អត្រាអតិផរណា​នៅកម្ពុជាគឺស្ថិតក្នុងកម្រិតមធ្យម​ មិនប៉ះពាល់ខ្លាំងដល់ការ​វិនិយោគ និងជីវភាពរស់នៅប្រជាជននោះទេ

ភ្នំពេញ ៖ ក្រោមឥទ្ធិពលនៃ​ការឡើងថ្លៃប្រេងឥន្ធនៈនៅលើពិភពលោក អតិផរណា​កម្ពុជាបាន​កើនឡើងនៅឆ្នាំ២០២២ ប៉ុន្តែស្ថិតក្នុងកម្រិតមធ្យម​ ដែលមិនប៉ះពាល់ខ្លាំងដល់ការ​វិនិយោគ ផលិតកម្ម និងការប្រើប្រាស់ ក៏ដូចជាជីវភាពរស់នៅរបស់ប្រជាជនកម្ពុជានោះទេ។

ថ្លែងក្នុងឱកាសបើកសន្និបាតបូកសរុបលទ្ធផលការងារប្រចាំឆ្នាំ២០២២ និងទិសដៅការងារឆ្នាំ២០២៣ របស់ធនាគារជាតិនៃកម្ពុជា ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា មានប្រសាសន៍ថា នាឆ្នាំ២០២២ សេដ្ឋកិច្ចពិភពលោកបានបន្តងើបឡើងដោយសារភាពធូរស្រាលនៃការរាលដាលនៃជំងឺកូវីដ-១៩ ប៉ុន្តែបញ្ហាប្រឈមមួយចំនួននៅតែបន្តមាន ដូចជា ការរអាក់​​រអួលនៃខ្សែច្រវាក់ផ្គត់ផ្គង់ដោយសារវិធានការបិទខ្ទប់នៅប្រទេសចិន និងការផ្ទុះឡើងសង្រ្គាមរុស្ស៊ី-អ៊ុយក្រែន ដែលបានបង្កើនថ្លៃប្រេងឥន្ធនៈ ម្ហូបអាហារ និងវត្ថុធាតុដើម។ ការអូសបន្លាយនៃសង្គ្រាមបានធ្វើឱ្យអតិផរណាពិភពលោកកើនឡើងយ៉ាងឆាប់រហ័សដល់ ៨,៨%។

នៅសហរដ្ឋអាមេរិក អតិផរណាបានកើនឡើងដល់អត្រា ៩,១% ដែលជាកម្រិតខ្ពស់បំផុត​ក្នុង​រយៈពេល ៤ទសវត្សរ៍​ចុងក្រោយ។ ដើម្បី​ប្រឆាំង​​អតិផរណា​ ធនាគារ​កណ្តាល​អាមេរិក​បានដំឡើងអត្រាការ​ប្រាក់​គោល​​យ៉ាងគំហុក​លឿន​ជាងការរំពឹងទុក ដែលបានបណ្តាលឱ្យមូលធនហូរចូលសហរដ្ឋ​អាមេរិក​ ហើយបង្កឱ្យប្រាក់ដុល្លារអាមេរិកឡើង​ថ្លៃ និងភាព​រឹតត្បិតនៃទីផ្សារ​ហិរញ្ញ​វត្ថុ​អន្តរជាតិ។​

ក្នុង​ស្ថាន​ភាព​នេះ ធនាគារកណ្តាលផ្សេងទៀតបាន​ប្រឈម​នឹង​បញ្ហា​ចម្បងយ៉ាងហោច ៣ គឺ i/-កម្រិតខ្ពស់​នៃ​អតិផរណា ii/-លំហូរចេញនៃមូលធន និង iii/-ការ​ធ្លាក់​ថ្លៃ​រូបិយប័ណ្ណ​របស់​ខ្លួន។​ ជាក់ស្តែង អត្រាអតិផរណាកើនឡើងដល់​ ៨,៦% នៅប្រទេសអង់គ្លេស ៧,៣% នៅអាល្លឺម៉ង់ ៦,២% នៅបារាំង ៧% នៅឥណ្ឌា និង ៦,១% នៅថៃ ។ ប្រាក់យេនជប៉ុនបានធ្លាក់ថ្លៃ -២៣% ផោនអង់គ្លេស -១៨% ប្រាក់អឺរ៉ូធ្លាក់ថ្លៃ -១៦%​ និងរូបិយប័ណ្ណក្នុងតំបន់អាស៊ាន ដូចជា ប្រាក់បាតថៃបានធ្លាក់ថ្លៃ -១១% និងរីងហ្គីតម៉ាឡេស៊ី -៨% ជាដើម។

