សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខេត្តសក្ដានុពលចំនួន ២ រួមមានខេត្តព្រះសីហនុ និងខេត្តសៀមរាប ត្រូវបានរាជរដ្ឋាភិបាលអាណត្តិមុន និងអាណត្តិនេះ កំពុងបន្តយកចិត្តទុកដាក់ដោយរៀបចំហេដ្ឋារចនាសម្ព័ន្ធ និងបែងចែកប្រភេទដីដើម្បីបង្កភាពងាយស្រួលក្នុងការទាក់ទាញវិនិយោគិនក្នុង និងក្រៅប្រទេសចូលមកបណ្ដាក់ទុនវិនិយោគ ។
ខេត្តទាំងពីរនេះ ត្រូវបានរាជរដ្ឋាភិបាលចំណាយថវិកាខ្ទង់រយលានដុល្លារអាមេរិកដើម្បីសាងសង់ហេដ្ឋារចនាសម្ព័ន្ធក្នុងក្រុង សម្រួលការធ្វើដំណើរ និងរៀបចំបានឱ្យស្អាតប្លែកខុសពីខេត្តដទៃទៀត ហើយខេត្តទាំង ២ នេះដែរ ក៏គ្រោងនឹងបែងចែកប្រភេទដីទៅតាមតំបន់ ដូចជា តំបន់ឧស្សាហកម្ម តំបន់ពាណិជ្ជកម្ម និងតំបន់លំនៅឋានជាដើម ដើម្បីសម្រួលដល់អ្នកវិនិយោគដែលចូលមកកម្ពុជាងាយស្រួលក្នុងរកទីតាំងវិនិយោគរបស់ពួកគេ ។
បើតាមឯកឧត្តម គួច ចំរើន អភិបាលខេត្តព្រះសីហនុ កាលពីពេលកន្លងមកនេះ បានជម្រាបជូនបណ្ដាវិនិយោគិនបរទេសដែលចូលមកសិក្សាពីឱកាសវិនិយោគក្នុងខេត្តព្រះសីហនុថា រាជរដ្ឋាភិបាលក៏ដូចជារដ្ឋបាលខេត្តព្រះសីហនុ បាន និងកំពុងរៀបចំបែងចែកដីធ្លីទៅតាមតំបន់ ដូចជាតំបន់ឧស្សាហកម្ម តំបន់សណ្ឋាគារ និងបដិសណ្ឋារកិច្ច តំបន់ពាណិជ្ជកម្ម តំបន់លំនៅឋាននិងតំបន់កម្សាន្តជាដើម ។ ការរៀបចំបែបនេះ នឹងងាយស្រួលដល់អ្នកវិនិយោគដែលចង់វិនិយោគទៅលើវិស័យណាមួយ ។ ឧទាហរណ៍ថា អ្នកវិនិយោគចង់វិនិយោគលើសណ្ឋាគារ គាត់អាចទៅរកតំបន់ដែលយើងកំណត់សម្រាប់អភិវឌ្ឍន៍សណ្ឋាគារ ។
ឯកឧត្តមបានបញ្ជាក់ថា បច្ចុប្បន្ននេះ ខេត្តព្រះសីហនុបាន និងកំពុងទទួលបានវិនិយោគិនចូលមកបណ្ដាក់ទុនជាបណ្ដើរៗឡើងវិញ ដោយមានវិនិយោគិនថ្មីៗជាច្រើនចាប់អារម្មណ៍ និងបង្ហាញពីបំណងវិនិយោគរបស់ពួកគេនៅក្នុងខេត្តព្រះសីហនុ ។
ដោយឡែក ខេត្តសៀមរាបវិញសម្ដេចធិបតី ហ៊ុន ម៉ាណែត នាយរដ្ឋមន្ត្រីនៃព្រះរាជាណាចក្រកម្ពុជា ក៏បានជំរុញឱ្យក្រសួងស្ថាប័ននិងអាជ្ញាធរពាក់ព័ន្ធ រៀបចំបែងចែកទៅតាមប្រភេទដីជាពិសេសសម្ដេចបានជំរុញឱ្យមានការអភិវឌ្ឍនៅតំបន់រុនតាឯក និងពាក់ស្នែងដើម្បីបង្កើតការងារជូនប្រជាពលរដ្ឋ និងរៀបចំដីសម្រាប់ឧស្សាហកម្ម និងពាណិជ្ជកម្ម ស្របនឹងព្រលានយន្តហោះថ្មីក្នុងទឹកដីខេត្តសៀមរាបកំពុងទទួលបានការចាប់អារម្មណ៍ខ្លាំងពីវិនិយោគិនបរទេស ។
គួរបញ្ជាក់ថា ខេត្តព្រះសីហនុ ជាតំបន់មួយដែលមានផ្លូវល្បឿនលឿនតភ្ជាប់ពីរាជធានីភ្នំពេញមុនគេ ហើយក្រោយពេលផ្លូវនេះ បានសាងសង់រួច និងដាក់ដំណើរការជាផ្លូវការនោះ សកម្មភាពទេសចរណ៍ និងពាណិជ្ជកម្មក្នុងខេត្តមួយនេះក៏ឃើញថាមានកំណើនគួរឱ្យកត់សម្គាល់ ។ ដោយឡែកខេត្តសៀមរាប ក៏ជាខេត្តមួយដែលគ្រោងនឹងសាងសង់ផ្លូវល្បឿនលឿនឆ្លងកាត់ដែរ គឺផ្លូវល្បឿនលឿន ភ្នំពេញ-សៀមរាប-ប៉ោយប៉ែត ។ គម្រោងសិក្សាផ្លូវល្បឿនលឿនភ្នំពេញ-សៀមរាប នឹងបញ្ចប់នៅខែកុម្ភៈ ឆ្នាំ២០២៤ខាងមុខនេះ ហើយក៏គ្រោងនឹងចាប់ផ្ដើមសាងសង់នៅពេលបន្ទាប់ផងដែរ ។ អ្វីដែលពិសេស ទាំងខេត្តព្រះសីហនុ និងខេត្តសៀមរាប គឺសុទ្ធតែមានអាកាសយានដ្ឋានអន្តរជាតិដូចគ្នា ដូច្នេះវាក៏អាចសម្រួលដល់ភ្ញៀវទេសចរបរទេសក៏ដូចជាវិនិយោគិនបរទេសអាចចុះចតនៅព្រលានយន្តហោះនេះផ្ទាល់តែម្ដង ៕
Account
Security
Favourite Content