សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជប៉ុន ៖ ជប៉ុន ដែលជាមហាអំណាចលេខ៣លើពិភពលោក ហើយក៏ត្រូវបានគេទទួលស្គាល់ថាជាប្រទេសដែលរងគ្រោះដោយសារតែគ្រោះធម្មជាតិខ្លាំងជាងគេផងដែរ រាប់ទាំងគ្រោះរញ្ជូយដី បន្ទុះភ្នំភ្លើង ជាពិសេស ខ្យល់ព្យុះតែម្តង ដោយសារតែជាប្រទេសប្រជុំកោះដ៏ធំមួយ។
យោងតាមការសិក្សារបស់ក្រុមអ្នកស្រាវជ្រាវចុងក្រោយនេះបានបង្ហាញថា ប្រទេសជប៉ុន គិតជាមធ្យមជារៀងរាល់ឆ្នាំគឺបានប្រឈមមុខទៅនឹងខ្យល់ព្យុះទីហ្វុង និងព្យុះត្រូពិចតូច-ធំ ប្រមាណ ២៦ដង ខណៈដែលក្រុមអ្នកជំនាញឧតុនិយមបានព្យាករណ៍ថា គ្រោះធម្មជាតិទាំងនេះនឹងអាចបន្តកើនឡើងចំនួនច្រើនជាងនេះ និងមានកម្លាំងខ្លាំងក្លាជាងបច្ចុប្បន្ន ដោយសារតែបញ្ហាបម្រែបម្រួលអាកាសធាតុរបស់សកលលោក។ សេដ្ឋកិច្ចរបស់ជប៉ុនមួយចំនួនធំត្រូវបានទទួលរងការខាតបង់មិនតិចនោះទេជារៀងរាល់ឆ្នាំដោយសារតែកត្តាធម្មជាតិទាំងនោះ។
ដោយសារមើលឃើញពីផលប៉ះពាល់ទាំងនេះ ក្រុមហ៊ុនអាជីវកម្មកើតថ្មីមួយ (Startup) មានឈ្មោះថា Challenergy ដែលបានបង្កើតឡើងកាលពីឆ្នាំ២០១៤ ក្រោយពេលមានវិនាសកម្មដ៏អាក្រក់ឆ្នាំ២០១១នៅរោងចក្រនុយក្លេអ៊ែរនៅ Fukushima នោះ បានបង្ហាញពីគោលបំណងធំបំផុតរបស់ខ្លួនក្នុងការទាញយកអត្ថប្រយោជន៍ពីគ្រោះធម្មជាតិទាំងនោះមកជំនួសវិញ។
Challenergy បានបង្កើតនូវប្រព័ន្ធបច្ចេកវិទ្យាដ៏ទំនើបមួយដែលអាចទាញយកថាមពលចេញពីខ្យល់ព្យុះគ្រប់កម្រិត បំប្លែងទៅជាថាមពលអគ្គិសនីដ៏ច្រើនលើសលប់មករក្សាទុកសម្រាប់ការប្រើប្រាស់ក្នុងតំបន់ ឬអាចនាំចេញទៅលក់នៅក្រៅប្រទេសក៏បាន ខណៈដែលនៅពេលបច្ចុប្បន្ននេះ ជប៉ុន បានពឹងផ្អែកសំខាន់តែទៅលើថាមពលដែលទាញចេញពីពន្លឺព្រះអាទិត្យ។
លោក Atsushi Shimizu ស្ថាបនិករបស់ក្រុមហ៊ុន Challenergy បានបញ្ជាក់ថា គោលបំណងតែមួយគត់របស់ក្រុមហ៊ុននៅពេលនេះគឺការទាញយកថាមពល និងអត្ថប្រយោជន៍ដ៏លើសលប់ចេញពីខ្យល់ព្យុះទាំងឡាយនៅក្នុងប្រទេសជប៉ុន ហើយគួរតែពិចារណាថា គ្រោះធម្មជាតិទាំងនោះគឺមិនត្រឹមតែជាគ្រោះមហន្តរាយប៉ុណ្ណោះទេ តែវាក៏ជាប្រភពថាមពលដ៏មានសក្តានុពលបំផុត។ គួរឲ្យដឹងដែរថា ម៉ាស៊ីនតួប៊ីនយក្សរបស់ក្រុមហ៊ុន Challenergy បានបំពាក់នូវបច្ចេកទេសដ៏រឹងម៉ាំ មានកម្លាំងខ្លាំងក្លាអាចទប់ទល់នឹងវិនាសកម្មធម្មជាតិដែលបណ្តាលមកពីខ្យល់ព្យុះ និងនៅតែបន្តដំណើរការជាធម្មតាគ្រប់លក្ខខណ្ឌនៃកម្រិតព្យុះមានឈ្មោះថា Magnus Vertical Axis Wind Turbine ដោយស្លាបចក្ររបស់វាដ៏ធំអាចរំកិលខ្លួនបានយ៉ាងងាយស្របទៅនឹងអ័ក្សរបស់ខ្យល់ និងអាចទាញយកថាមពលបានយ៉ាងច្រើន ប្រកបដោយប្រសិទ្ធភាព ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content