សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ក្នុងឱកាសទទួលជួបពិភាក្សាការងារជាមួយវិនិយោគិនកូរ៉េ ដើម្បីស្វែងយល់ពីបរិយាកាស និងកាលានុវត្តភាពធុរកិច្ចនៅកម្ពុជា ឯកឧត្តមបានលើកទឹកចិត្តឱ្យវិនិយោគិនកូរ៉េ មកវិនិយោគនៅកម្ពុជា ស្របតាមយុទ្ធសាស្រ្តស្តារសេដ្ឋកិច្ចឡើងវិញរបស់រាជរដ្ឋាភិបាលកម្ពុជា និងវិធានការមុតស្រួចនានា ដែលបានដាក់ចេញ ។
ឯកឧត្តមរដ្ឋមន្ត្រី បានស្វាគមន៍ ដល់វិនិយោគិនកូរ៉េ ដែលមានចំណាប់អារម្មណ៍ចង់វិនិយោគ និងធ្វើធុរកិច្ចនៅកម្ពុជា។ ដោយ ឯកឧត្តម បានជម្រាបជូនអំពីសក្ដានុពលរបស់កម្ពុជា ដែលបានដាក់ចេញនូវយុទ្ធសាស្រ្តយ៉ាងច្បាស់លាស់ និងយកចិត្តទុកដាក់ខ្ពស់ក្នុងការធ្វើឱ្យប្រសើរឡើងនូវបរិយាកាសធុរកិច្ច និងវិនិយោគ តាមរយៈការដាក់ចេញនូវច្បាប់ និងបទប្បញ្ញត្តិនានា ជាដើម។
ជាមួយគ្នានេះដែរយើងមាន ច្បាប់ស្តីពីកិច្ចប្រកួតប្រជែង ច្បាប់ស្តីពីវិនិយោគ ច្បាប់ស្តីពីភាពជាដៃគូរវាងរដ្ឋនិងឯកជន ព្រមទាំងការសម្រេចបាននូវកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េ និងកិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយតំបន់ អាសិប(RCEP) ជាដើម។
ឯកឧត្តម ប៉ាន សូរស័ក្តិ បានមានប្រសាសន៍ថា៖
“តាមរយៈវិធានការមុតស្រួចនានាដែលបានដាក់ចេញ ជាពិសេសយុទ្ធសាស្រ្តស្តារសេដ្ឋកិច្ចឡើងវិញរបស់រាជរដ្ឋាភិបាលកម្ពុជា សេដ្ឋកិច្ចកម្ពុជាត្រូវបានរំពឹងថានឹងងើបឡើងវិញជាមួយនឹងកំណើន៥,៦% ក្នុងឆ្នាំ២០២២ និង៦,៦% ក្នុងឆ្នាំ២០២៣ មុននឹងឈានទៅដល់ ៧% ត្រឹមឆ្នាំ២០២៤ ដែលនេះជាដំណឹងដ៏ល្អសម្រាប់វិស័យធុរកិច្ច”
តំណាងក្រុមហ៊ុន Techcross Water & Energy របស់កូរ៉េ ក៏បានធ្វើបទបង្ហាញអំពីប្រវត្តិក្រុមហ៊ុន ចក្ខុវិស័យរបស់ក្រុមហ៊ុន និងគោលបំណងស្វែងរកកាលានុវត្តភាពធុរកិច្ចនៅកម្ពុជា ដោយផ្តោតសំខាន់លើបរិស្ថាន ដូចជាប្រព័ន្ធផ្គត់ផ្គង់ទឹកស្អាត ប្រព័ន្ធប្រព្រឹត្តកម្មទឹកកខ្វក់ ថាមពលកែច្នៃឡើងវិញ ជាដើម។ ដោយសង្កេតឃើញ កម្ពុជា មានសក្តានុពលនិងការរីកចម្រើនឥតឈប់ឈរ ក្រុមហ៊ុនចង់យកបទពិសោធន៍ជោគជ័យកន្លងមក មករួមចំណែកអនុវត្តនៅកម្ពុជា ដើម្បីប្រែក្លាយទីក្រុងភ្នំពេញឱ្យក្លាយជាទីក្រុងបៃតង ដូចទីក្រុងសេអ៊ូល។
