សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ កំណើនសេដ្ឋកិច្ចអាម៉េរិកក្នុងត្រីមាសទីពីរឆ្នាំនេះ បានកើនឡើងយឺតជាងការរំពឹងទុក ខណៈអត្រាអតិផរណាក្នុងខែមិថុនា នៅតែស្ថិតក្នុងកម្រិតខ្ពស់ជាងគោលដៅរបស់ធនាគារកណ្តាលអាម៉េរិក (Fed)។ នេះបើយោងតាមការរាយការណ៍របស់ Al Jazeera។
យោងតាមការិយាល័យវិភាគសេដ្ឋកិច្ចអាម៉េរិក កំណើនសេដ្ឋកិច្ចអាម៉េរិកបានកើនឡើងក្នុងអត្រា ១.៥ ភាគរយក្នុងត្រីមាសទីពីរ ចាប់ពីខែមេសា ដល់ខែមិថុនា ដែលទាបជាងការព្យាករណ៍របស់ក្រុមអ្នកសេដ្ឋកិច្ចដែលរំពឹងថានឹងកើនឡើង ១.៨ ភាគរយ និងធ្លាក់ចុះពីអត្រាកំណើន ២.១ ភាគរយក្នុងត្រីមាសទីមួយ។
ទោះជាយ៉ាងណា ការចំណាយរបស់អ្នកប្រើប្រាស់បានកើនឡើង ៣.២ ភាគរយក្នុងត្រីមាសទីពីរ បើទោះបីជាអ្នកប្រើប្រាស់ត្រូវប្រឈមនឹងការចំណាយលើប្រេងឥន្ធនៈក្នុងតម្លៃខ្ពស់ក៏ដោយ។
នៅក្នុងខែកក្កដា តម្លៃប្រេងឥន្ធនៈបានកើនឡើងដល់ ៤.០៩ ដុល្លារក្នុងមួយហ្គាឡុង ពី ៣.៨៤ ដុល្លារក្នុងមួយហ្គាឡុងកាលពីខែមិថុនា។ មុនពេលមានជម្លោះរវាងអាម៉េរិក និងអ៊ីរ៉ង់ តម្លៃប្រេងឥន្ធនៈជាមធ្យមមានត្រឹម ២.៩៨ ដុល្លារក្នុងមួយហ្គាឡុង។
ទោះបីការចំណាយរបស់អ្នកប្រើប្រាស់នៅតែមានភាពរឹងមាំក៏ដោយ អត្រាសន្សំផ្ទាល់ខ្លួនបានធ្លាក់ចុះមកត្រឹម ២.៧ ភាគរយ ដែលជាកម្រិតទាបបំផុតក្នុងរយៈពេល ៤ ឆ្នាំចុងក្រោយ ខណៈអតិផរណានៅតែមានកម្រិតខ្ពស់។
អត្រាអតិផរណាប្រចាំឆ្នាំដែលវាស់តាមសន្ទស្សន៍តម្លៃចំណាយលើការប្រើប្រាស់ផ្ទាល់ខ្លួន (PCE) បានកើនឡើង ៣.៧ ភាគរយក្នុងខែមិថុនា ដែលនៅតែខ្ពស់ជាងគោលដៅ ២ ភាគរយរបស់ធនាគារកណ្តាលអាម៉េរិក។
សន្ទស្សន៍ PCE គឺជាមាត្រដ្ឋានសំខាន់មួយដែលធនាគារកណ្តាលអាម៉េរិកប្រើប្រាស់ ដើម្បីវាស់វែងអតិផរណា និងតាមដានការប្រែប្រួលនៃតម្លៃទំនិញ និងសេវាកម្ម។
ការកើនឡើងនៃសន្ទស្សន៍ PCE ដល់ ៣.៧ ភាគរយក្នុងខែមិថុនា មានន័យថា តម្លៃទំនិញ និងសេវាកម្មដែលអ្នកប្រើប្រាស់ទិញ មានតម្លៃថ្លៃជាងមុនជាមធ្យម ៣.៧ ភាគរយ បើធៀបនឹងរយៈពេលដូចគ្នាកាលពីឆ្នាំ ២០២៥។
ដោយសារក្តីបារម្ភអំពីអតិផរណា ធនាគារកណ្តាលអាម៉េរិកក៏បានសម្រេចរក្សាអត្រាការប្រាក់នៅកម្រិតដដែលពី ៣.៥ ដល់ ៣.៧៥ ភាគរយ ជាលើកទី៥ ជាប់ៗគ្នា៕
Account
Security
Favourite Content