World Bank ៖ សង្គ្រាមនៅអ៊ុយក្រែនធ្វើឱ្យអតិផរណាកើន ខណៈស្ថានភាពហិរញ្ញវត្ថុកាន់តែត្រូវបានរឹតបន្ដឹង

ព្រឹត្តិការណ៍, ហិរញ្ញវត្ថុ

ក្រុងវ៉ាស៊ីនតោន ៖ បន្ថែមពីលើការខូចខាតដែលជំងឺរាតត្បាតកូវីដ-១៩បានបង្កឡើង សង្គ្រាមរបស់ប្រទេសរុស្ស៊ីទៅលើប្រទេសអ៊ុយក្រែន បានធ្វើឱ្យដំណើរថមថយនៃសេដ្ឋកិច្ចសាកលលោកកាន់តែធ្លាក់ល្បឿនរហូតមកដល់គ្រាមួយដែលអាចក្លាយជាដំណាក់កាលអូសបន្លាយ ក្នុងនោះកំណើនសេដ្ឋកិច្ចកាន់តែខ្សោយថាមពល ហើយអតិផរណាចេះតែកើនឥតឈប់ឈរ។ នេះបើតាមធនាគារពិភពលោកបានបញ្ជាក់នៅក្នុងរបាយការណ៍ចុងក្រោយមួយក្រោមចំណងជើងថា Global Economic Prospects ដែលសារព័ត៌មាន AMS ទទួលបាននៅថ្ងៃទី៨ ខែមិថុនា ឆ្នាំ២០២២។

បញ្ហានេះបានកើនឡើងនូវហានិភ័យនៃអតិផរណារួមនឹងដំណើរមិនចម្រើនខាងសេដ្ឋកិច្ច (stagflation) ដែលអាចធ្វើឱ្យបណ្តាប្រទេសមានចំណូលកម្រិតមធ្យម និងកម្រិតទាបជួបនូវផលវិបាក។ នៅក្នុងកម្រិតសាកល កំណើនសេដ្ឋកិច្ចត្រូវបានរំពឹងទុកថានឹងស្រុតចុះពី ៥,៧ភាគរយក្នុងឆ្នាំ ២០២១ មកនៅត្រឹម ២,៩ ភាគរយក្នុងឆ្នាំ២០២២ ដែលទាបជាងច្រើនប្រៀបធៀបទៅនឹង ៤,១ភាគរយ ត្រូវបានប្រមើលទុកកាលពីខែមករាដើមឆ្នាំនេះ។ តាមការរំពឹងទុក កម្រិត ២,៩ ភាគរយនេះ នឹងនៅទ្រឹងសំកាំងរហូតដល់ឆ្នាំ២០២៣ និង២០២៤ ដោយសារតែសង្គ្រាមនៅអ៊ុយក្រែនបង្កការបន្ទុចបង្អាក់ដល់សកម្មភាពសេដ្ឋកិច្ច, ការវិនិយោគ និងការធ្វើពាណិជ្ជកម្ម ហើយក្នុងរយៈពេលខ្លីខាងមុខ តម្រូវការរបស់អ្នកប្រើប្រាស់ក៏នឹងធ្លាក់ចុះ រីឯគោលនយោបាយអន្តរាគមន៍ផ្នែកហិរញ្ញវត្ថុ និងរូបិយវត្ថុក៏នឹងត្រូវដកថយដែរ។

ជាលទ្ធផលនៃការខូចខាត សេដ្ឋកិច្ចដោយសារជំងឺរាតត្បាត និងសង្គ្រាម ចំណូលសម្រាប់មនុស្សម្នាក់នៅក្នុងបណ្តាប្រទេសកំពុងអភិវឌ្ឍន៍នៅក្នុងឆ្នាំនេះ នឹងមានកម្រិត ៥ ភាគរយ ទាបជាងកម្រិតដែលធ្លាប់មានកាលពីមុនសម័យផ្ទុះជំងឺរាតត្បាតកូវីដ១៩។

លោក ដេវីដ ម៉ាល់ប៉ាស់ (David Malpass) ប្រធានក្រុមធនាគារពិភពលោក មានប្រសាសន៍ដូច្នេះថា ៖

