បឹងទន្លេសាប ជាសម្បត្តិធម្មជាតិដ៏មានតម្លៃ និងជាបេះដូងរបស់ប្រជាជនកម្ពុជា ដែលត្រូវតែរក្សាឱ្យបានគង់វង្ស

ភ្នំពេញ ៖ ទន្លេសាប ជាបឹងទឹកសាបដែលធំជាងគេនៅតំបន់អាស៊ីអាគ្នេយ៍ គ្របដណ្ដប់លើផ្ទៃដីចំនួន ២,៥ សែនហិកតានៅរដូវប្រាំង និងលាតសន្ធឹងដល់ ១,៦លានហិកតានៅរដូវវស្សា។ បឹងនេះ មានប្រព័ន្ធអេកូឡូស៊ីគ្រប់ប្រភេទ ដូចជា តំបន់វាលលំហរទឹកសាប វាលភក់ ព្រៃលិចទឹក ស្មៅលិចទឹក និងតំបន់ទំនាបលិចទឹកជុំវិញ។

បឹងទន្លេសាប បានដើរតួនាទីយ៉ាងសំខាន់ក្នុងការរក្សាលំនឹងអាកាសធាតុក្នុងតំបន់ ទប់ស្កាត់ និងកាត់បន្ថយគ្រោះទឹកជំនន់ ជាជម្រកត្រីពង ជាតំបន់ជង្រុកស្រូវ សម្បូរទៅដោយជីវៈចម្រុះ និងធនធានធម្មជាតិយ៉ាងសម្បូរបែប។ ក្នុងមួយឆ្នាំៗ បឹងទន្លេសាបបានស្រូបយកទឹកជំនន់ពីទន្លេមេគង្គប្រមាណជា ២០ភាគរយឯណោះ។

ឆ្លើយតបទៅនឹងសារៈសំខាន់ដ៏មហិមារបស់បឹងទន្លេសាប មកកាន់ប្រជាជាតិកម្ពុជាទាំងមូល បឹងនេះត្រូវបានដាក់ចូលទៅជាតំបន់ការពារធម្មជាតិ ដោយកំណត់ចូលក្នុងប្រភេទជាតំបន់ប្រើប្រាស់ច្រើនយ៉ាង។ រីឯស្ថាប័នដែលពាក់ព័ន្ធលើការគ្រប់គ្រងបឹងទន្លេសាបរួមមាន ក្រសួងធនធានទឹក និងឧតុនិយម ក្រសួងកសិកម្ម រុក្ខប្រម៉ាញ់ និងនេសាទ ក្រសួងបរិស្ថាន ក្រសួងមហាផ្ទៃ អាជ្ញាធរទន្លេសាប អាជ្ញាធរថ្នាក់ក្រោមជាតិជុំវិញបឹងទន្លេសាប។

ដើម្បីឱ្យកាន់តែងាយស្រួលក្នុងការការពារ និងគ្រប់គ្រង ក្រសួងខាងលើបានធ្វើការកំណត់ និងបែងចែកតំបន់គ្រប់គ្រងជាបួនតំបន់ធំៗ។

បើតាមលោក ស្រី ស្រ៊ុនលាង អគ្គនាយករងនៃអគ្គនាយកដ្ឋានតំបន់ធម្មជាតិក្រសួងបរិស្ថាន បានរៀបរាប់យ៉ាងដូច្នេះថា៖

•  តំបន់ស្នូល ជាតំបន់ដែលមានការអភិរក្សខ្ពស់ ការចេញចូលតំបន់នេះ គឺចាំបាច់ត្រូវមានការយល់ព្រមពីមន្ត្រីក្រសួងបរិស្ថាន រីឯការចេញចូលមួយទៀតដែលអាចអនុញ្ញាតបាននោះគឺវិស័យសន្តិសុខជាតិ។

•  តំបន់អភិរក្ស ជាតំបន់ដែលស្ថិតនៅជាប់តំបន់ស្នូល ហើយការចេញចូលតំបន់នេះគឺប្រហាក់ប្រហែលនឹងតំបន់ស្នូលដែរ។

•  តំបន់ប្រើប្រាស់ដោយចីរភាព ជាតំបន់ដែលមានតម្លៃខ្ពស់ក្នុងការអភិវឌ្ឍផ្នែកសេដ្ឋកិច្ច ហើយនៅក្នុងតំបន់នេះគឺយើងអាចអនុញ្ញាតឱ្យមានការអភិវឌ្ឍ ការអាស្រ័យផល តែប្រាកដណាស់ប្រជាជនមិនមានសិទ្ធិចាត់ចែង និងលក់ដូរដីដែលកំពុងអាស្រ័យផលនោះទេ។

•  តំបន់សហគមន៍ ជាតំបន់ដែលមានលំនៅឋាន ជាដីស្រែចំការរបស់ប្រជាជន ជាសហគមន៍នៃការប្រើប្រាស់ដីធ្លី និងការចេញប័ណ្ឌកម្មសិទ្ធិដីធ្លីគឺអាចធ្វើទៅបានដោយមានការយល់ព្រមពីក្រសួងបរិស្ថាន។