កត្តាទាំងនេះ​បានបង្អាក់សន្ទុះកំណើនសេដ្ឋកិច្ច និងប្រឈមនឹងសេដ្ឋកិច្ច Stagflation ដែលមានន័យថាកំណើនមានកម្រិតទាប អត្រាគ្មានការងារខ្ពស់ ហើយអតិផរណាស្ថិតក្នុងកម្រិតខ្ពស់។ ​ជាការឆ្លើយតប ធនាគារកណ្តា​លភាគច្រើនបានដំឡើង​អត្រាការ​ប្រាក់គោល ដើម្បីបន្ថយតម្រូវការ និង​ធ្វើ​អន្តរាគមន៍នៅលើទីផ្សារប្តូរប្រាក់តាមរយៈការលក់ប្រាក់ដុល្លារអាមេរិក ដើម្បីស្រូបយករូបិយប័ណ្ណរបស់ខ្លួនពីសេដ្ឋកិច្ចសំដៅបន្ថយការធ្លាក់ចុះថ្លៃរូបិយប័ណ្ណ។ ជាលទ្ធផល ទុនបម្រុងអន្តរជាតិនៅប្រទេសដែលអន្តរាគមន៍ក្នុងទំហំច្រើនបានធ្លាក់ចុះគួរឱ្យកត់​សម្គាល់​ ដូចជា​ នៅប្រទេសអង់គ្លេសធ្លាក់ចុះ -១៩% ឥណ្ឌា -១៧% ជប៉ុន -១២% និងកូរ៉េ -១០%។

ឯកឧត្តម ជា ចាន់តូ បានមានប្រសាសន៍ថា នៅកម្ពុជា សេដ្ឋកិច្ច​ត្រូវបានប៉ាន់ស្មានថាបន្តងើបឡើង​ក្នុង​អត្រា ៥,១% ខ្ពស់ជាងឆ្នាំ២០២១ ដែលគាំទ្រដោយការនាំចេញ​ ជាពិសេស វិស័យ​វាយនភណ្ឌ ភាពប្រសើរឡើង​​ជាលំដាប់នៃវិស័យ​សេវាកម្ម និងប្រក្រតីភាពនៃសកម្មភាពសេដ្ឋកិច្ចក្នុងស្រុក បើទោះបី​ជា​​វិស័យ​កសិកម្ម សំណង់ និងអចលនទ្រព្យ​កើនទាបក៏ដោយ។ ការងើបឡើងនៃកំណើន បន្តសម្រេចបានគឺដោយសារការគ្រប់គ្រងការរាលដាលជំងឺកូវីដ-១៩ ​ប្រកបដោយ​ប្រសិទ្ធ​ភាព​​ខ្ពស់របស់រាជរដ្ឋាភិបាលនិងភាពរឹងមាំនៃទំនុកចិត្តរបស់វិនិយោគិន។ ជាមួយគ្នានេះ វិធានការសេដ្ឋកិច្ចនិងហិរញ្ញវត្ថុដែល​ត្រូវ​បានដាក់ចេញជាបន្តបន្ទាប់ គួបផ្សំនឹង​ការបន្ធូរបន្ថយ​បទប្បញ្ញត្តិក្នុងវិស័យធនាគារ បានជួយគាំទ្របន្ថែមទៀតដល់សន្ទុះកំណើន និងកាត់បន្ថយ​ប៉ះពាល់រយៈពេលមធ្យមនិងវែងនៃវិបត្តិ។

ឯកឧត្តមបានថ្លែងដូច្នេះថា ៖

“ក្រោមឥទ្ធិពលនៃ​ការឡើងថ្លៃប្រេងឥន្ធនៈនៅលើពិភពលោក អតិផរណា​កម្ពុជាក៏បាន​កើនឡើងផងដែរ ជា​ពិសេស​ចាប់​ពីខែមីនា ដល់​ខែមិថុនា ដល់  ៧,៨% ប៉ុន្តែ​បាន​ថយចុះ​​ម​កវិញ​ជា​បន្ត​បន្ទាប់​នៅ​ឆមាសទី២ ហើយ​គិត​ត្រឹម​ខែ​ធ្នូនេះ អតិផរណាមានកម្រិត​ត្រឹមតែ ២,៩% ប៉ុណ្ណោះ។ អត្រាអតិផរណា​មធ្យមប្រចាំឆ្នាំ២០២២ មានកម្រិត ៥,៤% ដែលជាកម្រិតមធ្យម​និងមិនប៉ះពាល់ខ្លាំងដល់ការ​វិនិយោគ ផលិតកម្ម និងការប្រើប្រាស់ ក៏ដូចជាជីវភាពរស់នៅរបស់ប្រជាជនកម្ពុជា”