“សង្គ្រាម នៅក្នុងប្រទេសអ៊ុយក្រែន, វិធានការបិទខ្ទប់នៅក្នុងប្រទេសចិន, ការបន្ទុចបង្អាក់ដល់ខ្សែចង្វាក់ផ្គត់ផ្គង់ និងហានិភ័យនៃអតិផរណារួមនឹងដំណើរមិនចម្រើនខាងសេដ្ឋកិច្ចកំពុងតែសង្កត់កំណើនសេដ្ឋកិច្ចមិនឱ្យងើបរួច។ ប្រទេសជាច្រើននឹងគេចមិនផុតពីដំណើរធ្លាក់ចុះនៃសេដ្ឋកិច្ចឡើយ”

លោក ម៉ាល់ប៉ាស់ បន្តទៀតថា ជាទីផ្សារសម្លឹងទៅមុខ ដូច្នេះអ្វីដែលជាកិច្ចការបន្ទាន់នោះគឺត្រូវជំរុញផលិតកម្មឱ្យសកម្មថែមទៀត ហើយចៀសវាងឱ្យបាននូវការដាក់របារពាណិជ្ជកម្ម។ ការផ្លាស់ប្តូរក្នុងគោលនយោបាយផ្នែកសារពើពន្ធ រូបិយវត្ថុ អាកាសធាតុ និងបំណុល ក៏ជាកិច្ចការចាំបាច់ត្រូវធ្វើដែរ ដើម្បីបង្ការឱ្យបាននូវការបែងចែកធនធានមិនចំគោលដៅ និងសមភាព។

របាយការណ៍ Global Economic Prospects ដែលចេញផ្សាយក្នុងខែមិថុនានេះ ធ្វើការវាយតម្លៃជាលក្ខណៈ ប្រព័ន្ធជាលើកដំបូងអំពីការណ៍ថា តើគេអាចប្រៀបធៀបស្ថានភាពសេដ្ឋកិច្ចសាកលនាពេលបច្ចុប្បន្ននេះ ទៅនឹងស្ថានភាពអតិផរណារួមនឹងដំណើរមិនចម្រើនខាងសេដ្ឋកិច្ច (stagflation) កាលពីក្នុងទសវត្សរ៍ឆ្នាំ១៩៧០ ដោយរបៀបណា ជាមួយនឹងការសង្កត់ធ្ងន់ជាពិសេសលើសំណួរថា តើអតិផរណារួមនឹងដំណើរមិនចម្រើនខាងសេដ្ឋកិច្ច នេះអាចនឹងជះឥទ្ធិពលដូចម្តេចខ្លះទៅលើទីផ្សារដែលកំពុងលេចឡើងថ្មី និងទៅលើបណ្តាប្រទេសកំពុងអភិវឌ្ឍន៍។ នៅក្នុងទសវត្សរ៍ឆ្នាំ១៩៧០ ដើម្បីស្តារសេដ្ឋកិច្ចឱ្យងើបឡើងវិញពីស្ថានភាពអតិផរណារួម និងដំណើរមិនចម្រើនខាងសេដ្ឋកិច្ចបាន គេចាំបាច់ត្រូវបង្កើនអត្រាការប្រាក់ខ្ពស់ក្នុងចំណោមបណ្តាប្រទេសមានសេដ្ឋកិច្ចជឿនលឿន ដែលជាដើមចមបង្កឱ្យមានការផ្ទុះវិបត្តិហិរញវត្ថុតៗគ្នានៅតាមទីផ្សារដែលកំពុងលេចឡើងថ្មី និងក្នុងបណ្តាប្រទេសដែលកំពុងអភវិឌ្ឍសេដ្ឋកិច្ចនាសម័យនោះ។

លោក អាយហាន់ កូសេ (Ayan Kose) ប្រធានក្រុម Prospects Group នៃក្រុមធនាគារពិភពលោក មានប្រសាសន៍ដូច្នេះថា បណ្តាប្រទេសកំពុងអភិវឌ្ឍន៍ចាំបាច់ត្រូវតែថ្លឹងថ្លែងរវាងតម្រូវការនៃភាពចាំបាច់ដើម្បីរក្សាស្ថិរភាពសារពើពន្ធ ជាមួយនឹងតម្រូវការក្នុងការសម្រាលផលប៉ះទង្គិចរបស់វិបត្តិដែលកំពុងកើតមានផ្ទួនៗគ្នាទៅ លើពលរដ្ឋក្រីក្របំផុតរបស់ខ្លួននាពេលបច្ចុប្បន្ន។

លោក កូសេ បន្តទៀតថា ៖ “ការផ្សព្វផ្សាយឱ្យបានច្បាស់លាស់អំពីការសម្រេចចិត្តផ្នែកគោលនយោបាយរូបិយវត្ថុ, ការបង្កើនអានុភាពនៃក្របខណ្ឌគោលនយោបាយរូបិយវត្ថុគួរឱ្យទុកចិត្តបាន, និងការការពារឱ្យបាននូវឯករាជ្យភាពរបស់ធនាគារកណ្តាលទាំងអស់នេះ អាចមានប្រសិទ្ធភាពក្នុងការជួយគ្រប់គ្រងឱ្យបាននូវក្តីរំពឹងទុកចំពោះកម្រិតអតិផរណា និងក៏ជួយកាត់បន្ថយបានដែរនូវបរិមាណវិធានការរឹតបន្ដឹងផ្នែកគោលនយោបាយ ដែលចាំបាច់សម្រាប់ធ្វើឱ្យមានឥទ្ធិពលសមតាមបំណង ដែលចង់បានទៅលើអតិផរណា និងសកម្មភាពនានា។

មានទិដ្ឋភាពធំៗបី ដែលស្រដៀងគ្នាទៅនឹងស្ថានភាពក្នុងសម័យទសវត្សរ៍ឆ្នាំ១៩៧០ ក្នុងនោះគឺ អតិផរណា ដែលបង្កឡើងដោយសកម្មភាពរំខានឥតឈប់ឈរនៅខាងផ្នែកផ្គត់ផ្គង់ ផ្តើមចេញពីគោលនយោបាយរ៉ាប់រងខ្ពស់ផ្នែករូបិយវត្ថុ ដែលមាននៅតាមប្រទេសសេដ្ឋកិច្ចជឿនលឿនអស់ពេលជាយូរ, លទ្ធភាពដែលកំណើនសេដ្ឋកិច្ចត្រូវធ្លាក់ចុះ, និងភាពងាយរងគ្រោះដែលទីផ្សារថ្មីៗ និងបណ្តាប្រទេសកំពុងអភិវឌ្ឍន៍ត្រូវប្រឈមមុខ ជាពិសេសទាក់ទិនទៅនឹងការរឹតបន្ដឹងគោលនយោបាយរូបិយវត្ថុ ដែលជាភាពចាំបាច់សម្រាប់គ្រប់គ្រងកម្រិតអតិផរណាឱ្យបាន។

យ៉ាងណាក៏ដោយ ស្ថានភាពដែលកំពុងតែស្តែងឡើងនៅពេលនេះមានសភាពខុសគ្នាច្រើនទិដ្ឋភាពពីអ្វីដែលធ្លាប់មាននៅក្នុងទសវត្សរ៍ឆ្នាំ១៩៧០ ដូចជា៖ បច្ចុប្បន្ន តម្លៃប្រាក់ដុល្លារនៅតែរក្សាភាពរឹងមាំនៅឡើយ ខុសគ្នាស្រឡះពីទសវត្សរ៍ឆ្នាំ១៩៧០ ដែលតម្លៃរបស់វាចុះខ្សោយខ្លាំងមែនទែន; កំណើនភាគរយលើថ្លៃមុខទំនិញនៅមានទំហំតូចជាងប្រៀបទៅនឹងសម័យទសវត្សរ៍ឆ្នាំ១៩៧០ ហើយបញ្ជីសមតុល្យនៅតាមស្ថាប័នហិរញ្ញវត្ថុធំៗក៏នៅរក្សា បានភាពរឹងមាំនៅឡើយដែរ។ សំខាន់ជាងនេះទៅទៀតខុសពីទសវត្សរ៍ឆ្នាំ១៩៧០ ធនាគារកណ្តាលនៅតាមបណ្តាប្រទេសជឿនលឿន និងនៅតាមបណ្តាប្រទេសកំពុងអភិវឌ្ឍន៍ បច្ចុប្បន្ននេះពួកគេមានអាណត្តិរបស់ខ្លួនច្បាស់លាស់ក្នុងការរក្សាស្ថេរភាពតម្លៃ ហើយនៅក្នុងអំឡុងពេលបីទសវត្សរ៍កន្លងទៅ ពួកគេខំកសាងបាននូវកេរ្តិ៍ឈ្មោះគួរឱ្យជឿជាក់បាននៅក្នុងការសម្រេចឱ្យបានគោលដៅអតិផរណានៅតាមប្រទេសរបស់គេរៀងៗខ្លួនផងដែរ។