ឯកឧត្តមរដ្ឋមន្ត្រី ក៏បានសម្តែងការគាំទ្រលើគម្រោងធុរកិច្ចទាំងនេះ ដែលនឹងរួមចំណែកជួយធ្វើឱ្យប្រសើរឡើងនូវបរិស្ថាននៅក្នុងទីក្រុងភ្នំពេញ និងបានណែនាំក្រុមហ៊ុនឱ្យធ្វើការជាមួយដៃគូក្នុងស្រុក និងអាជ្ញាធរពាក់ព័ន្ធ ដើម្បីឱ្យគម្រោងទទួលបានជោគជ័យ។
លោកឧកញ៉ាលឹម ហេង អនុប្រធានសភាពាណិជ្ជកម្ម បានប្រាប់AMSថាសភាពាណិជ្ជកម្ម ក៏បានលើកទឹកចិត្តឱ្យវិនិយោគិនកូរ៉េ ជាពិសេសក្រុមហ៊ុនកូរ៉េធំៗ មកវិនិយោគនៅកម្ពុជាឱ្យកាន់តែច្រើនផងដែរ ព្រោះថាទាក់ទិន និងបញ្ហាវិនិយោគ សភាពាណិជ្ជកម្មកម្ពុជា និងជួយសម្រួលដោះស្រាយ បញ្ហាការលំបាករបស់វិនិយោគិនទាំងនោះ ដែលមកវិនិយោគនៅកម្ពុជា។
លោកឧកញ៉ា លឹម ហេង បានមានប្រសាសន៍ថា៖
“កម្ពុជាត្រៀមខ្លួនជានិច្ចជាមួយកិច្ចការនេះរួមមានការរកដៃគូសហការ ទីតាំងពាក់ព័ន្ធ និងផ្លូវច្បាប់ជាដើម សម្រាប់ការវិនិយោគនៅកម្ពុជា”
លោកឧកញ៉ា បានបញ្ជាក់ថាការមកដល់របស់វិនិយោគិនជារឿងសមស្រប ព្រោះយើងមានកិច្ចព្រមព្រៀងជាមួយប្រទេសកូរ៉េរួចជាស្រេច។កូរ៉េក៏មានក្រុមហ៊ុនវិនិយោគខ្លះរួចជាស្រេចវិនិយោគនៅកម្ពុជា ហើយមិនត្រឹមតែអ្នកវិនិយោគកូរ៉េទេគឺមានទាំង ចិន ជប៉ុននិងប្រទេសសតំបន់អាស៊ានដែលមកធ្វើការ វិនិយោគនៅកម្ពុជា។ យើងសូមស្វាគមន៍ព្រោះជារឿងល្អប្រសើរសម្រាប់ការវិនិយោគ
លោកឧកញ៉ាលឹម ហេង បានបញ្ជាក់បន្ថែមថាយើងតែងអំពាវនាវព្រោះយុទ្ធសាស្ត្រជាចន្ទល់សេដ្ឋកិច្ចរបស់រាជរដ្ឋាភិបាលដែលបានដាក់ចេញគឺកសិម្មជាចម្បង ដែលយើងកំពុងត្រូវការនោះគឺបច្ចកទេសកសិកម្មឧស្សហកម្មកែច្នៃផលិតផលកសិកម្មឱ្យទៅតាមស្តង់ដារដីជីថល និងការកែច្នៃផលិតផលកសិកម្មស្តង់ដារភូតគាមអនាម័យ សុវត្ថភាពម្ហូបអាហារ ដែលបានអនុម័តនៅគណៈរដ្ឋមន្ត្រីនាពេលថ្មីៗនេះ ក៏ពាក់ព័ន្ធការវិនិយោគ នៅកម្ពុជាផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content