សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្បូងឃ្មុំ ៖ ត្បូងឃ្មុំ ដែលជាខេត្តទើបតែមានវត្តមានក្រោយគេ និងមិនទាន់មានការអភិវឌ្ឍច្រើននៅឡើយនោះ ពេលនេះបានបង្អួតនៅសមិទ្ធផលថ្មីរបស់ខ្លួនដែលជាមន្ទីរពេទ្យទំនើបមួយ សាងសង់ឡើងក្រោមជំនួយឥតសំណងរបស់សាធារណៈរដ្ឋប្រជាមានិតចិនតម្លៃជិត ៥០លានដុល្លារអាមេរិក។
នាព្រឹកថ្ងៃច័ន្ទទី៧មីនា ឆ្នាំ២០២២នេះ មន្ទីរពេទ្យមិត្តភាពកម្ពុជា-ចិនត្បួងឃ្មុំត្រូវបានដាក់សម្ពោធឲ្យប្រើប្រាស់ជាផ្លូវការក្រោមអធីបតីភាពរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។ មន្ទីរពេទ្យនេះផងដែរ នឹងមាននូវកន្លែងផលិតអុកស៊ីសែនសម្រាប់ផ្គត់ផ្គង់តម្រូវការក្នុងខេត្ត និងបន្តផ្គត់ផ្គង់ដល់ខេត្តដៃទៀត។
សម្ដេចនាយករដ្ឋមន្ត្រី ហ៊ុន សែន បានមានប្រសាសន៍ថា អគារដ៏ស្គឹមស្គៃនៃមន្ទីរពេទ្យនេះនឹងមប្រើជូនប្រជាពលរដ្ឋនូវសុខមាលភាពទូទៅ ហើយមន្ទីរពេទ្យមិត្តភាពកម្ពុជា-ចិនត្បូងឃ្មុំនេះ ហើយក៏ជាមន្ទីរពេទ្យដែលធំជាងគេ ក្នុងចំណោមមន្ទីរពេទ្យនៅទូទាំង២៤ខេត្តក្រុង ដោយមិនរាប់ចូលទីក្រុងភ្នំពេញ។
សម្ដេចបានលើកឡើងថា កម្ពុជាធ្លាប់បានទទួលរងនូវការម៉ាក់ងាយលើភាពទន់ខ្សោយនៃប្រព័ន្ធសុខាភិបាល ប៉ុន្តែកម្ពុជាបានឆ្លើយតបដោយការទទួលស្គាល់ថាកម្ពុជាពិតជាមានភាពខ្វះខាតលើសម្ភារៈបច្ចេកទេសដែលបម្រើឲ្យវិស័យសុខាភិបាលពិតមែន ក៏ប៉ុន្តែកម្ពុជាមិនបានខ្វះខាតនូវមនសិការ និងទឹកចិត្តឡើយ។
សម្ដេចបានបន្តសង្កត់ធ្ងន់ថា ៖
“បញ្ហាគឺមិនស្ថិតនៅត្រង់ការពឹងផ្អែកហួសហេតុពេកទៅលើឧបករណ៍បច្ចេកទេសទេ យើងត្រូវការហើយនូវឧបករណ៍បច្ចេកទេស ក៏ប៉ុន្តែបញ្ហាធំជាងទៀតគឺបញ្ហាមនះសិកាវិជ្ជាជីវៈរបស់គ្រូពេទ្យរបស់យើងដែលមានការទទួលខុសត្រូវ”
គួរបញ្ជាក់ថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ បានសាងសង់លើផ្ទៃដីទំហំ ២៤ ៣០០ម៉ែត្រការ៉េ លើទំហំផ្ទៃដីសរុប ៥៥ ៨១៥ម៉ែត្រការ៉េ។ មន្ទីរពេទ្យនេះ បានប្រើប្រាស់ប្រព័ន្ធបច្ចេកវិទ្យាឌីជីថលក្នុងការគ្រប់គ្រងអ្នកជំងឺ មានគ្រែសម្រាប់អ្នកជំងឺសរុបចំនួន ៣០០គ្រែ ដោយមានផ្តល់សេវាពិនិត្យ និងព្យាបាលលើជំងឺទូទៅ, ជំងឺកុមារ, ជំងឺឆ្លង, ពិគ្រោះជំងឺក្រៅ, ប្រពោធនកម្ម (ICU), សង្គ្រោះបន្ទាន់, វះកាត់, រោគស្ត្រី និងសម្រាលកូន, រូបភាពវេជ្ជសាស្ត្រ និង Endoscopy, មន្ទីរពិសោធន៍, ឱសថស្ថាន, បន្ទប់រំងាប់មេរោគ, ប្រព័ន្ធព័ត៌មាន និងច្ចេកទេសវេជ្ជសាស្ត្រ, និងផ្នែកគាំទ្រ មានដូចជា រដ្ឋបាល និងប្រព័ន្ធសុវត្ថិភាព បន្ទប់បង្កើត និងផ្ទុកអុកស៊ីសែន បន្ទប់សំអាតទឹកកខ្វក់ បន្ទប់ដាក់កាកសំណល់វេជ្ជសាស្ត្រ និងសាលដាក់សាកសព ហើយមន្ទីរពេទ្យនេះ ក៏អាចពិគ្រោះជំងឺក្នុងមួយថ្ងៃបាន ៦០០នាក់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
មន្ទីរពេទ្យខ្មែរ អ៊ីនធ័រឃែរ និងមជ្ឈមណ្ឌលវេជ្ជសាស្ត្រម៉ាឡេស៊ី សាន់វេ ចុះ MoU ដើម្បីលើកកម្ពស់ការថែទាំសុខភាពនៅកម្ពុជា
ការផ្តល់សេវាព្យាបាលជំងឺបេះដូង និងការមើលថែយ៉ាងយកចិត្តទុកដាក់សម្រាប់អ្នកជំងឺកម្ពុជា
Account
Security
Favourite Content