ឯកឧត្តមបានបន្តថា ស្ថិរភាពអត្រាប្តូរប្រាក់រៀលធៀបនឹងដុល្លារអាមេរិក​បាន​រួមចំណែក​យ៉ាង​សំខាន់ ក្នុងការកាត់បន្ថយ​ការកើនឡើងនៃអតិផរណា តាមរយៈការការពារអំណាចទិញនៃប្រាក់រៀល និងការថយចុះ​អតិផរណា​នាំចូល​នាពេលដែល​ប្រាក់​ដុល្លារអាមេរិក​ឡើងថ្លៃ។ ការសម្រេចបានស្ថិរភាពអត្រាប្តូរប្រាក់ គឺអាស្រ័យដោយការអនុវត្តនយោបាយរូបិយវត្ថុនិងអត្រាប្តូរប្រាក់ប្រកបដោយភាពប្រុងប្រយ័ត្ន ជាមួយនឹងការថ្លឹងថ្លែងពីការ​ផ្គត់ផ្គង់​រូបិយវត្ថុ​ក្នុង​កម្រិតសមស្រប​ ដើម្បីរួមចំណែកគាំទ្រការងើបឡើង​នៃសេដ្ឋកិច្ច។

យោងតាមឯកឧត្តមទេសាភិបាលធនាគារជាតិនៃកម្ពុជា ការស្រូប​យកនិង​ការចាក់បញ្ចូល​សន្ទនី​យភាព​នៅក្នុង​ប្រព័ន្ធធនាគារ​ តាមរយៈ​ឧបករណ៍​នយោបាយ​រូបិយវត្ថុ​ ដូចជា មូលបត្រអាចជួញដូរបាន (NCD) និង ប្រតិបត្តិការផ្តល់សន្ទនីយភាពដោយមានការធានា (LPCO) ​ត្រូវបាន​ធ្វើឡើង​ដោយសកម្ម និងកាន់តែមាន​ប្រសិទ្ធភាព​។ គួរ​រំលេច​ថា ក្នុងខណៈដែល​ប្រទេសនានាបានធ្វើ​អន្តរាគមន៍​​ក្នុង​ទីផ្សារ​ប្តូរប្រាក់​ដ៏ច្រើនសន្ធឹកសន្ធាប់ ដើម្បី​កាត់បន្ថយការ​ធ្លាក់ថ្លៃនៃ​រូបិយប័ណ្ណ​របស់​ខ្លួន ធនាគារជាតិនៃកម្ពុជា​​បាន​ធ្វើ​អន្តរាគមន៍លើ​​ទីផ្សារ​ប្តូរប្រាក់​ក្នុង​បរិមាណ​តិច​តួច​ គឺប្រមាណ​​តែ ៩ លាន​ដុល្លារអាមេរិកប៉ុណ្ណោះ បើធៀបនឹងប្រមាណជិត ៦០០លានដុល្លារអាមេរិកកាលពីឆ្នាំកន្លងទៅ​។

ដូច្នេះ ទុនបម្រុងអន្តរជាតិនៅ​រក្សា​កម្រិតខ្ពស់គ្រប់គ្រាន់ ដែលស្មើនឹង ៧ខែ នៃការនាំចូលទំនិញនិងសេវាសម្រាប់គ្រាបន្ទាប់ ខ្ពស់ជាងកម្រិតអប្បបរមា ៣ខែ សម្រាប់ប្រទេសកំពុងអភិវឌ្ឍន៍។ ទោះយ៉ាងណា ទុនបម្រុងអន្តរជាតិក៏បានថយចុះបន្តិច​ផងដែរ ក្រោមឥទ្ធិពលនៃការប្រែប្រួលស្ថានភាពហិរញ្ញវត្ថុអន្តរជាតិ និងការឡើងថ្លៃនៃប្រាក់ដុល្លារអាមេរិកក៏ដោយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