សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ភេសជ្ជៈសុខភាព សម្ដៅលើក្រុមភេសជ្ជៈទាំងឡាយណាដែលផលិតចេញពីវត្ថុធាតុដើមល្អៗ មានគុណភាព និងសុវត្ថិភាពខ្ពស់ក្នុងការកែច្នៃឱ្យទៅជាគ្រឿងទឹកដែលអាចទទួលទានបាន មានរសជាតិឆ្ងាញ់ និងជំនួយដល់សុខភាព។ ក្នុងនោះ សិប្បកម្មផលិតភេសជ្ជៈមួយកន្លែងកំពុងផលិត និងផ្គត់ផ្គង់ឱ្យអតិថិជនបានកាន់តែច្រើនជាងមុន។
សិប្បកម្ម ស៊ូហ៊ាន ឬ SouHean Food Safety ដែលមានផលិតនូវគ្រឿងភេសជ្ជៈធម្មជាតិ បិងសុវត្ថិភាព រួមមានដូចជា ទឹកសណ្តែកសៀង ទឹកសណ្តែកខៀវ ទឹកល្ពៅ ទឹកពោត និងទឹកម្ជូរព្រឹក ដែលផលិតឡើងផ្ដោតលើគុណភាព រសជាតិ និងសុវត្ថិភាពចំពោះសុខភាពអ្នកទទួលទាន កំពុងទទួលបានការគាំទ្រច្រើនពីសំណាក់អតិថិជនដែលនិយមគាំទ្រនូវអាហារ និងភេសជ្ជៈមានគុណប្រយោជន៍ចំពោះសុខភាព។
លោក បេ អ៊ិញហ៊ាន ជាម្ចាស់អាជីវកម្មខាងលើ បានមានប្រសាសន៍ប្រាប់ AMS Economy ឱ្យដឹងថា៖
«សម្រាប់អាជីវកម្មយើងគឺមានការកើនឡើងច្រើនបើធៀបនឹងឆ្នាំមុន គឺកើនឡើងដល់ទៅ ៧ដង ដោយមួយថ្ងៃយើងផលិតបាន ១០០០ដប មួយខែ ៣ម៉ឺនដប ហើយក្នុងនោះ ទីផ្សារ ៨០ភាគរយរបស់យើងគឺលក់រាយដោយខ្លួនឯងទៅតាមពិព័រណ៌នានា»។
លោកបន្តថា ផលិតផលដែលលក់ដាចជាងគេគឺ ទឹកសណ្ដែកសៀង ទឹកសណ្កែកខៀវ និងទឹកម្ជូរព្រឹក ដែលក្នុងក្នុងតម្លៃសមរម្យដូចជា ទឹកសណ្តែកសៀង ទឹកសណ្ដែកខៀវ និងទឹកល្ពៅ លក់ក្នុងតម្លៃ ២៥០០រៀល ឯទឹកម្ជូរព្រឹកគល់ស្លឹកគ្រៃថ្លៃ ៣០០០រៀលផងដែរ។
ទាក់ទងនឹងចំណុចពិសេសដែលអតិថិជនតែងតែគាំទ្រផលិតផលពីសិប្បកម្មខាងលើនេះ លោក អ៊ិញហ៊ាន បញ្ជាក់ថា ៖
«ផលិតផលយើងផ្ដោតលើវត្ថុធាតុដើមដែលជាកសិផលធម្មជាតិគ្មានសារធាតុគីមីជាចម្បង ដោយយកតែកសិផលក្នុងស្រុកដែលមានគុណភាព និងមិនមានបន្ថែមនូវសារធាតុរក្សាទុកបានយូរដែលប៉ះពាល់ដល់សុខភាពអ្នកទទួលទាននោះទេ»។
សូមរំឭកដែរថា SouHean Food Safety បានចាប់ផ្ដើមដំណើរការនៅឆ្នាំ២០២១ ដោយចំណាយដើមទុនដំបូងប្រមាណ ៣០០០ដុល្លារ ទៅលើការទិញម៉ាស៊ីនផលិត និងការរៀបចំទីតាំង ហើយនៅថ្ងៃអនាគត ម្ចាស់អាជីវកម្មរូបនេះក៏មានគម្រោងចង់ពង្រីកការផលិត ចែកចាយបន្ត និងបន្ថែមប្រភេទភេសជ្ជៈប្រើប្រាស់វត្ថុធាតុក្នុងស្រុកបន្ថែមទៀត ដែលមានគុណភាព តម្លៃសមរម្យ និងសុវត្ថិភាពដល់អ្នកទទួលទាន។
គួរបញ្ជាក់ដែរថា ការទទួលទានទឹកសណ្ដែក អាចផ្ដល់ប្រយោជន៍ជាច្រើនដល់សុខភាព ដូចជា កាត់បន្ថយខ្លាញ់ក្នុងឈាម ជួយឱ្យសម្ពាធឈាមដើរល្អ ឆ្អឹងរឹងមាំ រាងកាយមាំមួន ប្រឆាំងជំងឺមហារីក បង្កើនថាមពល សម្បូរកាល់ស្យូម ប្រូតេអ៊ីន ការពារជំងឺថ្លើមផងដែរ។ ចំណែកឯអត្ថប្រយោជន៍របស់ផ្កាម្ជួរព្រឹករួមមាន ជួយសម្រួលដល់ការបន្ទោរបង់ សម្បូរទៅដោយវីតាមីនC ជំនួយស្បែក ជួយបញ្ចុះជាតិអាស៊ីត ជាតិខ្លាញ់ បំប៉នថ្លើម ការពារជំងឺផ្ដាសាយ សម្រកទម្ងន់ បំប៉នកម្លាំង បំបាត់អាការៈស្ងួតក បញ្ចុះកម្ដៅ បំបាត់ក្អក កាត់បន្ថយស្លេស ជួយក្នុងការរំលាយអាហារ ជួយបង្ការជំងឺទឹកនោមផ្អែម ជួយកាត់បន្ថយការរលាក ជំរុញប្រពន្ធ័ភាពស៊ាំ ប្រឆាំងនឹងជម្ងឺមហារីក បង្កើនថាមពល ជួយឱ្យសម្រានលក់ស្រួល និងសម្បូរទៅដោយសារធាតុប្រឆាំងអុកស៊ីតកម្មថែមទៀតផង៕
Account
Security
Favourite Content