តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ភ្នំពេញ ៖ តំណាងធនាគារ គ្រឹះស្ថានមីក្រូហិរញ្ញវត្ថុ ប្រមាណ ១៥០ស្ថាប័ន និងម្ចាស់អាជីវកម្មធុន មីក្រូ តូច និងមធ្យម(MSMEs) ​​ប្រមាណ១៥០ក្រុមហ៊ុន នឹងអញ្ជើញចូលរួមនៅក្នុងកម្មវិធី «វិថីហិរញ្ញវត្ថុ រដូវកាលទី២ » ដែលជាព្រឹត្តិការណ៍ដ៏សំខាន់ និងធំមួយ ក្នុងការចែករំលែកចំណេះដឹង ការអប់រំ និងព័ត៌មានអំពីចំណេះដឹងផ្នែកហិរញ្ញវត្ថុទៅជូនសាធារណជន។កម្មវិធី «វិថីហិរញ្ញវត្ថុរដូវកាលទី២» នេះបានកើតឡើងក្រោយពីកម្មវិធី «វិថី ហិរញ្ញវត្ថុរដូវកាលទី១»ទទួលបានជោគជ័យដ៏ធំធេង និងទទួលបានការគាំទ្រយ៉ាងច្រើនសន្ធឹកសន្ធាប់។

ពិធីសម្ពោធកម្មវិធី «វិថីហិរញ្ញវត្ថុ រដូវកាលទី២ »នឹងប្រព្រឹត្តទៅនៅថ្ងៃព្រហស្បតិ៍ ទី២០ ខែមិថុនា ឆ្នាំ ២០២៤ ចាប់ពីម៉ោង ០៨:០០ ព្រឹក ដល់ម៉ោង ១២:០០ ថ្ងៃត្រង់ នៅអគារ The Kampus ដែលមានអាសយដ្ឋានស្ថិតនៅបណ្តោយមហាវិថីព្រះមុនីវង្ស (៩៣) សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

កម្មវិធី វិថីហិរញ្ញវត្ថុ ឬ Financial Street ជាកម្មវិធីនិយាយអំពីការគ្រប់គ្រងលុយ, ការរៀបចំខ្លួនដើម្បីទទួលកម្ចីពីធនាគារដោយជោគជ័យ, ការគ្រប់គ្រងកម្ចី និងប្រើប្រាស់អោយចំគោលដៅ និងចែករំលែកចំណេះដឹងផ្នែកហិរញ្ញវត្ថុ ដើម្បីទទួលបានសុខុមាលភាពហិរញ្ញវត្ថុ។

គួរជម្រាបថា៖ ដោយមានការគាំទ្រពីធនាគារជាតិនៃកម្ពុជា ក្រុមហ៊ុនអប្សរា មេឌា សឺវីស (AMS) បានសហការជាមួយសមាគមមីក្រូហិរញ្ញវត្ថុកម្ពុជា (CMA) សមាគមធនាគារនៅកម្ពុជា (ABC) និងក្រុមហ៊ុន ក្រេឌីត យូរ៉ូ ខេមបូឌា ខូអិលធីឌី (CBC) រៀបចំផលិត​កម្ម​វិធីមួយឈ្មោះថា «វិថីហិរញ្ញវត្ថុរដូវកាលទី២» ក្នុងគោលបំណងជំរុញការផ្សព្វផ្សាយពីអក្ខរកម្មផ្នែកហិរញ្ញវត្ថុទៅកាន់សាធារណជ​ន​ឱ្យកាន់តែទូលំទូលាយ ។ កម្មវិធីនេះត្រូវបានរៀបចំឡើងដើម្បីចូលរួមចំណែកផ្សព្វផ្សាយពីផែនការសកម្មភាពនៃផែនការយុទ្ធសាស្ត្រជាតិ ស្តីពីបរិយាបន្នហិរញ្ញវត្ថុ ឆ្នាំ២០១៩-២០២៥ ដែលបានដាក់ចេញដោយធនាគារជាតិនៃកម្ពុជា។

កម្មវិធី «វិថីហិរញ្ញវត្ថុ រដូវកាលទី២ »ផ្តោតលើប្រធានបទសំខាន់ៗដែលទាក់ទងនឹងការប្រើប្រាស់លុយ សារៈសំខាន់របស់គ្រឹះស្ថានធនាគារ និងហិរញ្ញវត្ថុ ចំណេះដឹងផ្នែកឥណទាន ការសន្សំ និងបច្ចេកវិទ្យាហិរញ្ញវត្ថុជាដើម។

ជាផ្នែកដ៏សំខាន់ និងមានសារៈប្រយោជន៍ កម្មវិធីពិភាក្សាពីវិថីហិរញ្ញវត្ថុ (Financial Street Digital Talk Show) នឹងត្រូវបានរៀបចំឡើងក្នុងគោលបំណងដើម្បីនាំយកការអប់រំផ្នែកហិរញ្ញវត្ថុដល់ប្រជាជនកម្ពុជា។ បេសកកម្មរបស់កម្មវិធីនេះគឺផ្តល់សិទ្ធិអំណា​ច និងចំណេះដឹងមូលដ្ឋាន សម្រួលដល់ការសម្រេចចិត្តដល់បុគ្គល គ្រួសារ ម្ចាស់អាជីវកម្ម សហគ្រាសធុនតូច និងមធ្យម និងនិស្សិតសាកលវិទ្យាល័យ ជាមួយនឹងឧបករណ៍ហិរញ្ញវត្ថុ ដែលពួកគេត្រូវការដើម្បីត្រៀមខ្លួន និងមានលទ្ធភាពពង្រឹងសុវត្ថិភាពហិរញ្ញវត្ថុ ការគ្រប់គ្រងថវិកានិងធ្វើការសម្រេចចិត្តផ្នែកហិរញ្ញវត្ថុប្រកបដោយភាពឆ្លាតវៃនៅពេលប្រើប្រាស់សេវាកម្ម និងផលិតផលហិរញ្ញវត្ថុ។ វិថីហិរញ្ញវត្ថុក៏ស្របតាមយុទ្ធសាស្ត្របរិយាបន្នហិរញ្ញវត្ថុជាតិឆ្នាំ ២០១៩-២០២៥ ដែលបង្ហាញពីសកម្មភាពអាទិភាព និងផែនការសកម្មភាព ដើម្បីបង្កើនលទ្ធភាពទទួលបាន និងប្រើប្រាស់សេវាកម្មហិរញ្ញវត្ថុផ្លូវការដែលមានគុណភាព និងទំនួលខុសត្រូវ។

ការចាប់ផ្តើមនៃវិថីហិរញ្ញវត្ថុបម្រើនូវគោលបំណងចម្បងចំនួន ៣ ដូចជា៖ ជំរុញកិច្ចសហការ ជំរុញការផ្តល់សក្ខីកម្ម ក្នុងជីវិតពិត និងការលើកកម្ពស់ចំណេះដឹងផ្នែកហិរញ្ញវត្ថុ។

គួរកត់សម្គាល់ថា ៖ វិថីហិរញ្ញវត្ថុ ជានិមិត្តរូបនៃកិច្ចសហប្រតិបត្តិការរវាងស្ថាប័នលេចធ្លោក្នុងវិស័យហិរញ្ញវត្ថុរបស់កម្ពុជា រួមមាន សមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) ក្រុមហ៊ុនការិយាល័យឥណទានកម្ពុជា (CBC) និងបណ្តាញផ្សព្វផ្សាយអប្សរា (AMS) ដោយមានការទទួលស្គាល់ពីធនាគារជាតិនៃកម្ពុជា (NBC)។ កិច្ចខិតខំប្រឹងប្រែង រួមគ្នានេះបញ្ជាក់ពីការប្តេជ្ញាចិត្តរួមគ្នាក្នុងការជំរុញទិដ្ឋភាពហិរញ្ញវត្ថុ និងការជំរុញកំណើនសេដ្ឋកិច្ច។

កម្មវិធីវិថីហិរញ្ញវត្ថុ នឹងបង្ហាញខ្លួនក្នុងនាមជាវេទិកាជជែកពិភាក្សាឈានមុខគេ ពិសេសគឺពិភាក្សាជាមួយ ប្រជាជន និងអ្នកមានបទពិសោធន៍ពិតក្នុងការចែករំលែកបទពិសោធន៍និងសក្ខីកម្មរបស់ពួកគេ ទាក់ទងនឹងឥទ្ធិពលនៃស្ថាប័នហិរញ្ញវត្ថុលើភាពជោគជ័យអាជីវកម្មរបស់ពួកគេ និងវិបុលភាពសេដ្ឋកិច្ចទាំងមូល។ តាមរយៈការបំពងសំឡេងដល់ ប្រជាពលរដ្ឋនេះ វិថីហិរញ្ញវត្ថុមានគោលបំណងបំផុសគំនិត និងអប់រំទស្សនិកជនអំពីអត្ថប្រយោជន៍ជាក់ស្តែងនៃការទទួលបានសេវាហិរញ្ញវត្ថុ។

ជាពិសេសជាងនេះទៅទៀត កម្មវិធីវិថីហិរញ្ញវត្ថុនឹងបម្រើជាវេទិកាសាធារណៈដើម្បីប្រកាសពីការចាប់ផ្តើមនៃកម្មវិធីជជែក ពិភាក្សាឌីជីថល ដែលផ្តោតលើប្រធានបទសំខាន់ៗដូចជា ការគ្រប់គ្រងប្រាក់ និងការគ្រប់គ្រងបំណុល។ គំនិតផ្តួចផ្តើម នេះគូសបញ្ជាក់ពីសារៈសំខាន់នៃចំណេះដឹងផ្នែកហិរញ្ញវត្ថុក្នុងការផ្តល់អំណាចដល់បុគ្គលក្នុងការសម្រេចចិត្តប្រកបដោយ ការយល់ដឹង និងធានាបាននូវអនាគតហិរញ្ញវត្ថុរបស់ពួកគេ។

សូមបញ្ជាក់ថា ពិធីសម្ពោធកម្មវិធី «វិថីហិរញ្ញវត្ថុ រដូវកាលទី២» នេះ អ្នកស្រី នុត រត្ថា នាយិកាប្រតិបត្តិនៃក្រុមហ៊ុន អប្សរា មេឌា សឺវីស(AMS)នឹងថ្លែងសុន្ទរកថាស្វាគមន៍ជូនអង្គពិធីទាំងមូល ជាមួយនឹងវត្តមាន លោកស្រី ម៉ក់ រស្ម៉ី ប្រធាននាយកដ្ឋានគោលនយោបាយបទប្បញ្ញាត្តិ និងវាយតម្លៃហានិភ័យនៃអគ្គនាយកដ្ឋានត្រួតពិនិត្យ នៃធនាគារជាតិកម្ពុជា តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា (NBC), លោក រ័ត្ន សោភ័ណ ប្រធានសមាគមធនាគារនៅកម្ពុជា (ABC),លោកជំទាវ ឌិត នីតា ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា (CMA), លោក អឿ សុធារ័ត្ន ប្រធាននាយកប្រតិបត្តិនៃក្រុមហ៊ុន ក្រេឌីត ប្បរ៉ូ (ខេមបូឌា) ខូអិលធីឌី (CBC)។

ក្នុងពិធីដ៏អធិកអធមនោះ ក៏នឹងមានបង្ហាញវីដេអូសង្ខេបស្តីពី៖ ការវាយតម្លៃលើកម្មវិធី «វិថីហិរញ្ញវត្ថុ រដូវកាលទី១»,ការបង្ហាញវីដេអូសង្ខេបស្តីពី៖ ទស្សនៈអំពីកម្មវិធី «វិថីហិរញ្ញវត្ថុរដូវកាលទី២»។ កាន់តែពិសេសទៅទៀតនោះ លោកស្រី ម៉ក់ រស្ម៉ី ប្រធាននាយកដ្ឋានគោលនយោបាយបទប្បញ្ញាត្តិ និងវាយតម្លៃហានិភ័យនៃអគ្គនាយកដ្ឋានត្រួតពិនិត្យ នៃធនាគារជាតិកម្ពុជា នឹងថ្លែង​សុន្ទរកថាគន្លឹះបើកជាផ្លូវការកម្មវិធី និងអបអរសាទរ។

បន្ទាប់ពីការប្រកាសបើកសម្ពោធជាផ្លូវការ នឹងមានកិច្ចពិភាក្សាមួយផ្តោតទៅលើអាជីវកម្មបរិយាបន្ន «គន្លឹះគ្រប់គ្រងហិរញ្ញវត្ថុរបស់ MSMEs ក្នុងកំឡុងពេលមានវិបត្តិសេដ្ឋកិច្ចសកល»ដោយវាគ្មិនអញ្ជើញមកពីធនាគារ Maybank Cambodia ,ធនាគារសហគ្រាសធុនតូច និងមធ្យម កម្ពុជា ម.ក (SME Bank), សមាគមសហគ្រិនវ័យក្មេងកម្ពុជា (YEAC)និងក្រុមហ៊ុនក្រេឌីត ហ្សូរ៉ូ ខេមបូឌា ខូអិលធីឌី (CBC)៕

ដើម្បីចូលរួមក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២ សូមភ្ជាប់តាមតំណនេះ ៖https://docs.google.com/forms/d/e/1FAIpQLSc5tHjS8tn2guGxVbOGTFqyDk3BevmCEUCy7L6LTAk0zZdheA/viewform


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល