ផ្ដើមចេញពីជំនាញផ្នែករចនាក្រាហ្វិក មកច្នៃម៉ូដសម្លៀកបំពាក់ថ្មី ប្លែក គួរឱ្យកោតសរសើរ

ភ្នំពេញ ៖ និយាយតែម៉ូតសម្លៀកបំពាក់ដែលកំពុងចរាចរណ៍នៅលើទីផ្សារនាពេលបច្ចុប្បន្ននេះគឺមានច្រើនជម្រើស ទាំងប្រភេទសម្លៀកបំពាក់ដែលមានម៉ាកសញ្ញាល្បីៗនំាំចូលពីបរទេស ក៏ដូចជាម៉ូតដែលត្រូវបានច្នៃឡើងនៅក្នុងស្រុក ខណៈដែលតម្លៃក៏មានភាពខុសគ្នាផងដែរ ដែលវាអស្រ័យទៅតាមម៉ាកសញ្ញា ម៉ូដ និងប្រភេទសាច់ក្រណាត់។ ដោយឡែក ដើម្បីជាការចូលតរួមអបអរសាទរនៅក្នុងពិធីបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខនេះ សិប្បកម្មកាត់ដេរខ្នាតតូចក្នុងស្រុកមួយបានរចនា និងច្នៃចេញជាម៉ូតអាវដ៏ស្រស់ស្អាត ដែលមានបង្កប់នូវអត្ថន័យពាក់ព័ន្ធទៅនឹងវប្បធម៌ អរិយធម៌ និងប្រពៃណីរបស់ពលរដ្ឋខ្មែរតាមរយៈរូបភាពដែលភ្ជាប់នៅលើសាច់អាវគួរជាទីទាក់ទាញបំផុត។

អសុរា (Ahsora​ World) ជាយីហោសម្លៀកបំពាក់ក្នុងស្រុកមួយដែលត្រូវបានបង្កើតឡើងនៅចុងឆ្នាំ២០២២ ដោយក្រុមស្ថាបនិកចំនួន ៣រូប ដែលមានជំនាញរចនាក្រាហ្វិក (Graphic design) ផង និងសុទ្ធតែជាអ្នកមានចិត្តស្រឡាញ់សិល្បៈ វប្បធម៌ អរិយធម៌ខ្មែរ។

លោក ពេជ្រ ពង្សបុញ្ញប្ញទ្ធិ តំណាងអសុរា បានមានប្រសាសន៍ថា ៖

«យើងចាប់ផ្ដើម ដោយសារពួកយើងមានជំនាញរចនាក្រាហ្វិកស្រាប់ រួមជាមួយនឹងភាពសម្បូរបែបនៃវប្បធម៌ដ៏ស្រស់ស្អាតទៅលើសម្លៀកបំពាក់ ទើបយើងបានបង្កើតប្រេនមួយដែលផ្ដោតពិសេសទៅលើលើការរួមបញ្ចូលរវាងគំនូរប្រពៃណី និងការរចនាបែបសហសម័យ កាន់តែផ្ដល់នូវភាពទាក់ទាញ និងបង្ហាញពីឫសគល់នៃសិល្បៈខ្មែរថែមទៀតផង»។

លោកបន្តថា៖

«វាមិនត្រឹមតែបង្ហាញនូវភាពស្រស់ស្អាត ប្រណីតភាព និងវប្បធម៌ប៉ុណ្ណោះទេ តែវាបានជំរុញ និងផ្សារភ្ជាប់ទំនាក់ទំនងមនុស្សជុំវិញពិភពលោក មិនថាខ្មែរ ឬជាតិសាស្ត្រដទៃដែលបានទិញទុកជាវត្ថុអនុស្សាវរីយ៍។ ក្រៅពីនេះ វាក៏ជាផ្នែកមួយជួយដល់អ្នកសិល្បៈឯករាជ ព្រោះយើងបានធ្វើការបន្ថែមជាមួយពួកគាត់ក្នុងការរួមការងារជាមួយគ្នា ច្នៃរចនារួមគ្នាក្នុងការបង្កើតជាផលិតផលមួយ»។

ទន្ទឹមគ្នានេះដែរ លោក តៃ ធារ៉ារិទ្ធីរក្ស ជាអ្នកគ្រប់គ្រងទូទៅនៃយីហោខាងលើបានបន្ថែមថា សម្រាប់ការរចនាមានច្រើនគម្រោង ពិសេសខូលិកសិន ហាវ៉ៃ ដែលជាការរចនាពិសេសផ្ដោតលើសម្លៀកបំពាក់នារដូវក្ដៅ និងសម្រាប់បុណ្យចូលឆ្នាំខ្មែរផ្ទាល់តែម្ដង ដោយមានរចនាបទ និងពណ៌ផ្សេងៗគ្នា និងបានបង្ហាញពីអត្តសញ្ញាណខ្មែរជាច្រើនបែបដូចជា ផ្ការំដួល គោព្រៃ សមរាត្រីអង្គរ នំអន្សម និងមួកស្លឹកត្នោតជាដើម។ ចំណែកតម្លៃ ខូលិកសិននេះគេលក់ក្នុងតម្លៃ ១៩.៩៩ដុល្លារសម្រាប់ការកក់ទុក និងតម្លៃ ២២.៥០ដុល្លារសម្រាប់ពេលចូលស្តុក។

ចំពោះទីផ្សារវិញ អតិថិជនភាគច្រើនជាអ្នកស្រឡាញ់ការរចនាបែបខ្មែរ ពិសេសមានម៉ូដប្លែកៗ មានអត្ថន័យវប្បធម៌ជ្រៀលជ្រៅ ដែលអាជីវកម្មខាងលើមានលក់ទាំងនៅតាមបណ្ដាញសង្គម និងតាមគេហទំព័រ ខណៈដែលទីតាំងដាក់បង្ហាញផ្ទាល់មួយកន្លែងស្ថិតនៅម្ដុំទួលគោក រាជធានីភ្នំពេញ។  

ក្នុងពេលជាមួយគ្នានេះ អ្នកតំណាងម៉ាក់សញ្ញា អសុរា (Ahsora​ World) ក៏បានបង្ហាញពីផលលំបាកមួយចំនួនផងដែរពាក់ព័ន្ធទៅនឹងប្រតិបត្តិការរបស់ខ្លួនផងដែរ ដោយសារតែជាម៉ូតសម្លៀកពាក់ថ្មី ក៏មកជាមួយដែរ ដែលនេះមិនទា់មានគេស្គាល់ច្រើន ដូច្នេះអតិថិជនអាចនឹងមិនទាន់ទុកចិត្ត ប៉ុន្តែយ៉ាងណាក៏ដោយ ក្រុមការងារអសុរា (Ahsora​ World) ទាំងអស់នៅតែមានទឹកចិត្តបន្តការកែច្នៃ និងផលិតជាបន្តទៀត ដើម្បីអាចចូលរួមជួយផ្សព្វផ្សាយពីវប្បធម៌ អរិយធម៌ និងទំនៀមទម្លាប់ប្រពៃណីរបស់ជាតិខ្មែរ។

ដោយឡែក ចំពោះថ្ងៃអនាគត ស្ថាបនិកខាងលើក៏បានបង្ហើបឱ្យដឹងដែរថា ក្រុមការងារមានគម្រោងចង់ពង្រីកការរចនាបន្ថែមទៀត ជាពិសេសទាក់ទងនឹងវប្បធម៌ អរិយធម៌ ខ្មែរឱ្យបានកាន់តែទូលំទូលាយ ទាំងរចនាបទ និងអត្ថន័យ។ មួយវិញទៀត អសុរា (Ahsora​ World) ក៏ចង់បង្កើតយីហោថ្មីៗនៅក្រោមអសុរាបន្ថែមទៀត ជាពិសេសផ្ដោតលើយុវវ័យ និងកូនក្មេង ក៏ដូចជារចនាទៅលើសម្លៀកបំពាក់ និងសម្ភារប្រើប្រាស់ផ្សេងទៀត ដើម្បីឱ្យប្រជាជនខ្មែរ ក៏ដូចជាជនបរទេសបានស្គាល់ពីផលិតផលក្នុងស្រុក និងវប្បធម៌ដ៏ផូរផង់របស់ជាតិខ្មែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោងលើកកម្ពស់គុណភាពផ្លូវជាតិលេខ៤៨ ស្រែអំបិល-កោះកុង សម្រេចបាន ៥២.១២ %

ព្រឹត្តិការណ៍, អចលនទ្រព្យ

• 18/04/2024

បច្ចុប្បន្ននេះគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង)សម្រេចបានលទ្ធផល ៥២.១២% ហើយក្រសួងបានប្តេជ្ញាសម្រេចឱ្យបាន ៦០% នៅខែមិថុនា ។

World Bank ៖ បំណុល និងជម្លោះជាវិបត្តិសកលរយៈពេលខ្លី ប៉ុន្តែភាពក្រីក្រ ជាវិបត្តិធ្ងន់ធ្ងររយៈពេលវែង

ព្រឹត្តិការណ៍, សេដ្ឋកិច្ច

• 18/04/2024

វិបត្តិសកលទាំងអស់គឺមានការជាប់ទាក់ទងគ្នាយ៉ាងខ្លាំង រាប់ចាប់តាំងពីបញ្ហាបម្រែបម្រួលអាកាសធាតុ, បញ្ហាបំណុល, បញ្ហាវិបត្តិស្បៀងអាហារ ទៅដល់ការពន្លឿននៃការរៀបចំប្រព័ន្ធខ្យល់អាកាស