អតិផរណាកម្រិតសាកលត្រូវបានរំពឹងទុកថានឹងមានកម្រិតមធ្យមក្នុងឆ្នាំក្រោយ ប៉ុន្តែវាអាចស្ថិតនៅក្នុងកម្រិតមួយ នៅហួសគោលដៅដែលប្រទេសជាច្រើនបានកំណត់ទុក។ របាយការណ៍នេះបានធ្វើការកត់សម្គាល់ដែរថា ប្រសិនអតិផរណាចេះតែបន្តកើន ការធ្វើតាមដំណោះស្រាយនៃបញ្ហាអតិផរណារួមនឹងដំណើរមិនចម្រើនខាងសេដ្ឋកិច្ច ដូចកាលកន្លងមក អាចនឹងបណ្តាលឱ្យសេដ្ឋកិច្ចសាកលលោកដាំក្បាលចុះកាន់តែខ្លាំង អមដោយវិបត្តិហិរញ្ញវត្ថុនៅ តាមទីផ្សារថ្មីៗ និងនៅតាមប្រទេសកំពុងអភិវឌ្ឍន៍ផងដែរ។

របាយការណ៍នេះក៏បានលើកឡើងផងដែរអំពីទស្សនវិស័យស៊ីជម្រៅអំពីថា តើសង្គ្រាមនៅអ៊ុយក្រែនជះឥទ្ធិពលដូច ម្តេចខ្លះទៅលើទីផ្សារថាមពល ដែលបង្កភាពអាប់អួរដល់ទស្សនវិស័យកំណើនសេដ្ឋកិច្ចសាកលោក។ សង្គ្រាមនេះ បានធ្វើឱ្យថ្លៃប្រេងឥន្ធនៈហក់ឡើងយ៉ាងគំហុក សឹងតែនៅគ្រប់ផ្នែកទំនិញជួញដូរទាំងអស់ដែលពាក់ព័ន្ធថាមពល។ ថាមពលកាន់តែឡើងថ្លៃធ្វើឱ្យចំណូលពិតធ្លាក់ចុះ, ធ្វើឱ្យថ្លៃដើមនៃផលិតកម្មកាន់តែកើន, ស្ថានភាពហិរញ្ញវត្ថុកាន់ តែមានភាពរឹតបន្ដឹង, នឹងកាន់តែរឹតត្បិតដល់គោលនយោបាយម៉ាក្រូសេដ្ឋកិច្ច ជាពិសេសនៅក្នុងបណ្តាប្រទេស ដែលនាំចូលថាមពលពីក្រៅ។

នៅតាមបណ្តាប្រទេសជឿនលឿនឯណោះវិញកំណើនសេដ្ឋកិច្ចត្រូវបានព្យាករទុកថានឹងធ្លាក់ចុះយ៉ាងគំហុក គឺពីកម្រិត ៥,១ ភាគរយ ក្នុងឆ្នាំ២០២១ មកនៅត្រឹម ២,៦ ភាគរយ ក្នុងឆ្នាំ២០២២ មានន័យថា ធ្លាក់ចុះកម្រិត ១,២ ភាគរយ ដែលទាបជាងកម្រិតដែលបានប្រមើលទុកកាលពីខែមករាកន្លងទៅ។ កំណើនត្រូវបានរំពឹងទុកថានឹងរក្សា កម្រិតមធ្យមត្រឹម ២,២ ភាគរយនៅក្នុងឆ្នាំ២០២៣ ដែលឆ្លុះបញ្ចាំងឱ្យឃើញអំពីការបន្តចំហាយនៃការធ្វើអន្តរាគមន៍ ផ្នែកសារពើពន្ធ និងរូបិយវត្ថុចាប់តាំងពីសម័យរាតត្បាតជំងឺកូវីដ-១៩ មក។

នៅក្នុងចំណោមបណ្តាសេដ្ឋកិច្ចដែលលេចឡើងថ្មី និងចំណោមប្រទេសកំពុងអភិវឌ្ឍន៍ កំណើនសេដ្ឋកិច្ចត្រូវបានព្យាករទុកថានឹងធ្លាក់ចុះពីកម្រិត ៦,៦ ភាគរយ ក្នុងឆ្នាំ២០២១ មកនៅត្រឹមកម្រិត ៣,៤ ភាគរយ ក្នុងឆ្នាំ២០២២ ដែលបញ្ចាក់ថាទាបជាងកម្រិតប្រចាំឆ្នាំ ៤,៨ ភាគរយ ដែលគេធ្លាប់ឃើញនៅក្នុងចន្លោះពេលពីឆ្នាំ ២០១១ មកដល់ឆ្នាំ ២០១៥។ ផលប៉ះពាល់អវិជ្ជមានពីសំណាក់សង្គ្រាមនេះនឹងមានសភាពធំលើសលប់លើវិធានការជំរុញលើកទឹកចិត្ត សម្រាប់អ្នកនាំចេញទំនិញនានាក្នុងរយៈពេលខ្លីទៅទៀត ដោយសារតែថាមពលឡើងថ្លៃ។ ការប្រមើលទុកសម្រាប់កំណើនក្នុងឆ្នាំ២០២២ ត្រូវបានសើរើបន្ទាបមកវិញរហូតដល់ជិតទៅ ៧០ ភាគរយនៃបណ្តាសេដ្ឋកិច្ចលេចមុខថ្មី និងបណ្តាប្រទេសកំពុងអភិវឌ្ឍន៍ ក្នុងនោះភាគច្រើនជាប្រទេសនាំចូលទំនិញស្បៀងអាហារ និងបួនភាគប្រាំនៃប្រទេសមានចំណូលទាប។ របាយការណ៍នេះ បានគូសរំលេចអំពីភាពចាំបាច់ត្រូវមានចំណាត់ការច្បាស់លាស់ផ្នែកគោលនយោបាយនៅកម្រិតសាកល និងកម្រិតជាតិ ដើម្បីបញ្ចៀសឱ្យបាននូវវិបាកយ៉ាងអាក្រក់របស់សង្គ្រាមនៅអ៊ុយក្រែន ទៅលើសេដ្ឋកិច្ចពិភពលោក។ ចំណាត់ការនោះរួមមានកិច្ចខិតខំប្រឹងប្រែងរួមគ្នាជាសាកល ដើម្បីទប់ស្កាត់គ្រោះថ្នាក់ទៅលើអ្នកដែលរងគ្រោះដោយសារសង្គ្រាម, បង្កើតចំណាត់ការនានាធ្វើជាទ្រនាប់សម្រាប់រងការជះឥទ្ធិពលពីសំណាក់ប្រេងឥន្ធនៈឡើងថ្លៃគំហុក, ជំរុញល្បឿនសម្រាលបន្ទុកបំណុល និងពង្រីកការចាក់វ៉ាក់សាំងនៅតាមបណ្តាប្រទេសមានចំណូលទាប។ លើសពីនេះទៅទៀត ចំណាត់ការនេះត្រូវរួមបញ្ចូលការឆ្លើយតបយ៉ាងស្វាហាប់របស់ផ្នែកផ្គត់ផ្គង់នៅកម្រិតជាតិ ទន្ទឹមគ្នានឹងការខិតខំរក្សាទីផ្សារមុខទំនិញសាកលោកឱ្យបន្តដំណើរការបានល្អ៕


របាយការណ៍ថ្មីៗ

មើលទាំងអស់ ➧

CM​G ​អញ្ជើញ​អ្នក​សារព័ត៌មាន​កម្ពុជា​ ​និង​អាស៊ាន​ទៅ​ស្វែងយល់​ពី​សក្តានុពល​ខេត្ត​ហៃ​ណាន

