សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិបត្តិកូវីដ-១៩ ដែលបានអូសបន្លាយអស់រយៈពេលជិតពីរឆ្នាំកន្លងមកនេះបានធ្វើឱ្យប្រជាពលរដ្ឋ និងក្រុមហ៊ុន សហគ្រាសមួយចំនួនមានចំណូលធ្លាក់ចុះ ប៉ុន្តែដើម្បីជួយសម្រាលបន្ទុករបស់ប្រជាពលរដ្ឋ និងក្រុមហ៊ុន សហគ្រាស និងគ្រប់គ្រងសម្ពាធមកលើឥណទានមិនដំណើរការ ធនាគារជាតិនៃកម្ពុជាបានអនុញ្ញាតឱ្យគ្រឹះស្ថានធនាគារ និងហរិញ្ញវត្ថុរៀបចំឥណទានឡើងវិញលើគ្រប់វិស័យ។
ជាក់ស្តែង ការរៀបចំឥណទានឡើងវិញលើគ្រប់វិស័យមានចំនួនសរុប ៣៧០ ៧៨៥ គណនី (ជាង ៣៧ ម៉ឺនគណនី) ស្មើនឹង ៥,៥ ពាន់លានដុល្លារអាមេរិកក្នុងឆ្នាំ២០២១។ នេះបើយោងតាមរបាយការណ៍ស្តីពីវឌ្ឍនភាពម៉ាក្រូសេដ្ឋកិច្ច និងវិស័យធនាគារឆ្នាំ២០២១ និងទស្សនវិស័យឆ្នាំ២០២២ របស់ធនាគារជាតិនៃកម្ពុជា។
ប្រឈមនឹងវិបត្តិកូវីដ-១៩ ដែលបានអូសបន្លាយអស់រយៈពេលជិត២ឆ្នាំកន្លងមកនេះ ប្រព័ន្ធធនាគារបានបន្តដើរតួនាទីយ៉ាងសំខាន់ក្នុងការគាំទ្រសកម្មភាពសេដ្ឋកិច្ច ជាពិសេសវិស័យដែលរងផលប៉ះពាល់។
ធនាគារជាតិនៃកម្ពុជាបានបន្តរក្សាការបន្ធូរបន្ថយបទប្បញ្ញត្តិ និងផ្ដល់លទ្ធភាពឱ្យគ្រឹះស្ថានធនាគារ និងហិរញ្ញវត្ថុមានសាច់ប្រាក់ក្នុងដៃគ្រប់គ្រាន់ សម្រាប់រក្សានិរន្តរភាពនៃការផ្តល់ហិរញ្ញប្បទានដល់សេដ្ឋកិច្ច។ ជាមួយគ្នានេះ ការបែងចែកប្រាក់ចំណេញរបស់គ្រឹះស្ថានធនាគារ និងហិរញ្ញវត្ថុត្រូវបានផ្អាកជាបណ្ដោះអាសន្ន ដើម្បីលើកទឹកចិត្តឱ្យបង្កើនការវិនិយោគបន្ថែមក្នុងប្រព័ន្ធធនាគារ សំដៅពង្រឹងដើមទុនឱ្យកាន់តែរឹងមាំ។
របាយការណ៍បានបញ្ជាក់ដូច្នេះថា កំណើនឥណទានបានបន្តកើនឡើង ២១,២% (១៨៦,៤ ទ្រីលានរៀល ស្មើនឹង ៤៥,៧ ពាន់លានដុល្លារអាមេរិក) ដែលត្រូវបានបែងចែកទៅគ្រប់វិស័យ។ ម្យ៉ាងទៀត ដើម្បីជួយសម្រាលបន្ទុករបស់ប្រជាពលរដ្ឋ និងក្រុមហ៊ុន-សហគ្រាស ដែលមានចំណូលធ្លាក់ចុះ និងគ្រប់គ្រងសម្ពាធមកលើឥណទានមិនដំណើរការ គ្រឹះស្ថានធនាគារ និងហិរញ្ញវត្ថុត្រូវបានអនុញ្ញាតឱ្យបន្តរៀបចំឥណទានឡើងវិញលើគ្រប់វិស័យ ដែលសរុបមានចំនួន ៣៧០.៧៨៥ គណនី ស្មើនឹង ២២,៤ ទីលានរៀល (៥,៥ ពាន់លានដុល្លារអាមេរិក)។
គួររំលេចថា ជំនឿទុកចិត្តមកលើប្រព័ន្ធធនាគារបន្តមានភាពរឹងមាំ ដែលឆ្លុះបញ្ចាំងតាមរយៈកំណើនប្រាក់បញ្ញើអតិថិជនដែលមានអត្រា ១៥,៤% (១៥៧,១ ទីលានរៀល ស្មើនឹងប្រមាណ ៣៨,៥ ពាន់លានដុល្លារអាមេរិក)។ បរិយាបន្នហិរញ្ញវត្ថុបានកើនឡើង ដោយចំនួនគណនីប្រាក់បញ្ញើអតិថិជនកើនដល់ ១២,១ លានគណនី (កើន ៤០,៧%) និងគណនីឥណទានអតិថិជនកើនដល់ ៣៣ លានគណនី (កើន ៥,១%)៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
សមាគមហិរញ្ញវត្ថុ ២ បង្ហាញការប្តេជ្ញាចិត្តការពារអតិថិជន និងដោះស្រាយបណ្តឹងដោយតម្លាភាព
Account
Security
Favourite Content