អាកាសយានដ្ឋានអន្តរជាតិខេត្តព្រះសីហនុ សម្តែងរបាំត្រុដិ និងឆៃយ៉ាំ ទទួលស្វាគមន៍ទេសចរ

ព្រឹត្តិការណ៍, សេដ្ឋកិច្ច

• 18/04/2024

អាកាសយានដ្ឋានអន្តរជាតិខេត្តព្រះសីហនុ បានរៀបចំការសម្តែងរបាំត្រុដិ និងឆៃយ៉ាំ ដើម្បីទទួលស្វាគមន៍ទេសចរបរទេសក្នុងឱកាសសង្រ្កាន្តឆ្នាំថ្មីប្រពៃណីជាតិ

រដ្ឋមន្ត្រីក្រសួង​រៀបចំដែន​ដី ជំរុញឱ្យ​រៀបចំ​ទីក្រុង​ដើម្បី​សុខុមាលភាពពលរដ្ឋ​

ព្រឹត្តិការណ៍, អចលនទ្រព្យ

• 18/04/2024

រដ្ឋមន្ត្រីក្រសួង​រៀបចំដែនដី នគរូបនីយកម្ម និងសំណង់​ បាន​ជំរុញឱ្យក្រសួង និងស្ថាប័ន​ពាក់ព័ន្ធ​រៀបចំទីក្រុង​ដោយផ្ដោត​លើ​សុខុមាលភាព​ពលរដ្ឋ​

Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 18/04/2024

Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ

អត្រាអតិផរណានៅកម្ពុជារំពឹងថានឹងបន្តក្នុងកម្រិតទាប និងមានស្ថិរភាព

ព្រឹត្តិការណ៍, ហិរញ្ញវត្ថុ

• 18/04/2024

អត្រាអតិផរណានៅកម្ពុជា ត្រូវបានព្យាករថានឹងបន្តថមថយនៅក្នុងរង្វង់ ២,០% នៅក្នុងរយៈពេល ២ ឆ្នាំខាងមុខ ស្របពេលកំណើនសេដ្ឋកិច្ចមានសម្ទុះវិជ្ជមានប្រសើរ

ត្រីមាស​ទី​១ ​ឆ្នាំ​២​០​២​៤​ កម្ពុជាទទួលបានចំណូលជិត ១០០លានដុល្លារពីការនាំចេញ​កង់​

ព្រឹត្តិការណ៍, សេដ្ឋកិច្ច

• 18/04/2024

របាយការណ៍អគ្គនាយកដ្ឋានគយនិងរដ្ឋាករបានឱ្យដឹងថាអំឡុងខែមករាដល់ខែមីនាកម្ពុជាបាននាំចេញកង់រួមទាំងកង់អគ្គិសនីដែលមានតម្លៃ ៩៦,៩ លានដុល្លារអាមេរិក

ទីផ្សារក្រមាខេត្តតាកែវ នៅតែមានប្រជាប្រិយភាព និងមានតម្រូវការទីផ្សារ

ជំនួញ, ព្រឹត្តិការណ៍

• 18/04/2024

បច្ចុប្បន្ន ទីផ្សារក្រមាក៏នៅតែមានដំណើរការ ព្រោះក្រៅពីការប្រើប្រាស់ ក្រមាក៏ជាអំណោយដ៏មានអត្ថន័យសម្រាប់ជូនដល់មនុស្សជាទីស្រឡាញ់ក្នុងឱកាសនានាផងដែរ។

ក្រុមហ៊ុនអ្នកឧកញ៉ា គិត ម៉េង ទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន

ព្រឹត្តិការណ៍, សេដ្ឋកិច្ច

• 18/04/2024

ក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន ដើម្បីអភិវឌ្ឍវិស័យរថភ្លើងនៅកម្ពុជា ។

ប្រជាពលរដ្ឋ​ខ្មែរ​​រីករាយ​នឹង​ពិធី​បុណ្យចូលឆ្នាំ​ថ្មី​ប្រពៃណី​ជាតិប្រកបដោយស្នាមញញឹម

ព្រឹត្តិការណ៍, សេដ្ឋកិច្ច

• 18/04/2024

ប្រជាពលរដ្ឋខ្មែរបានប្រារព្ធពិធីបុណ្យចូលឆ្នាំថ្មីប្រពៃណីជាតិក្នុងបរិយាកាសសាមគ្គីភាព រំភើប និងសប្បាយរីករាយ ជាមួយនឹងស្នាមញញឹម