប្រឆាំងនឹងមេរោគ ជួយក្នុងការរំលាយអាហារ ស្រូបយកសារធាតុចិញ្ចឹម និងជួយដល់ការបន្តពូជ ពិសេសជួយបង្កើនគុណភាពស៊ុតមាន់។
លើសពីនេះ ប្រភេទអាហារជាតិរ៉ែដែលមានក្នុងសម្បកបង្គា ខ្យង លៀស គ្រុំ អំបិល នឹងជួយបង្កើតឆ្អឹង ឈាម រោម និងសម្បកស៊ុត។ ដោយឡែក កន្ទក់ ពោត ស្រូវ និងក្រុមអាហារទ្រទ្រង់ដទៃទៀត នឹងជួយបង្កើតកម្ដៅឲ្យរាងកាយសត្វមាន់កក់ក្តៅ និងសម្រួលដល់ចលនាសកម្មភាពផ្សេងៗរបស់សត្វមាន់។
ជាចុងក្រោយ អ្នកបច្ចេកទេសចិញ្ចឹមសត្វមាន់បានណែនាំដល់កសិករដែលចាប់អារម្មណ៍ការចិញ្ចឹមមាន់យកស៊ុត គួរស្វែងយល់ពីពូជមាន់ បច្ចេកទេស ធនធាននៅជុំវិញផ្ទះ ក៏ដូចជាទីផ្សារជាមុនសិន ចៀសវាងជួបបញ្ហាផ្សេងៗទាំងការចិញ្ចឹម និងការលក់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content