សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា សហភាពអឺរ៉ុប និងចក្រភពអង់គ្លេសបាននាំចេញកាកសំណល់សម្លៀកបំពាក់សរុបចំនួន ៧៤លានទៅប្រទេសកេនយ៉ាជារៀងរាល់ឆ្នាំ ហើយវាយនភណ្ឌដែលគ្មានប្រយោជន៍ទាំងនេះត្រូវបានដុតចោល ឬបោះចោលក្នុងកន្លែងចាក់សំរាម ដែលសំណល់ភាគច្រើនផលិតពីសារធាតុពុល។
របាយការណ៍បានរកឃើញថា ក្នុងចំណោមវត្ថុវាយនភណ្ឌប្រើប្រាស់រួចចំនួន ១៤៩ លានត្រូវបាននាំចេញទៅកាន់ប្រទេសកេនយ៉ាជារៀងរាល់ឆ្នាំដោយសហភាពអឺរ៉ុប និងចក្រភពអង់គ្លេស ប៉ុន្តែ ៧៤ លានត្រូវបានក្លាយជាកាកសំណល់ភ្លាមៗនៅពេលមកដល់។ លើសពីនេះទៀត ស្ទើរតែ ៥០ លាននៃកាកសំណល់គឺមានសារធាតុប្លាស្ទិក ដែលមានន័យថាវាមិនអាចបោះចោលបានយ៉ាងងាយស្រួលនោះទេ។
ក្នុងចំណោមបណ្តាប្រទេសនៅអឺរ៉ុប អាឡឺម៉ង់ គឺជាអ្នកបញ្ជូនកាកសំណល់សម្លៀកបំពាក់នេះច្រើនជាងគេ ដោយដឹកជញ្ជូនរបស់របរកាកសំណល់ប្រហែលចំនួន ២៥ លានទៅប្រទេសកេនយ៉ាជារៀងរាល់ឆ្នាំ។ ប៉ូឡូញ ស្ថិតនៅលំដាប់ទី២ ដោយបញ្ជូនកាកសំណសល់ ១៨,៥ លាន ខណៈចក្រភពអង់គ្លេសបានបញ្ជូនកាកសំណល់ចំនួន ១៨,៣ លានទៅកាន់កេនយ៉ា។ ប្រទេសទាំង៣នេះ រួមជាមួយនឹងប្រទេសហុងគ្រី អ៊ីតាលី បែលហ្ស៊ិក លីទុយអានី អេស្តូនី បារាំង និងអៀរឡង់ មានចំណែក ៩៥ ភាគរយនៃការនាំចេញសម្លៀកបំពាក់ជជុះទាំងអស់ពីសហភាពអឺរ៉ុបទៅកាន់ប្រទេសកេនយ៉ា។
Clean Up Kenya និង Wildlight បានចងក្រងរបាយការណ៍ទាំងនេះ និងបានរកឃើញគំនរសម្លៀកបំពាក់ធ្វើពីប្លាស្ទិកបានគរលើអគារកម្ពស់៤ជាន់ដែលជាកន្លែងចោលសំរាមក្នុងទីក្រុងណៃរ៉ូប៊ី ប្រទេសកេនយ៉ា ហើយសំណល់ទាំងនេះបានហូរចូលទៅក្នុងទន្លេ។ របាយការណ៍បានអះអាងថា សំណល់ដែលមិនបានចោលនៅកន្លែងចាក់សំរាមនេះត្រូវបានដុតជាញឹកញាប់ ប៉ុន្តែការដុតសម្លៀកបំពាក់ដែលមានសារធាតុ polyester មានចំនួនជាង ២ ភាគ ៣ នៃវាយនភណ្ឌដែលផលិតនៅទូទាំងពិភពលោក ដែលបានរួមចំណែកដល់ការបំពុលបរិយាកាស និងប៉ះពាល់ដល់សុខភាពជាច្រើនផងដែរ ដោយសារការដុតបានបញ្ចេញជាតិពុលខ្លាំង។
យ៉ាងណាមិញ ការនាំចូលសម្លៀកបំពាក់ជជុះគឺជាឧស្សាហកម្មរីកចម្រើននៅក្នុងប្រទេសកេនយ៉ា ដែលមានបុគ្គលិកនៅក្នុងវិស័យនេះរហូតដល់ ២លាននាក់។ មិនត្រឹមតែប៉ុណ្ណោះ ពាណិជ្ជករសំលៀកបំពាក់នៅក្នុងប្រទេសកេនយ៉ាចំណាយប្រាក់របស់ពួកគេក្នុងការនាំចូលកាកសំណល់សម្លៀកបំពាក់ប្រហែល ៥០ ភាគរយ៕
Account
Security
Favourite Content