សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលប្រមាណ១០ឆ្នាំទៅមុខទៀត កម្ពុជាត្រូវការអភិវឌ្ឍន៍គម្រោងប្រមាណជាង១៧០គម្រោង និងត្រូវការថវិកាប្រមាណ៤០ពាន់លានដុល្លារអាមេរិក ។ នេះបើតាមឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ក្រុមប្រឹក្សាអភិវឌ្ឍន៍កម្ពុជាថ្លែងនៅក្នុងសន្និសីទសារព័ត៌មានមួយកាលពីពេលថ្មីៗនេះ ។
ឯកឧត្តម ឧបនាយករដ្ឋមន្ត្រី បានបន្តថា ក្នុងរយៈពេល១០ឆ្នាំនេះ កម្ពុជាត្រូវរកថវិកាឱ្យបាន៤០ពាន់លានដុល្លារអាមេរិកសម្រាប់អនុវត្តន៍គម្រោងចំនួន១៧៤គម្រោងដែលស្ថិតនៅក្នុងផែនការមេ ហើយថវិកាទាំងនោះគឺត្រូវស្វែងរកពីដៃគូវិនិយោគឯកជន និងដៃគូវិនិយោគជាលក្ខណ BOT ជាដើម ។
ឯកឧត្តមបន្តថា គម្រោងទាំងនោះ ក៏នឹងផ្ដល់អត្ថប្រយោជន៍ជាច្រើនដល់ប្រទេសកម្ពុជា ដោយក្នុងនោះនឹងជួយជំរុញកំណើនសេដ្ឋកិច្ចរបស់ប្រទេស ជួយបង្កើតឱកាសការងារដល់ប្រជាពលរដ្ឋ និងផ្ដល់ប្រាក់ចំណូលដល់ពលរដ្ឋសម្រាប់ទ្រទ្រង់ជីវភាពផងដែរ ។
ឯកឧត្តម ឧបនាយករដ្ឋមន្ត្រីបានបន្តទៀថា គម្រោងសំខាន់ដែលជាផែនការមេរបស់រាជរដ្ឋាភិបាលតាំងពីអាណត្តិចាស់មកនោះ ជាគម្រោងអភិវឌ្ឍន៍ហេដ្ឋារចនាសម្ព័ន្ធ គម្រោងកំពង់ផែទឹកជ្រៅ មជ្ឈមណ្ឌលភស្តុភារកម្មនានា ក្នុងនោះដែរ ក៏មានគម្រោងមួយចំនួនបានចាប់ផ្ដើមអនុវត្តន៍ជាបណ្ដើរៗហើយ ដែលជាថវិកាពីដៃគូអភិវឌ្ឍន៍ និងពីក្រុមហ៊ុនវិនិយោគឯកជនមួយចំនួន ។
ឯកឧត្តម ឧបនាយករដ្ឋមន្ត្រី ស៊ុន ចាន់ថុល បានបន្ថែមថា រាល់គម្រោងវិនិយោគដែលស្ថិតនៅក្នុងផែនការមេ នឹងអាចទាក់ទាញការវិនិយោគបន្ថែមពីវិនិយោគិនបរទេស ដើម្បីសម្រួលដល់ការវិនិយោគរបស់វិនិយោគិនបរទេស និងក្នុងស្រុកទៅតាមវិស័យនានា ហើយកម្ពុជាក៏ប្រកាសស្វាគមន៍ការវិនិយោគនានាពីគ្រប់ទិសទីដោយមិនប្រកាន់មកពីប្រទេសណានោះឡើយ ។
ក្នុងឆ្នាំ២០២៤នេះ មានគម្រោងធំៗមួយចំនួន បាន និងកំពុងដំណើរការដោយប្រើប្រាស់ខ្ទង់ចំណាយរាប់រយលានដុល្លារអាមេរិកទៅហើយ ហើយគម្រោងទាំងនោះនឹងហុចផលដល់សេដ្ឋកិច្ចជាតិយ៉ាងខ្លាំងនៅពេលសាងសង់រួចរាល់ជាស្ថាពរក្នុងនោះមានកំពង់ផែទឹកជ្រៅ និងមជ្ឈមណ្ឌលភស្តុភារកម្មខេត្តកំពត គម្រោងចំណតផែក្នុងក្រុងព្រះសីហនុ និង គម្រោងផ្លូវល្បឿនលឿនភ្នំពេញ-បាវិត ជាដើម ៕
Account
Security
Favourite Content