បន្ថែមពីលើការការពារព្រៃលិចទឹកនៅជុំវិញបឹងទន្លេសាប ភាគីពាក់ព័ន្ធក៏បានដាក់វិធានការក្នុងការសង្គ្រោះដីព្រៃលិចទឹកផងដែរគឺ ទី១ ក្រសួង និងអាជ្ញាធរដែលពាក់ព័ន្ធត្រូវរៀបចំបោះបង្គោលព្រំឱ្យបានច្បាស់លាស់ ដើម្បីងាយស្រួលទប់ស្កាត់ប្រជាពលរដ្ឋមិនឱ្យចូលទៅវាតដីទាំងអស់នេះ និងទី២ ត្រូវរៀបចំដាំព្រៃលិចទឹកឡើងវិញ។ នេះបើតាមប្រសាសន៍របស់លោក អឹង ទ្រី អនុប្រធានរដ្ឋបាលជលផលក្រសួងកសិកម្ម។ គួរបញ្ជាក់ថា មកទល់ពេលនេះ រដ្ឋាភិបាលបានប្រមូលដីចំនួនប្រមាណ ៦ម៉ឺនហិកតា តាមរយៈការស្ម័គ្រចិត្តពីប្រជាពលរដ្ឋជាង ​១ម៉ឺន ៥ពាន់គ្រួសារ ហើយបច្ចុប្បន្ន ភាគីពាក់ព័ន្ធកំពុងដំណើរការចុះបញ្ជីដែនព្រៃលិចទឹកជុំវិញបឹងទន្លេសាប និងបានប្រគល់ទៅអាជ្ញាធរដែនដី និងក្រសួងពាក់ព័ន្ធបន្តគ្រប់គ្រង ការពារ ទប់ស្កាត់ឱ្យបានគង់វង្ស៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់

គិតត្រឹមត្រីមាសទី១ ឆ្នាំ២០២៤ ធនាគារអភិវឌ្ឍន៍ជនបទ និងកសិកម្ម មានសំពៀតឥណទានសរុបប្រមាណជាង៤០០លានដុល្លារអាមេរិក

ព្រឹត្តិការណ៍, សេដ្ឋកិច្ច

• 16/05/2024

ឯកឧត្តមបណ្ឌិត កៅ ថាច បានគូសបញ្ជាក់ថា ក្នុងនាមជាប្រទេសផលិត នាំចេញកសិផលដ៏សំខាន់មួយក្នុងពិភពលោកកម្ពុជាប្តេជ្ញាចិត្តខ្ពស់ក្នុងការធ្វើបរិវត្តកម្មវិស័យកសិកម្ម

វិភាគ ៖ តើទ្រឹស្តី Dedollarisation អាចកំណត់ជោគវាសនាលុយដុល្លារបាន ឬយ៉ាងណា ?

ព្រឹត្តិការណ៍, សេដ្ឋកិច្ច

• 16/05/2024

ការទំលាក់រូបិយបណ្ណអាមេរិកចេញពីកំពូលតារាងគឺជារឿងមិនងាយស្រួលឡើយ ប៉ុន្តែព្រឹត្តិការណ៍ជម្លោះនៅអ៊ុយក្រែនវាបានធ្វើឲ្យគ្រប់គ្នាមានការភ្ញាក់ផ្អើល ខណៈប្រទេសធំៗមួយចំនួនចាប់ផ្តើមឈប់ទូទាត់ជាលុយដុល្លារ

ក្រសួងកសិកម្ម ត្រៀមគម្រោងជួយទ្រទ្រង់សហគមន៍កសិកម្មសំបូរមានជ័យឱ្យក្លាយជាសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 16/05/2024

រដ្ឋមន្ត្រីក្រសួងកសិកម្មបានសន្យាបន្តជួយអភិវឌ្ឍន៍សហគមន៍កសិកម្មសំបូរមានជ័យដោយត្រៀមគម្រោងមួយចំនួនដើម្បីទ្រទ្រង់សហគមន៍កសិកម្មនេះឱ្យក្លាយទៅជាសហគមន៍កសិកម្មទំនើប

កម្ពុជា-កូរ៉េ ចុះអនុស្សរណៈយោគយល់គ្នាលើឯកសារចំនួន៦

ព្រឹត្តិការណ៍, សេដ្ឋកិច្ច

• 16/05/2024

កម្ពុជា និង សាធារណរដ្ឋកូរ៉េ បានចុះអនុស្សរណៈយោគយល់គ្នាលើឯកសារចំនួន​៦ទាក់ទងនឹងវិស័យហិរញ្ញប្បទានវិនិយោគកម្មសិទ្ធិបញ្ញាជំនាញវិជ្ជាជីវៈ និងផ្លូវ ។

កម្ពុជា ស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផលពាក់កណ្តាលសម្រេច

ព្រឹត្តិការណ៍, សេដ្ឋកិច្ច

• 16/05/2024

ក្រុមប្រឹក្សាអភិវឌ្ឍន៍កម្ពុជា បានស្នើក្រុមហ៊ុនចិនពិនិត្យលទ្ធភាពបណ្តាក់ទុនវិនិយោគលើគម្រោងផលិតវត្ថុធាតុដើម និងផលិតផល​ពាក់កណ្តាលសម្រេច

តាមរយៈសួនកសិ-ឧស្សាហកម្មកម្ពុជា-អូស្ត្រាលី កសិផលកម្ពុជាប្រមាណ ៩៥% នឹងត្រូវលក់ចេញទៅតាមបណ្ដាប្រទេសអាស៊ានទាំងមិនទាន់កែច្នៃ

ព្រឹត្តិការណ៍, សេដ្ឋកិច្ច

• 16/05/2024

គម្រោងអភិវឌ្ឍសួនកសិ-ឧស្សាហកម្មនៅកម្ពុជា (Agri-Food Industrial Park) បានឈានដល់មួយជំហានទៀតហើយ គឺអ្នកជំនាញបានជួបពិភាក្សាគ្នាប្រមូលធាតុចូលមុនពេលបង្កើត