សិង្ហបុរី ៖ បញ្ហាអតិផរណាទំនិញឡើងថ្លៃ ការដឹកជញ្ជូនឡើងថ្លៃ បាន និងកំពុងកើតឡើងរហូតក្លាយទៅជាចំណែកមួយដែលធ្វើឱ្យកើតមានវិបត្តិជាសកលលោកដោយសារតែបញ្ហានៃជម្លោះរវាងអ៊ុយក្រែន និងរុស្ស៊ី ដោយក្នុងនោះសូម្បីតែប្រទេសក្នុងតំបន់អាស៊ីមួយចំនួនក៏ទទួលរងផលប៉ះពាល់ផងដែរ។
ជាក់ស្តែង ប្រទេសសិង្ហបុរី ដែលពិភពលោកទទួលស្គាល់ថាជាប្រទេសមួយមានការអភិវឌ្ឍខ្លាំងក៏កំពុងជួបផលលំបាកដែរ នឹងកំពុងពិបាកដោះស្រាយ ពីព្រោះថាប្រទេសម៉ាឡេស៊ីដែលជាអ្នកផ្គត់ផ្គង់ទីផ្សារសាច់មាន់មួយចំណែកធំរបស់ខ្លួននោះបានឈានទៅដល់ការសម្រេចចិត្តហាមប្រាមការនាំចេញសាច់មាន់គិតចាប់តាំងតែពីថ្ងៃទី១ ខែមិថុនា ឆ្នាំ២០២២មកម្ល៉េះ។
ពលរដ្ឋសិង្ហបុរី ជាពិសេសក្រុមអាជីវករជាច្រើនរបស់សិង្ហបុរីមានការព្រួយបារម្ភយ៉ាងខ្លាំងចំពោះការសម្រេចចិត្តមួយនេះដោយក្នុងនោះលោក Daniel Tan ថៅកែហាងលក់បាយមាន់យីហោ OK Chicken Rice បានលើកឡើងថា ៖ ការហាមប្រាមនេះមានន័យស្រដៀងគ្នា ថា McDonald នឹងដំណើរការអាជីវកម្មដោយគ្មាននំបឺហ្គឺរ ខណៈដែលក្រុមហ៊ុន Coca Cola នឹងដំណើរការដោយមិនមានលក់ភេសជ្ជៈកូកាកូឡាយ៉ាងដូច្នេះដែរ។
ទោះបីជាយ៉ាងណាក្តី លោក Tan បានលើកឡើងដែរថា ៖
“ដោយសារតែក្នុងរយៈពេលនៃការហាមប្រាមនាំចេញសាច់មាន់ពីប្រទេសម៉ាឡេស៊ីនឹងអាចអូសបន្លាយពី ២ ទៅ ៣ សប្តាហ៍អាជីវករទាំងឡាយនឹងត្រូវប្រើប្រាស់យុទ្ធសាស្ត្រដែលធ្លាប់បានធ្វើកាលពីពេលមានបញ្ហាស្រដៀងគ្នានេះកើតឡើងកាលពីអតីតកាលម្តងហើយ។ ពួកយើងនឹងបង្ខំចិត្តប្រើប្រាស់សាច់មាន់កកដែលភាគច្រើនជាសាច់មាន់ដែលផ្គត់ផ្គង់ពីប្រទេសប្រេស៊ីលនៅក្នុងដំណាក់កាលនេះ”
គួរឲ្យដឹងដែរថា បច្ចុប្បន្ន ប្រទេស ម៉ាឡេស៊ី គឺជាអ្នកផ្គត់ផ្គង់សាច់មាន់ដល់ទៅ ៣៤ភាគរយនៃទីផ្សារសាច់មាន់សរុបនៅក្នុងទីផ្សារប្រទេសសិង្ហបុរី។ រដ្ឋាភិបាលប្រទេសម៉ាឡេស៊ីក៏បានពន្យល់ដែរថា ការអនុវត្តការរឹតត្បិតនេះធ្វើឡើងរហូតដល់ពេលដែលផលិតផលក្នុងស្រុកព្រមទាំងតម្លៃថ្លៃដើមមានស្ថានភាពល្អប្រសើរឡើងវិញ និងគ្រប់គ្រាន់សម្រាប់ទីផ្សារក្នុងស្រុកជាមុនសិន ពីព្រោះថាពេលនេះទីផ្សារសាច់មាន់កំពុងទទួលរងផលប៉ះពាល់ខ្លាំងដោយសារតែបញ្ហាជម្លោះរវាងអ៊ុយក្រែន និងរុស្ស៊ី ចាប់តាំងតែពីព្រឹត្តិការណ៍លុកលុយដោយយោធាបានកើតឡើងដំបូងកាលពីខែកុម្ភៈមក៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 28/03/2024
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