សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ដោយសារតែមិនចង់នៅទំនេរច្រើន ហើយគាប់ជួនខ្លួនក៏ជាអ្នកលក់ផលិតផល និងត្រីងៀតតាមបណ្តាញសង្គមផងដែរនោះ ក៏កើតមានគំនិតចង់ពង្រីកអាជីវកម្មបន្ថែមដោយការប្រមូលទិញត្រីឆ្អើរពីប្រជាសហគមន៍ដែលរស់នៅក្នុងខេត្តកំពង់ធំ និងខេត្តសៀមរាបយកមកលក់ ហើយជាលទ្ធផលគឺអាចទទួលបានចំណូលបន្ថែម ហើយអាចស្វែករកទីផ្សារជួយដល់ប្រជាសហគមន៍ដែលជាអ្នកផលិតត្រីឆ្អើរផងដែរ។
ត្រីឆ្អើរ ជាប្រភេទអាហារក្រៀមមួយប្រភេទដែលប្រជាជនខ្មែរ ក៏ដូចជាមនុស្សទូទៅនិយមចូលចិត្តទទួលទាន ត្បិតគេអាចយកទៅច្នៃធ្វើជាម្ហូបអាហារសម្រាប់ទទួលទានបានច្រើនមុខប្រកបដោយរសជាតិឈ្ងុយឆ្ងាញ់ មិនថាជាការទទួលទានដោយផ្ទាល់ជាមួយបន្លែញាំ ស្ងាយបុក ឬយកទៅចម្អិនជាមុខសម្លរនោះទេ ហើយម៉្យាងវិញទៀត គេក៏អាចរក្សាទុកត្រីឆ្អើរបានយូរខែ។
អ្នកស្រី អឿ មាលា ជាអាជីវករម្នាក់ដែលមានលក់កសិផលធម្មជាតិ ត្រីងៀត និងត្រីឆ្អើរតាមបណ្តាញសង្គមម្នាក់ស្ថិតនៅភូមិ ភូមិព្រះត្រពាំង ស្រុកសូទ្រនិគមន៍ ខេត្តសៀមរាប។ ហេតុផលដែលជំរុញឱ្យអ្នកស្រីចាប់ចិត្តបង្កើតអាជីវកម្មលក់ផលិតផលធម្មជាតិ ដោយសារតែគ្រាមួយនៅពេលដែលអ្នកស្រីចុះបំពេញការងារនៅតាមស្រុក-ភូមិ ហើយបានឃើញផលិតផលធម្មជាតិដែលបង្កបង្កើនផលឡើងដោយបងប្អូនប្រជាកសិករ ប៉ុន្តែពុំសូវមានទីផ្សារ អ្នកស្រីក៏ប្រមូលទិញ ហើយយកមកដាក់លក់តាមបណ្ដាញសង្គម ក៏ចាប់ផ្តើមមានអតិថិកម្ម៉ង់ជាបន្តបន្ទាប់ រហូតមានការផ្គត់ផ្គង់ទាំងការបោះដុំ និងលក់រាយ។
អ្នកស្រីបន្ថែមថា ៖
“បច្ចុប្បន្ននេះ សម្រាប់ការប្រមូលទិញត្រីឆ្អើរយកមកលក់បន្តនៅតាមបណ្តាញសង្គម ឬតាមអនឡាញ គឺខ្ញុំមិនទាន់បានចងក្រងជាសហគមន៍ធំដុំអ្វីនៅឡើយទេ តែយើងខ្ញុំបានប្រមូលទិញត្រីឆ្អើរពីបងប្អូននៅក្នុងខាងកំពង់ធំចំនួន៥គ្រួសារ និងនៅក្នុងខេត្តសៀមរាបមានចំនួន ៣គ្រួសារ ហើយតាមរយៈសកម្មភាពនៃមុខអាជីវកម្មទិញ-លក់ត្រីឆ្អើរនេះ ខ្ញុំក៏ទទួលបានចំណូល ប្រជាសហគមន៍ដែលជាអ្នកផលិតត្រីឆ្អើរក៏ទទួលបានចំណូល និងមានទីផ្សារសម្រាប់ពួកគាត់ផងដែរ”
