សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តំបន់សេដ្ឋកិច្ចពិសេសគឺជាតំបន់ដែលមានទីតាំងយុទ្ធសាស្ត្រត្រៀមរួចជាស្រេចសម្រាប់អាជីវកម្ម និងការវិនិយោគឱ្យដំណើរការជាមួយនឹងភាពងាយស្រួលនៃហេដ្ឋារចនាសម្ព័ន្ធដឹកជញ្ជូន។ ជាទូទៅ តំបន់សេដ្ឋកិច្ចពិសេសមានទីតាំងស្ថិតនៅតំបន់សមស្របបំផុតដើម្បីជួយឱ្យអាជីវកម្មរបស់នានា អាចរីកចម្រើន និងជោគជ័យ។
បើតាមទិន្នន័យដែលចេញផ្សាយដោយក្រុមប្រឹក្សាអភិវឌ្ឍន៍កម្ពុជា បច្ចុប្បន្នកម្ពុជាមានតំបន់សេដ្ឋកិច្ច ពិសេសចំនួន ២៤ និងមានគម្រោងវិនិយោគសរុបចំនួន ៥៦១គម្រោង ព្រមទាំងអាចបង្កើតការងារ ដល់ប្រជាជនក្នុងតំបន់បានប្រមាណជា ១៦ម៉ឺនកន្លែង។
នៅក្នុងតំបន់សេដ្ឋកិច្ចពិសេស នឹងមានការជួយសម្រួលច្រើនដល់ដំណើរការធ្វើអាជីវកម្មរបស់វិនិយោ គិន ដោយរាប់បញ្ចូលទាំងសេវារដ្ឋបាល បែបបទនៃការនាំចេញ នាំចូល ទទួលបានការលើកទឹកចិត្ត ពីសំណាក់រាជរដ្ឋាភិបាលកម្ពុជា ព្រមទាំងមានហេដ្ឋារចនាសម្ព័ន្ធគ្រប់គ្រាន់។
ការបង្កើតតំបន់សេដ្ឋកិច្ចពិសេសបានកាន់តែច្រើន សេដ្ឋកិច្ចជាតិក៏នឹងរីកចម្រើន កាន់តែខ្លាំងដូចគ្នា។ នេះបើតាមការលើកឡើងរបស់អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា។
អ្នកឧកញ៉ាបានបន្តគូសបញ្ជាក់ថា៖
“តំបន់សេដ្ឋកិច្ចពិសេសនេះ មានកាន់តែច្រើន កាន់តែល្អ សម្រាប់សេដ្ឋកិច្ចយើង ជាពិសេសនៅតាមខេត្តជាប់ព្រំដែន វាធ្វើឱ្យមានកំណើនជីវភាពប្រជាពលរដ្ឋ ដែលនៅជុំវិញនោះកាន់តែធូរធា ដោយសារមានការងារធ្វើច្រើន សេដ្ឋកិច្ចមានដំណើរការ។”
ស្រដៀងគ្នានេះ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាក៏បានលើកឡើងផងដែរថា ការបង្កើតតំបន់សេដ្ឋកិច្ចពិសេសគឺមិនមាន ផ្ដល់ផលប៉ះពាល់ជាអវិជ្ជមានសម្រាប់កម្ពុជានោះទេ ផ្ទុយទៅវិញ វាគឺជារឿងចំណេញសម្រាប់ សេដ្ឋកិច្ចជាតិ។
ម្យ៉ាងទៀត សម្រាប់បរិបថនៃប្រទេសជឿនលឿន ពួកគេបានប្រើប្រាស់តំបន់សេដ្ឋកិច្ចពិសេសនេះ ដើម្បីជំរុញកំណើនសេដ្ឋកិច្ចជាតិ។ ហើយអ្វីដែលកម្ពុជាធ្វើកន្លងមកនេះ ក៏ជាការដើរតាមគម្រូ របស់ប្រទេសមានសេដ្ឋកិច្ចជឿនលឿនផងដែរ។
លោកបណ្ឌិតបន្តគូសបញ្ជាក់ទៀតថា៖
“គេបង្កើតតំបន់នេះឡើងដើម្បីប្រមូលផ្ដុំអ្នកវិនិយោគឱ្យមកនៅជុំគ្នា និងមានការគាំទ្រពីរដ្ឋាភិបាលដោយកសាងហេដ្ឋារចសម្ព័ន្ធជូន ហើយវិនិយោគិនក៏មានភាពងាយស្រួលច្រើនក្នុងការធ្វើអាជីវកម្ម។”
យោងតាមរបាយការណ៍ពីក្រុមប្រឹក្សាអភិវឌ្ឍន៍កម្ពុជាដដែល ការនាំចេញទំនិញពីកម្ពុជាទៅខាងក្រៅ ក្នុងរយៈពេល ១០ឆ្នាំជាប់ៗគ្នានេះ មានការកើនឡើងប្រមាណជាជាង ១០ភាគរយក្នុងមួយឆ្នាំ។ ហើយការកើនឡើងបែបនេះ ជាការរួមចំណែកមួយផ្នែកធំមកពីតំបន់សេដ្ឋកិច្ចពិសេសនេះឯង។
តាមរយៈផលវិជ្ជមានកន្លងមកនេះ អ្នកឧកញ៉ា លឹម ហេង បានដាក់ក្ដីរំពឹងថា នៅពេលអនាគត តំបន់សេដ្ឋកិច្ចពិសេសនៅតែមានការកើនឡើង តាមរយៈច្បាប់វិនិយោគថ្មីរបស់រាជរដ្ឋាភិបាល ដែលមានការយោគយល់ច្រើន ក្រៅពីនោះក៏មាននូវកិច្ចព្រមព្រៀងផ្សេងៗ ដែលជំរុញឱ្យមានការនាំចេញផងដែរ៕
Account
Security
Favourite Content