បទយកការណ៍, សេដ្ឋកិច្ច

• 19/10/2026

បុគ្គល​ ៤​ ​អាច​ជំនួស​តំណែង​លោក ​​Zelensky ក្រោយ​លោក​ Trump ​ជំរុញ​ការ​ផ្លាស់ប្តូរ​នយោបាយ​អ៊ុយក្រែន

បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 13/10/2026

កាណាដា​-​អេមីរ៉ាត​អារ៉ាប់ រួមគ្នា​ជំរុញ​ផែនការ​វិនិយោគ ៥០ ​ពាន់​លាន​ដុល្លារ​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi​ សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ព័ត៌មានទូទៅ

មើលទាំងអស់ ➧

ធនាគារ ARDB សហការជាមួយ FASMEC រៀបចំវេទិកាថ្នាក់ជាតិលើកដំបូង ដើម្បីជួយដល់វិស័យ MSMEs នៅកម្ពុជា

ព្រឹត្តិការណ៍, សេដ្ឋកិច្ច

• 27/10/2026

ភ្នំពេញ ៖ ធនាគារអភិវឌ្ឍន៍ជនបទ និងកសិកម្ម (ARDB) បានសហការជាមួយសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) រៀបចំព្រឹត្តិការណ៍នៃវេទិកាថ្នាក់ជាតិលើកដំបូង ក្រោមប្រធានបទ «លទ្ធភាពទទួលបានហិរញ្ញប្បទានរបស់សហគ្រាសធុនមីក្រូ តូច និងមធ្យម» ដែលមានរយៈពេល ២ថ្ងៃ (២៧-២៨ ខែតុលា ឆ្នាំ២០២៦) នៅមជ្ឈមណ្ឌលសន្និបាត និងពិព័រណ៍កោះពេជ្រ

ក្រសួងរៀបចំដែនដី កំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាព

Top News, ព្រឹត្តិការណ៍, អចលនទ្រព្យ

• 27/10/2026

ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាពក្នុងក្របខណ្ឌក្រសួង និងធ្វើឱ្យមរតកនេះចាក់គ្រឹះក្នុងសង្គមកម្ពុជា ដោយបម្រើឧត្តមប្រយោជន៍ជាតិ និងប្រជាជន ស្របទៅតាមការវិវត្តនៃរចនាសម្ព័ន្ធសេដ្ឋកិច្ច និងសង្គម។ សូមគូសបញ្ជាក់ថា សមរភូមិទាំង៧ របស់ក្រសួងរៀបចំដែនដី នគរូបនីយកម្ម និងសំណង់ រួមមាន៖ ១. ការរៀបចំផ្ទះសំបែងឱ្យរៀបរយ៖

ហៃណាន ជំរុញការបង្កាត់ពូជស្រូវឆ្លាតវៃ ដោយប្រើបច្ចេកវិទ្យាហ្សែន និងស្វ័យប្រវត្តិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

បច្ចេកវិទ្យា​តម្រៀប​ហ្សែន​កម្រិត​ខ្ពស់​ ការ​វិភាគ​ម៉ូលេគុល​ក្នុង​ជាលិកា ​និង​ប្រព័ន្ធ​ស្វ័យប្រវត្តិ​កម្ម​ក្នុង​មន្ទីរ​ពិសោធន៍​ ​កំពុង​ដើរ​តួនាទី​សំខាន់​ក្នុង​ការ​ជំរុញ​ការ​ស្រាវជ្រាវ​ស្រូវ ​និង​ការ​បង្កាត់​ពូជ​ឆ្លាត​វៃ​នៅ​ទីក្រុង​វិទ្យាសាស្ត្រ​ ​និង​បច្ចេកវិទ្យា​ សាន​យ៉ា ​ខេត្ត​ហៃ​ណាន ​ដោយ​មាន​ការ​គាំទ្រ​ពី​ឧបករណ៍​បច្ចេកវិទ្យា​របស់​ក្រុមហ៊ុន​ M​GI Tech

ការ​កែច្នៃ​ ​និង​កិច្ចសន្យា​កសិកម្ម ​ជា​យុទ្ធសាស្ត្រ​រក្សា​លំនឹង​ទីផ្សារ​ស្វាយ​កម្ពុជា​

