សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការចេញផ្សាយរបស់ដោយទូរទស្សន៍ BBC នៅសប្តាហ៍នេះបានសរសេរថា ក្រុមអ្នកជំនាញខាងបរិស្ថានអន្តរជាតិជាច្រើនបានចាត់ទុកថា ក្រុមហ៊ុនផលិតភេសជ្ជៈ Coca Cola ស្ថិតនៅក្នុងចំណោមក្រុមហ៊ុនដែលបញ្ចេញសារធាតុបំពុលបរិយាកាសដោយប្លាស្ទិកកំពូលលើលោក “top global plastic polluter”អស់រយៈពេល៦ឆ្នាំជាប់គ្នាមកហើយ។
យ៉ាងណាក៏ដោយ ទោះបីជាមានការប្តេជ្ញាចិត្តឡើងវិញចំពោះបរិស្ថានកាលពីប៉ុន្មានឆ្នាំចុងក្រោយនេះក្តី ប៉ុន្តែមកដល់អាណត្តិរបស់លោកប្រធានាធិបតីអាមេរិក Donald Trump ក្រុមហ៊ុនភេសជ្ជៈដែលមានមូលដ្ឋានធំនៅអាមេរិកមួយនេះនឹងអាចសម្រេចចិត្តផ្លាស់ប្តូរផែនការចាស់របស់ខ្លួន ដោយងាកទៅបន្តការផលិតដបប្លាស្ទិកសម្រាប់វេចខ្ចប់ និងច្រករក្សាភេសជ្ជៈរបស់ខ្លួនក្នុងចំនួនច្រើនឡើងវិញក្នុងពេលខាងមុខឆាប់ៗនេះ។
ប្រធានប្រតិបត្តិក្រុមហ៊ុន Coca Cola លោក James Quincey ដែលត្រូវបានដកស្រង់សម្ដីដោយ BBC បានថ្លែងទៅកាន់ក្រុមអ្នកវិនិយោគថា៖ ក្រុមហ៊ុនអាចនឹងធ្វើការផលិត និងលក់ភេសជ្ជៈដែលវេចខ្ចប់នៅក្នុងដបប្លាស្ទិកក្នុងចំនួនច្រើនឡើងវិញប្រសិនបើគោលនយោបាយតម្លើងពន្ធរបស់ប្រធានាធិបតី Trump នឹងត្រូវអនុវត្តពេញលេញដែលក្នុងនោះប្រាកដណាស់នឹងធ្វើឲ្យការផលិតភេសជ្ជៈដែលវេចខ្ចប់នៅក្នុងកំប៉ុងធ្វើពីអាលុយមីញ៉ូមនឹងមានតម្លៃថ្លៃដើមខ្ពស់ខ្លាំង។
ដំណឹងនេះបានផ្ទុះឡើងភ្លាមក្រោយពេលដែលប្រធានាធិបតីថ្មីរូបនេះបានចេញបញ្ជាឲ្យមានការរឹតត្បិតការនាំចូល និងដាក់ពន្ធបន្ថែម ២៥ភាគរយ ទៅលើផលិតផលផលិតពីដែក និងអាលុយមីញ៉ូមចូលមកក្នុងទីផ្សារអាមេរិកដែលវាជាកត្តានាំឲ្យមានការកើនឡើងតម្លៃយ៉ាងខ្លាំង ដែលមិនត្រឹមតែភេសជ្ជៈកំប៉ុងរបស់ Coca Cola នោះទេ ថែមទាំងអាហារដែលវេចខ្ចប់នៅក្នុងកំប៉ុងទាំងអស់ផងដែរ។
គិតត្រឹមខែធ្នូ ឆ្នាំ២០២៤កន្លងទៅនេះ ក្រុមហ៊ុន Coca Cola បានបង្ខំចិត្តកាត់បន្ថយផែនការក្នុងការប្រើប្រាស់វត្ថុធាតុដើមដែលអាចកែច្នៃឡើងមកត្រឹមតែ៥០ភាគរយនៅត្រឹមឆ្នាំ២០៣០ និងបន្តធ្លាក់មកត្រឹមតែ ៣៥ ទៅ ៤០ភាគរយប៉ុណ្ណោះនៅក្នុងឆ្នាំ២០៣៥។
អ្វីដែលគួរឲ្យចាប់អារម្មណ៍នោះគឺថា សហរដ្ឋអាមេរិកជារៀងរាល់ឆ្នាំបាននាំចូលសារធាតុអាលុយមីញ៉ូមដល់ទៅជាងពាក់កណ្តាលពីក្រៅប្រទេស ដូច្នេះការបង្កើនតម្លៃពន្ធបន្ថែមដល់ទៅ ២៥ភាគរយនេះ ពិតជាធ្វើឲ្យតម្លៃថ្លៃដើមក្នុងការផលិតជាផលិតផលសម្រេចកាន់តែមានតម្លៃខ្ពស់ខ្លាំងជាមិនខាន៕
Account
Security
Favourite Content