សមាគមមីក្រូហិរញ្ញវត្ថុកម្ពុជា (CMA) នឹងរៀបចំសន្និសីទមីក្រូហិរញ្ញវត្ថុប្រចាំឆ្នាំ២០២៣ នៅថ្ងៃចុងសប្ដាហ៍នេះ

ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នឹងរៀបចំសន្និសីទមីក្រូហិរញ្ញវត្ថុប្រចាំឆ្នាំ២០២៣ នៅថ្ងៃទី២៤ ខែវិច្ឆិកា សប្តាហ៍នេះ នាខេត្តសៀមរាប ក្រោមប្រធានបទ «បរិយាបន្នហិរញ្ញវត្ថុប្រកបដោយទំនួលខុសត្រូវ ភាពធន់ និងនិរន្តរភាព វិស័យហិរញ្ញវត្ថុនៅកម្ពុជា»។

ព្រឹត្តិការណ៍ប្រចាំឆ្នាំនេះនឹងមានការចូលរួមពីសំណាក់ឥស្សរជនលេចធ្លោជាច្រើន រួមទាំងអ្នកបង្កើតគោលនយោបាយ សេដ្ឋវិទូ ថ្នាក់ដឹកនាំអាជីវកម្ម ថ្នាក់ដឹកនាំធនាគារ និងមីក្រូហិរញ្ញវត្ថុ ព្រមទាំងភាគីពាក់ព័ន្ធសំខាន់ៗផ្សេងទៀត ដែលនឹងរួមគ្នាពិភាក្សាអំពីប្រធានបទសំខាន់ៗ ដែលកំពុងទទួលបានការចាប់អារម្មណ៍នាពេលបច្ចុប្បន្ន។

លោក សុខ វឿន ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជាបានថ្លែងថា នេះជាលើកទី១៦ ហើយ​ដែលសមាគមបានរៀបចំសន្និសីទមីក្រូហិរញ្ញវត្ថុប្រចាំឆ្នាំ ដើម្បីជជែកពិភាក្សាអំពីនិន្នាការនានា បញ្ហាប្រឈម និងដំណោះស្រាយ ក៏ដូចជាវឌ្ឍនភាពសំខាន់ៗរបស់វិស័យ និងដើម្បីចែករំលែកបទពិសោធថ្មីៗ និងចំណេះដឹង​ពីសំណាក់វាគ្មិនជំនាញ ដើម្បីបន្តគាំទ្រ និងពង្រឹងកំណើនវិស័យហិរញ្ញវត្ថុប្រកបដោយចីរភាព និងនិរន្តរភាព។

លោក សុខ វឿន មានប្រសាសន៍ថា ៖

« សន្និសីទមីក្រូហិរញ្ញវត្ថុប្រចាំឆ្នាំ២០២៣ មិនត្រឹមតែជាធាតុចូលដ៏ចម្បងសម្រាប់កិច្ចការអភិវឌ្ឍវិស័យហិរញ្ញវត្ថុប្រកបដោយបរិយាបន្នប៉ុណ្ណោះទេ តែថែមទាំងនឹងក្លាយជាវេទិកា និងកាលានុវត្តភាពដ៏សំខាន់សម្រាប់កិច្ចពិភាក្សា ការ​ផ្លាស់​ប្តូរមតិយោបល់រវាងនិយ័តករ អាជ្ញាធរពាក់ព័ន្ធ ដៃគូអភិវឌ្ឍ វិនិយោគិន ម្ចាស់ជំនួយ គ្រឹះស្ថានធនាគារនិងហិរញ្ញវត្ថុ ព្រមទាំងភាគីពាក់ព័ន្ធដើម្បីធ្វើការរួមគ្នាក្នុងការលើកកម្ពស់បរិយាបន្នហិរញ្ញវត្ថុប្រកបដោយទំនួលខុសត្រូវនៅកម្ពុជា»។