ព្រឹត្តិការណ៍, សេដ្ឋកិច្ច

• 27/10/2026

ការ​ពង្រីក​ការ​កែច្នៃ​ក្នុង​ស្រុក​ ​និង​ការ​អនុវត្ត​កិច្ចសន្យា​កសិកម្ម ​កំពុង​ត្រូវ​បាន​ជំរុញ​ជា​យុទ្ធសាស្ត្រ​សំខាន់ ​ដើម្បី​ដោះស្រាយ​បញ្ហា​ផលិតកម្ម​ស្វាយ​លើស​តម្រូវការ​ ការ​ធ្លាក់​ថ្លៃ​នៅ​រដូវ​ប្រមូល​ផល ​និង​ការ​ខាតបង់​របស់​កសិករ ​ព្រមទាំង​បង្កើន​តម្លៃ​បន្ថែម​ ​និង​ពង្រីក​ទីផ្សារ​នាំចេញ​របស់​កម្ពុជា

វិស័យ​កៅស៊ូ​កម្ពុជា​​ឈាន​ដល់​ដំណាក់កាល​ថ្មី ​ពី​ការ​នាំចេញ​វត្ថុធាតុដើម​ទៅ​ផ្គត់ផ្គង់​ឧស្សាហកម្ម​ក្នុង​ស្រុក​

ព្រឹត្តិការណ៍, សេដ្ឋកិច្ច

• 27/10/2026

​កម្ពុជា​កំពុង​ឈាន​ទៅ​រក​ដំណាក់កាល​ថ្មី​ក្នុង​វិស័យ​កៅស៊ូ ​ដោយ​ផ្លាស់ប្ដូរ​ពី​ការ​ផលិត ​និង​នាំចេញ​វត្ថុធាតុដើម​ជា​ចម្បង​ ​ទៅ​រក​ការ​កែច្នៃ​ ​និង​ផ្គត់ផ្គង់​សម្រាប់​ឧស្សាហកម្ម​ក្នុង​ស្រុក​ ​ខណៈ​ចម្ការ​កៅស៊ូ​គ្រួសារ ​និង​ចម្ការ​ខ្នាត​ធំ​កំពុង​រួមចំណែក​ជំរុញ​កំណើន​ផលិតកម្ម​។

អា​ម៉េរិក​បារម្ភ ​​ចិន​បង្កើត​ ​«កង​នា​វា​ស្រមោល​» ​បង្កប់​តាម​នាវា​ស៊ីវិល​ខ្នាត​ធំ​ ​សម្រាប់​ផែនការ​លុកលុយ​កោះ​តៃវ៉ាន់

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

របាយការណ៍​សម្ងាត់​របស់​ទីភ្នាក់ងារ​ស៊ើបការណ៍​សម្ងាត់​ការពារ​ជាតិ​អាម៉េរិក​ ​និង​រូបភាព​ផ្កាយ​រណប​ដែល​ត្រូវ​​បាន​បង្ហាញ​នា​ពេល​ថ្មី​ៗ​នេះ​ ​បាន​បង្កើន​ការ​ព្រួយបារម្ភ​អំពី​ការ​ពង្រីក​កង​នា​វា​ស៊ីវិល​របស់​ចិន ​និង​លទ្ធភាព​ដែល​នាវា​ទាំង​នេះ​អាច​ត្រូវ​បាន​ប្រើប្រាស់​សម្រាប់​ប្រតិបត្តិការ​យោធា​ ​ក្នុង​ករណី​មាន​ជម្លោះ​ជុំវិញ​កោះ​តៃវ៉ាន់​

ប៊ុលហ្គារី​ ​អះអាង​ថា​​ ការ​បោះឆ្នោត​ប្រព្រឹត្តទៅ​ដោយ​រលូន ​គ្មាន​ភស្តុតាង​ទិញ​សន្លឹក​ឆ្នោត​ជា​ប្រព័ន្ធ​

