សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុនជីប ម៉ុង កាលពីថ្ងៃទី២៤ ខែកុម្ភៈ ឆ្នាំ២០២៤ បានឧបត្ថម្ភ ម៉ូតូHONDA DREAM ថ្មីសន្លាងចំនួន ៥គ្រឿង និងភេសជ្ជៈ ២០០ កេស សម្រាប់កម្មវិធីសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២៥ ។ សម្រាប់ម៉ូតូទាំង ៥ គ្រឿងនេះ ក្រសួងឧស្សាហកម្មនឹងប្រើសម្រាប់ធ្វើជារង្វាន់លើកទឹកចិត្តដល់មន្ត្រីរាជការដែលបានខិតខំប្រឹងប្រែងធ្វើការបម្រើជាតិពេញមួយឆ្នាំ ខណៈភេសជ្ជៈ ២០០ កេស សម្រាប់បម្រើដល់កម្មវិធីសន្និបាតទាំងមូល។
ឯកឧត្តម ស៊ាង សុលក្ខណ៍ ទីប្រឹក្សា និងជាអ្នកនាំពាក្យក្រសួងឧស្សាហកម្មវិទ្យាសាស្ត្រ បច្ចេកវិទ្យា និងនវានុវត្តន៍ និងលោកស្រី នៅ មុនីនាថ ប្រធានគ្រប់គ្រងភាពជាដៃគូប្រព័ន្ធផ្សព្វផ្សាយតំណាងក្រុមហ៊ុន ខ្មែរប៊ែរវើរីជីស បានអញ្ជើញចូលរួមនៅក្នុងពិធីប្រគល់ទទួលអំណោយនេះនៅសណ្ឋាគារ សុខា រាជធានីភ្នំពេញ។
ឯកឧត្តម ស៊ាង សុលក្ខណ៍ បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ជីប ម៉ុង ដែលបានផ្តល់អំណោយសម្រាប់ប្រើជាប្រយោជន៍ជួយលើកទឹកចិត្តដល់មន្ត្រីរាជការក្រសួងពាណិជ្ជកម្ម។ នេះជាកាយវិការដ៏ប្រពៃ និងកិច្ចសហការដ៏ល្អជួយគ្នាទៅវិញទៅមករវាងរដ្ឋាភិបាល និងវិស័យឯកជន។
ឯកឧត្តមបានបញ្ជាក់ផងដែរថា៖
«នេះជាការចូលរួមចំណែកនូវស្មារតីចែករំលែករបស់ក្រុមហ៊ុន ជីប ម៉ុង ជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលជាអាណាព្យាបាលរបស់រោងចក្រសហគ្រាសធំៗ»។
គួរបញ្ជាក់ថា៖ ក្រុមហ៊ុន ជីប ម៉ុង តែងតែចូលរួមយ៉ាងសកម្មជាមួយរាជរដ្ឋាភិបាលក្នុងការផ្តល់ត្រលប់ទៅសង្គមវិញលើវិស័យជាច្រើនរួមមានវិស័យបរិស្ថាន សុខាភិបាល អប់រំ ទេសចរណ៍ កីឡា វប្បធម៌ខ្មែរព្រមទាំងសកម្មភាពសង្គម និងមនុស្សធម៌ជាច្រើនទៀត ដើម្បីចូលរួមអភិវឌ្ឍន៍សេដ្ឋកិច្ចកម្ពុជានិងកិច្ចការសង្គម។
ក្រុមហ៊ុន ជីប ម៉ុង ជាក្រុមហ៊ុនពហុពាណិជ្ជកម្មដ៏ធំបំផុតមួយនៅកម្ពុជា ដែលបានចាក់គ្រឹះរឹងមាំ និងឈរជើងលើទីផ្សារជាង ៤ ទសវត្សរ៍មកហើយ។ ជីប ម៉ុង បានវិនិយោគគ្របដណ្តប់លើវិស័យធំៗជាច្រើននៅក្នុងស្រុករួមមាន៖ វិស័យអចលនទ្រព្យ, ធនាគារ, បដិសណ្ឋារកិច្ច, ផ្សារទំនើប, ឧស្សាហកម្មស្រាបៀរ និងភេសជ្ជៈ ព្រមទាំងវិស័យផ្សេងៗទៀត ក្នុងការផ្តល់ជូននូវផលិតផល និងសេវាកម្មល្អបំផុតដល់អតិថិជន និងដៃគូពាណិជ្ជកម្មទូទាំងប្រទេសកម្ពុជាទទួលស្គាល់ និងជឿជាក់ទៅលើគុណភាព។
ក្រុមហ៊ុន ខ្មែរ ប៊ែវើរីជីស ជាក្រុមហ៊ុនវិនិយោគដោយសហគ្រិនខ្មែរ ១០០% ដែលផលិតស្រាបៀរ និងភេសជ្ជៈជាច្រើនប្រភេទជាមួយគុណភាពខ្ពស់ស្របតាមស្តង់ដារអន្តរជាតិនិងផលិតដោយបច្ចេកវិទ្យាថ្មីទំនើបបំផុត៕
Account
Security
Favourite Content