លោកបានបន្ថែមថា ៖

«សន្និសីទនេះនឹងចូលរួមចំណែកយ៉ាងសំខាន់ក្នុងការពាំនាំនូវយុទ្ធសាស្រ្តសំខាន់ៗ និន្នាការ ក៏ដូចជាបទបញ្ញតិច្បាប់នានា ជាពិសេសគឺការចែករំលែកបទពិសោធថ្មីៗពីវាគ្មិនជំនាញ ពាក់ព័ន្ធនឹងវិស័យ បញ្ហាប្រឈម និងគំនិតផ្តួចផ្តើមនានារបស់វិស័យ ដែលជាមូលដ្ឋានគ្រឹះដ៏សំខាន់ដើម្បីកិច្ចការពង្រឹងវិស័យមីក្រូហិរញ្ញវត្ថុនៅថ្ងៃអនាគត»។

សន្និសីទមីក្រូហិរញ្ញវត្ថុប្រចាំឆ្នាំ២០២៣នេះ នឹងប្រារព្ធធ្វើឡើងដោយផ្តោតលើប្រធានបទសំខាន់ៗចំនួន៤ រួមមាន៖ ១/. ការឆ្លុះបញ្ចាំងពីស្ថានភាព និងលក្ខណៈនៃសេដ្ឋកិច្ចកម្ពុជា ស្ថិរភាពរបស់វិស័យហិរញ្ញវត្ថុ បញ្ហាប្រឈម និងឱកាស ២/. ការចែករំលែកពីដំណើរការ និងការអនុវត្តល្អៗ​នៃយន្តការហិរញ្ញវត្ថុសម្រាប់ការគាំទ្រសហគ្រាសខ្នាតមីក្រូ តូច និងមធ្យម ហិរញ្ញប្បទានបៃតង និងទឹកស្អាត អនាម័យ ៣/. ការពង្រឹងភាពធន់សម្រាប់វិស័យ​ និងដំណោះស្រាយប្រកបដោយនវានុវត្តន៍ ៤/. ការពិនិត្យឡើងវិញពីបញ្ហាប្រឈម ឱកាស ​និងសេចក្តីថ្លែងការណ៍រួមនៃអង្គសន្និសីទស្តីពីការពង្រឹងបរិយាបន្ននៅកម្ពុជាប្រកបដោយទំនួលខុសត្រូវ និងនិរន្តភាព។

សូមចូលរួម​ក្នុងសន្និសីទមីក្រូហិរញ្ញវត្ថុប្រចាំឆ្នាំ២០២៣ នេះ ដើម្បីទទួលបានចំណេះដឹង និងបទពិសោធល្អៗ ដោយគ្រាន់តែចុះឈ្មោះទិញសំបត្រចូលរួម តាមរយៈតំណភ្ជាប់ https://qrco.de/AMC2023

សម្រាប់ព័ត៌មានបន្ថែម សូមទាក់ទងមកកាន់ទូស័ព្ទលេខ 016 768 494 / 092 768 494 ឬអ៊ីមែលមកកាន់ [email protected][email protected]


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

មន្ត្រីកសិកម្ម ៖ កិច្ចអន្តរាគមផ្នែកបច្ចេកទេស ជាអាទិភាពដើម្បីរកដំណោះស្រាយជូនប្រជាកសិករដែលជួបបញ្ហាពីការផ្ទុះឡើងករណីដង្កូវហ្វូង

ព្រឹត្តិការណ៍, សេដ្ឋកិច្ច

• 25/06/2024

ឯកឧត្តម ងិន ឆាយ បានថ្លែងថា ការងារអន្តរាគមន៍ខាងផ្នែកបច្ចេកទេស ជាអាទិភាពចាំបាច់ដើម្បីស្វែងរកដំណោះស្រាយជូនពុកម៉ែបងប្អូនប្រជាកសិករនៅតាមមូលដ្ឋាន

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *