សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័រ បានរាយការណ៍ថា ប្រាក់ដុល្លារអាមេរិកអាចនឹងធ្លាក់ចុះដល់ទៅ ១៥ ភាគរយធៀបទៅនឹងរូបិយប័ណ្ណពិភពលោកសំខាន់ៗក្នុងរយៈពេល ១៨ ខែខាងមុខទៀត ដោយសារអតិផរណានៅតែបន្តកើនឡើង និងការដំឡើងការប្រាក់របស់ធនាគារកណ្តាល។
កាលពីថ្ងៃអង្គារកន្លងទៅនេះ នាយកប្រតិបត្តិ Eurizon SLJ Capital Limited លោក Stephen Jen បានសរសេរនៅក្នុងការសិក្សាស្រាវជ្រាវមួយថា ធនាគារកណ្តាលរបស់សហរដ្ឋអាមេរិកនៅតែមានភាពស្រពិចស្រពិលពីគោលនយោបាយរូបិយប័ណ្ណវត្ថុ ដែលមានន័យថា ការកាត់បន្ថយអត្រាការប្រាក់ គឺស្ថិតនៅក្នុងការពិចារណានៅឡើយ។ ការដំឡើងការប្រាក់ប្រាំបួនលើករបស់ធនាគារកណ្តាលអាមេរិក Fed កាន់តែបង្កភាពតឹងតែងដែលបណ្តាលមកពីវិបត្តិធនាគារ។
មិនត្រឹមតែប៉ុណ្ណោះ លោក Jen ក៏បានលើកឡើងផងដែរថា គួបផ្សំជាមួយនឹងការរឹតបន្តឹង Fed ជាច្រើនដងរួចទៅហើយ ហានិភ័យចំពោះអតិផរណានៅក្នុងសហរដ្ឋអាមេរិក និងពិភពលោកគឺងាយនឹងធ្លាក់ចុះ។ ស្របពេលនេះដែរ លោក Jen ក៏រំពឹងថា អតិផរណារបស់សហរដ្ឋអាមេរិកនឹងបន្តធ្លាក់ចុះក្នុងល្បឿន ដូចគ្នានៅពេលដែលវាបានកើនឡើងនៅឆ្នាំ ២០២១ និង ២០២២ ប៉ុន្តែមានសង្ឃឹមតិចតួចណាស់ ការដែលអតិផរណានឹងធ្លាក់ចុះ បើទោះបីជាការធ្លាក់ចុះតម្លៃរស់នៅ និងកម្រិតប្រាក់ឈ្នួលក៏ដោយ។
យ៉ាងណាមិញ កម្រិតសកម្មភាពសេដ្ឋកិច្ច ដែលធ្លាក់ចុះរួចហើយ នៅក្នុងផ្នែកសំខាន់ៗរបស់ពិភពលោកនឹងអាចរារាំងតម្រូវការសកលពីការដួលរលំ ដោយសាររូបិយប័ណ្ណអាមេរិកកំពុងធ្លាក់ចុះយ៉ាងខ្លាំង។ បច្ចុប្បន្ននេះ បើធៀបជាមួយនឹងរូបិយប័ណ្ណគូប្រជែងដែលខ្លាំងៗ សន្ទស្សន៍ប្រាក់ដុល្លារអាមេរិកបានធ្លាក់ចុះ ២,៤៦ ភាគរយក្នុងរយៈពេល ៤ សប្តាហ៍ចុងក្រោយនេះ បន្ទាប់ពីធ្លាប់ការកើនឡើង ៧,៩ ភាគរយកាលពីឆ្នាំ ២០២២ កន្លងទៅនេះ។ ដូច្នោះហើយ លោក Jen បានវិភាគឃើញថា ក្នុងរយៈពេលប្រហែល ១៨ ខែបន្ទាប់ទៀត ប្រាក់ដុល្លារអាចនឹងធ្លាក់ចុះចន្លោះ ១០ ទៅ ១៥ ភាគរយ។
ស្របពេលនេះដែរ ការវិវឌ្ឍជាសកលនាពេលថ្មីៗនេះបង្ហាញថា ប្រទេសជាច្រើនកំពុងព្យាយាមចៀសឆ្ងាយពីការពឹងផ្អែកលើប្រាក់ដុល្លារ ដែលនេះអាចជាការបន្ថែមភាពតានតឹងលើប្រាក់ដុល្លារ ដែលរូបិយប័ណ្ណមួយនេះបានធ្លាក់ចុះ ១០ ភាគរយរចហើយ កាលពីខែកញ្ញាកន្លងទៅនេះ។ ប្រទេស BRICS កំពុងព្យាយាមចៀសឆ្ងាយពីប្រាក់ដុល្លារអាមេរិក ហើយបង្កើតរូបិយប័ណ្ណរបស់ពួកគេ ដើម្បីទូទាត់ការជួញដូរ។ ប្រទេសចិន និងបារាំងបានទូទាត់ពាណិជ្ជកម្មហ្គាស LNG លើកដំបូងដោយប្រើប្រាក់យន់របស់ចិន ដោយបញ្ឈប់ការពឹងផ្អែកលើប្រាក់ដុល្លារសម្រាប់ការទូទាត់ថាមពល។
ថ្មីៗនេះដែរ រុស្ស៊ី និងឥណ្ឌាបានបោះបង់ចោលតម្លៃប្រេងដែលគ្រប់គ្រងដោយអឺរ៉ុប ហើយយល់ព្រមប្រើប្រាស់តម្លៃប្រេងនៅឌូបៃជំនួសវិញ។ លើសពិនេះ ប្រាក់យន់របស់ចិនក៏បានជំនួសប្រាក់ដុល្លារអាមេរិកជារូបិយប័ណ្ណ ដែលជួញដូរច្រើនបំផុតនៅក្នុងប្រទេសរុស្ស៊ី ចំណែកឯចិន និងម៉ាឡេស៊ី កំពុងពិចារណាបង្កើតមូលនិធិរូបិយវត្ថុអាស៊ី ដើម្បីកាត់បន្ថយឥទ្ធិពលប្រាក់ដុល្លារអាមេរិកហូរចូលក្នុងតំបន់៕
Account
Security
Favourite Content