សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាកាសយានដ្ឋាន តារាសាគរ ស្ថិតក្នុងស្រុកបុទុមសាគរ ខេត្តកោះកុង ដែលប្រើប្រាស់ទុនវិនិយោគសរុបប្រមាណ ៣៥០លានដុល្លារ គ្រោងនឹងបើកការហោះហើរជាផ្លូវការនៅពាក់កណ្ដាលឆ្នាំ២០២៣នេះ ហើយនឹងមិនមានការពន្យារពេលទៀតនោះទេ។ នេះបើតាមការបញ្ជាក់របស់លោកជំទាវ មិថុនា ភូថង អភិបាលខេត្តកោះកុង។
លោកជំទាវបានបញ្ជាក់ដូច្នេះនៅក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាលស្ដីពី «ភាពជោគជ័យរយៈពេល៥ឆ្នាំរបស់រដ្ឋបាលខេត្តកោះកុង» កាលពីថ្ងៃទី២១ ខែកុម្ភៈ ឆ្នាំ២០២៣។
លោកជំទាវ មិថុនា ភូថង បានថ្លែងថា ៖
“បច្ចុប្បន្ននេះ អាកាសយានដ្ឋានអន្ដរជាតិតារាសាគរ បានសាងសង់រួចរាល់ទាំងស្រុង ១០០ ភាគរយហើយ រង់ចាំតែពេលវេលាបើកការហោះហើរប៉ុណ្ណោះ ខណៈដែលក្រុមហ៊ុនសាងសង់បានបញ្ជាក់ថា នឹងកំណត់ការហោះហើរនៅពាក់កណ្ដាលឆ្នាំ២០២៣ ដោយមិនពន្យារពេលទៀតនោះឡើយ”
គួររំលឹកដែរថា អាកាសយានដ្ឋាន តារាសាគរ ស្ថិតក្នុងស្រុកបុទមសាគរ ខេត្តកោះកុង ជាការវិនិយោគដោយក្រុមហ៊ុនចិន Union Development Group ក្នុងទំហំទឹកប្រាក់ ២០០លានដុល្លារ (ដំណាក់កាលទី១) ជាការវិនិយោគសម្រាប់គាំទ្រដល់ពហុបំណងវិស័យទេសចរណ៍។ អាកាសយានដ្ឋានតារាសាគរ លាតសន្ធឹងលើផ្ទៃដីទំហំ ៤,៥ហិកតា ដែលត្រូវបានអភិវឌ្ឍដោយក្រុមហ៊ុនចិន Tianjin Union Development Group(UDG) ដែលនឹងប្រើប្រាស់ទុនវិនិយោគសរុបប្រមាណ ៣៥០ លានដុល្លារ។ អាកាសយានដ្ឋានមួយនេះ មានសមត្ថភាពផ្តល់ការចុះចតប្រភេទយន្តហោះលំដាប់ 4E បាន ដូចជា យន្តហោះប្រភេទ Boeing-777 និង Airbus A-340/A-350 ៕
Account
Security
Favourite Content