អ្នកស្រីបន្តទៀតថា ត្រីឆ្អើរដែលទទួលយកមកលក់គឺជាប្រភេទត្រីធម្មជាតិ ធ្វើឡើងតាមទម្លាប់ខ្មែរ និងគ្មានប្រើសារធាតុរក្សាទុក ដោយមានប្រភេទត្រីតាមរដូវ ដូចជា ខែតុលា ដល់ខែធ្នូ សម្បូរត្រីចង្វាមូល ដែលអាចផ្គត់ផ្គង់បានច្រើន និងឆាប់រហ័ស ហើយលក់ដាច់ខ្លាំង ទាំងអ្នកក្នុងតំបន់ និងទីក្រុង ក្រៅពីនេះនៅមានប្រភេទត្រីកញ្ចុះឆ្អើរក៏ពេញនិយមដែរ ជាពិសេសនៅរដូវត្រីកញ្ចុះពង ដែលរកត្រីឱ្យភ្ញៀវស្ទើរពុំបាន។
អ្នកស្រីបញ្ជាក់ថា ៖
“សម្រាប់ប្រភេទត្រីឆ្អើរ យើងមានដូចជា ត្រីរៀល ត្រីកេស ត្រីអណ្ដែង ត្រីចង្វាមូល ត្រីកញ្ចុះ ត្រីតាឱនជាដើម ឬក៏ត្រីឆ្អើរបកសាច់ដែលមានតម្លៃថ្លៃជាងគេ។ លើកលែងតែសម្រាប់ត្រីចង្វាមូលឆ្អើរ យើងអាចលក់ក្នុងតម្លៃត្រឹមតែ ២២ ០០០ – ២៥ ០០០រៀលក្នុងមួយដុំ”
ដោយឡែក ចំពោះអតិថិជនដែលគាំទ្រត្រីឆ្អើររបស់អ្នកស្រី ភាគច្រើនជាអ្នកនៅរាជធានីភ្នំពេញ ខេត្តបាត់ដំបង និងមានបងប្អូនខ្លះទិញបន្តយកទៅក្រៅប្រទេស ដូចជា អាមេរិក អូស្ត្រាលី ថែមទៀតផង ដោយសារតែត្រីឆ្អើរទាំងនោះមានលក្ខណៈពិសេស ជាប្រភេទត្រីធម្មជាតិដែលប្រជាក្នុងសហគមន៍នេសាទបាន ហើយធ្វើការសម្អាតកាត់ក្បាល វះពោះលាងសម្អាតចៀសវាងមានជាតិល្វីង ហើយមានរសជាតិប្រៃតិចៗ ស្រួយឆ្ងាញ់អាចច្នៃជាម្ហូបបានច្រើនមុខ ដូចជា ស្លរ ញ៉ាំ បុកធ្វើជាម្សៅត្រីឆ្អើរ ឬហូបជាមួយជ្រក់ត្រពាំងព្រិចក៏រឹងតែឆ្ងាញ់។
ទាក់ទងនឹងការរក្សាទុក អ្នកស្រីបានរៀបរាប់ថា ត្រីឆ្អើរអាចរក្សាទុកបានរយៈពេលយូរដល់ទៅ ៥-៦ខែ នៅកន្លែងស្ងួត កុំឱ្យត្រូវទឹក និងរក្សាវាកុំឱ្យហប់ដែលអាចដុះផ្សិត លុះនៅពេលដែលចង់ហូប ឬទទួលទានគេអាចយកទៅធ្វើការកម្ដៅឱ្យត្រីស្រួយ ហើយអាចហូបបានតែម្ដង។ យ៉ាងណាក៏ដោយ អ្នកស្រីក៏បានបង្ហាញពីផលលំបាក និងកត្តាប្រឈមផងដែរថា បច្ចុប្បន្ននេះ ដោយការលក់ត្រីឆ្អើរជាការធ្វើឡើងបន្ទាប់បន្សំបន្ថែមពីលើអាជីកម្មស្នូល មានពេលខ្លះអ្នកស្រីមិនអាចឆ្លើយតបជាមួយអតិថិជនតាមអនឡាញបានទាន់ពេលនោះទេ ក្រៅពីនេះ សម្រាប់ការវេចខ្ចប់គឺនៅមិនទាន់ស្អាតនៅឡើយ។ ប៉ុន្តែនៅពេលអនាគត អ្នកស្រីក៏មានគម្រោងរៀបចំផែនការបង្កើតជាម៉ាកយីហោ ធ្វើការវេចខ្ចប់ឱ្យបានត្រឹមត្រូវ និងរឹតបន្តឹងទៅលើគុណភាព និងអនាម័យ ជាពិសេសចង់ពង្រីកការលក់ឱ្យបានកាន់តែទូលាយ ទាំងនៅក្នុងតំបន់ នៅក្នុងប្រទេស និងនៅក្រៅប្រទេស៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
Account
Security
Favourite Content