ភ្នំពេញ ៖ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ពីសារៈសំខាន់នៃវត្តមានផ្លូវល្បឿនលឿនភ្នំពេញ-ក្រុងព្រះសីហនុ ក្នុងនាមជាខ្សែតភ្ជាប់ពី…

ភ្នំពេញ ៖ តាមការកត់សម្គាល់ជាក់ស្ដែងបានមើលឃើញថា វិស័យគាំទ្រដល់កំណើនសេដ្ឋកិច្ចកម្ពុជាចាប់ផ្ដើមមានសកម្មភាពកម្រើកឡើងបន្តិចម្ដងៗហើយក្នុងឆ្នាំ២០២២នេះ ដែលក្នុងនោះវិស័យឧស្សាហកម្មត្រូវបានរំពឹងថានឹងកើនឡើងក្នុងរង្វង់ប្រមាណ៩ភាគរយក្នុងឆ្នាំ២០២២នេះ និងបន្តកើនឡើងបន្ថែមទៀតនៅឆ្នាំ២០២៣ខាងមុខ។ នេះបើតាមការព្យាកររបស់ក្រសួងសេដ្ឋកិច្ចនិងហិរញ្ញវត្ថុ។ នៅក្នុងរបាយការណ៍ក្របខណ្ឌម៉ាក្រូសេដ្ឋកិច្ចកម្ពុជាដែលចេញផ្សាយនៅក្នុងខែឧសភា ឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុបានឱ្យដឹងថា វិស័យឧស្សាហកម្ម ត្រូវបានព្យាករថានឹងបន្តនិន្នាការកើនឡើងក្នុងអត្រា ៩ភាគរយក្នុងឆ្នាំ២០២២ និង ៩,២ភាគរយក្នុងឆ្នាំ២០២៣ ដែលកំណើននេះបាន និងកំពុងវិលត្រលប់ទៅស្ថានភាពមុនកូវីដ១៩។ ការវិលត្រលប់ទៅរកវិថីកំណើននេះគាំទ្រដោយការរំពឹងទុកការបន្តភាពល្អប្រសើរនៃតម្រូវការខាងក្រៅដែលនឹងបន្តជំរុញកំណើននៃអនុវិស័យកាត់ដេរ និងកម្មន្តសាលមិនមែនកាត់ដេរ។