សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្វីត្បិតតែមហាយក្សអាមេរិក និងចិនបច្ចុប្បន្នកំពុងតែមានទំនាក់ទំនងយ៉ាងជូរចត់ដាក់គ្នាទាំងវិស័យយោធា សេដ្ឋកិច្ច និងពាណិជ្ជកម្មដែលបណ្តាលឲ្យក្រុមហ៊ុនអាជីវកម្មជាច្រើនបានជួបប្រទះបញ្ហាឧបសគ្គជាបន្តបន្ទាប់ ជាពិសេសបញ្ហាពន្ធនាំចេញរវាងប្រទេសទាំងពីរ។ ប៉ុន្តែទោះជាបីយ៉ាងណាក្តី Sunfiber អាជីវកម្មខ្នាតធំមួយរបស់ចិន កំពុងតែដំណើរការរបស់ខ្លួនបានយ៉ាងរលូន និងទទួលបានប្រជាប្រិយភាពខ្លាំងបំផុតពីសំណាក់ពលរដ្ឋអាមេរិក ជាពិសេសអ្នករស់នៅក្នុងរដ្ឋ South Carolina ។
មានមូលដ្ឋានស្ថិតនៅក្នុងទីក្រុង Chester County ដែលជាតំបន់មួយកាលពីមុនពោរពេញទៅដោយរោងចក្របែបឧស្សាហកម្មចម្រុះប៉ុន្តែបច្ចុប្បន្នកំពុងមានបញ្ហាប្រឈមមុខទៅនឹងកាកសំណល់ដ៏ច្រើនសន្ធឹកសន្ធាប់។ ទាំងអស់នេះបានក្លាយទៅជាឱកាសមាសសម្រាប់ Sunfiber ក្នុងការពង្រីកខ្លួន។
Sunfiber ដែលបានបង្កើតឡើងតាំងតែពីឆ្នាំ២០១៥ មានជំនាញខាងកែច្នៃកាកសំណល់ប្លាស្ទិកទៅជាវត្ថុធាតុប្រើប្រាស់ឡើងវិញ១០០ភាគរយ និងត្រូវបានគេចាត់ទុកថា ជាកិច្ចការងារប្រកបដោយនិរន្តភាពបំផុតសម្រាប់តំបន់ទាំងមូល។ ប្រតិបត្តិការរបស់ Sunfiber ដំណើរការពេញ២៤ម៉ោងក្នុងមួយថ្ងៃនៅនឹងរោងចក្រទាំងពីរកន្លែងរបស់ខ្លួន ហើយលើសពីនេះវាបានផ្តល់ការងារជូនកម្មករជនជាតិអាមេរិកដល់ទៅ២០០នាក់ និងជនជាតិផ្សេងទៀតប្រមាណ២០នាក់ផងដែរ។
បច្ចុប្បន្នអាជីវកម្មសំខាន់របស់ Sunfiber កំពុងផ្តោតសំខាន់ទៅលើកិច្ចការងារកែច្នៃសំបកប្លាស្ទិកទាំងឡាយទៅជាសរសៃទន់ដែលប្រើប្រាស់យកទៅផលិតចេញជាខ្នើយ សាឡុង ព្រមទាំងកៅអីគ្រប់ប្រភេទ។
លោកស្រី Sun Ya ប្រធានប្រតិបត្តិរបស់ក្រុមហ៊ុនបានថ្លែងថា ៖
“មុនសម្រេចចិត្តដំណើរការអាជីវកម្មនៅទីនេះយើងបានចំណាយពេលសិក្សា និងស្រាវជ្រាវពីមជ្ឈដ្ឋានអាជីវកម្មនៅសហរដ្ឋអាមេរិករហូតដល់២ឆ្នាំ”
លោកស្រីបានបន្តថា ៖
“ការអភិវឌ្ឍប្រកបដោយនិរន្តភាពគឺជាគោលគំនិតដ៏ធំបំផុតមួយសម្រាប់ពិភពលោកនាពេលបច្ចុប្បន្ននេះចាប់រាប់ពីការប្រើប្រាស់ថាមពលស្អាតរហូតទៅដល់ប្រតិបត្តិការនៅក្នុងវិស័យផលិតកម្ម និងឧស្សាហកម្មធំៗធ្វើយ៉ាងណាដើម្បីអាចសន្សំសំចៃថាមពលឲ្យមានប្រសិទ្ធភាពកាន់តែខ្ពស់”
ក្រៅតែពីបានចូលរួមនៅក្នុងកិច្ចការងារកែច្នៃកាកសំណល់ហើយនោះ Sunfiber ក៏បានប្រើប្រាស់លុយចំណេញមួយចំណែកទៅដល់កិច្ចការងារសង្គមផងដែរ ដូចជា ការអប់រំរបស់កុមារតូចៗ ហើយក៏កំពុងទទួលបានការសាទរយ៉ាងខ្លាំងពីសំណាក់អាជ្ញាធរក្នុងតំបន់៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សហគ្រិនខ្មែរ និង Seedstars បើកដំណើរការ “កម្មវិធីពន្លឿនធុរកិច្ចខ្មែរ” ដើម្បីជំរុញប្រព័ន្ធអេកូឡូស៊ីសហគ្រិនភាពក្នុងស្រុក
Coca Cola គ្រោងងាកទៅបង្កើនការលក់ភេសជ្ជៈដោយប្រើដបប្លាស្ទិកឡើងវិញទោះស្ថិតក្នុងបញ្ជីក្រុមហ៊ុនបំពុលបរិស្ថានជាងគេក៏ដោយ
Account
Security
Favourite Content