ព្រឹត្តិការណ៍, សេដ្ឋកិច្ច

• 27/10/2026

ការ​បោះឆ្នោត​ជ្រើសរើស​ប្រធានាធិបតី​នៅ​ប្រទេស​ប៊ុលហ្គារី ​កាលពី​ថ្ងៃ​ទី​២៥ ​ខែ​តុលា ​ឆ្នាំ​២០២៦ ​បាន​ប្រព្រឹត្តទៅ​ក្នុង​បរិយាកាស​ស្ងប់ស្ងាត់ ​និង​មាន​របៀបរៀបរយ​ល្អ​នៅ​ទូទាំង​ប្រទេស​ ​ដោយ​អាជ្ញាធរ​មិន​បាន​រកឃើញ​ភស្តុតាង​នៃ​សកម្មភាព​ទិញ​សន្លឹក​ឆ្នោត​ទ្រង់ទ្រាយ​ធំ​ ​ឬ​ជា​ប្រព័ន្ធ​នោះ​ទេ

រដ្ឋាភិបាល​កែសម្រួល​រចនាសម្ព័ន្ធ​ក្រសួង​រៀបចំ​ដែនដី ​និង​ប្តូរ​ឈ្មោះ​មន្ទីរ​រាជធានី​-​ខេត្ត

ព្រឹត្តិការណ៍, អចលនទ្រព្យ

• 27/10/2026

រាជ​រដ្ឋាភិបាល​កម្ពុជា​ ​បាន​ចេញ​អនុ​ក្រឹត្យ​កែសម្រួល​រចនាសម្ព័ន្ធ​មួយ​ចំនួន​របស់​ក្រសួង​រៀបចំ​ដែនដី នគរូបនីយកម្ម ​និង​សំណង់ ​ដើម្បី​សម្រួល​ការងារ​ ​និង​ការ​អនុវត្ត​ភារកិច្ច​ដែល​ស្ថិត​ក្នុង​សមត្ថកិច្ច​របស់​ក្រសួង

ហៃ​ណាន ពង្រីក​មូលដ្ឋាន​អប់រំ​អន្តរជាតិ​​ ខណៈតំបន់​លីង​សួយ​ លី​អា ​ទាក់ទាញ​គ្រូ​ ​និង​និស្សិត​ជាង​ ១ ​ម៉ឺន​នាក់​

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

​តំបន់​សាកល្បងន​វានុវត្តន៍​ការ​អប់រំ​អន្តរជាតិ​ លីងសួយ​ លី​អា ​(​Lingshui ​Li’​an ​International ​Education Innovation Pilot ​Zone​)​ ​នៅ​ខេត្ត​ហៃ​ណាន ​ប្រទេស​ចិន ​បាន​ទាក់ទាញ​លោក​គ្រូ​ ​អ្នក​គ្រូ​ ​និង​និស្សិត​សរុប​ជាង​ ១ ម៉ឺន​នាក់​ ​ខណៈ​តំបន់​នេះ​កំពុង​ពង្រីក​កិច្ច​សហប្រតិបត្តិការ​ជាមួយ​សាកលវិទ្យាល័យ​ល្បី​ៗ​ចំនួន​ ៣០ ​ទាំង​ក្នុង​ ​និង​ក្រៅ​ប្រទេស ​ដើម្បី​គាំទ្រ​ដល់​ការ​អភិវឌ្ឍ​កំពង់ផែ​ពាណិជ្ជកម្ម​សេរី​ហៃ​ណាន​

ឥណ្ឌូណេស៊ី កាត់បន្ថយការនាំចេញឧស្ម័ន ៣១ លានគូបហ្វីត ទៅកាន់សិង្ហបុរី ចំពេលមានភាពតានតឹងផ្នែកនយោបាយ និងផ្សែងអ័ព្ទ

ព្រឹត្តិការណ៍, សេដ្ឋកិច្ច

• 26/10/2026

ឥណ្ឌូណេស៊ីកាត់បន្ថយការនាំចេញឧស្ម័នធម្មជាតិចំនួន ៣១ លានគូបហ្វីតទៅកាន់សិង្ហបុរី ដើម្បីបង្វែរការផ្គត់ផ្គង់ទៅបំពេញលើតម្រូវការអគ្គិសនីក្នុងស្រុកបន្ថែម


ព័ត៌មានផ្សេងៗទៀត

View all