សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងយុគ្គសម័យបច្ចេកវិទ្យានេះ លំហរនៃការប្រកួតប្រជែងផ្នែកអាជីវកម្មកាន់តែមានភាពទូលំទូលាយពាសពេញពិភពលោក ព្រោះបច្ចេកវិទ្យាបាននាំសេវាកកម្ម ឬផលិតផលរបស់អាជីវកម្មនានាទៅកាន់គ្រប់តំបន់ទាំងអស់បើទោះបីជាពួកគេគ្មានទីតាំងនៅទីនោះក៏ដោយ។ កត្តាទាំងអស់នេះ ជំរុញឱ្យម្ចាស់អាជីវកម្មនានាចាំបាច់ត្រូវតែសិក្សាជាប់ជាប្រចាំដើម្បីដឹងពីចរន្តនៃការបត់បែន ក៏ដូចជាវិធីសាស្រ្តអភិវឌ្ឍអាជីវកម្មរបស់ខ្លួនឱ្យមានសមត្ថភាពឈរជើងបានយូរក្នុងទីផ្សារ។
លោកបណ្ឌិត គា បូរ៉ា អ្នកជំនាញផ្នែកគណនេយ្យ និងទីផ្សារ បានលើកឡើងថា ពីមួយថ្ងៃទៅមួយថ្ងៃ ពិភពលោកបានប្រែប្រួលយ៉ាងឆាប់រហ័សដែលធ្វើឱ្យម្ចាស់អាជីវកម្មធំៗជាច្រើនត្រូវតែខិតខំអភិវឌ្ឍសមត្ថភាពរបស់ខ្លួនឱ្យទាន់សម័យកាល។ ប្រសិនបើពួកគេមិនព្រមអភិវឌ្ឍឱ្យទាន់របត់បច្ចេកវិទ្យា ពួកគេនឹងប្រឈមជាមួយនឹងរលកធំៗនៃការប្រកួតប្រជែង ឬអាចឈានទៅដល់បិទទ្វាក៏មាន។ ជាក់ស្តែង យើងឃើញហើយថាក្រុមហ៊ុនធំៗមួយចំនួនដូចជាក្រុមហ៊ុនបច្ចេកវិទ្យា ក្រុមហ៊ុនដឹកជញ្ជូន និងក្រុមហ៊ុនសេវាកម្មមួយចំនួនដែលធ្លាប់តែរឹងមាំខ្លាំងបំផុតលើពិភពលោក ឬជាប្រភេទក្រុមហ៊ុនដែលគ្រប់គ្នាមិនដែលគិតថាអាចនឹងរលំ បែរជាត្រូវបាត់មុខពីក្នុងទីផ្សារ ដោយសារតែបត់មិនទាន់របត់ពិភពលោក។
លោកបណ្ឌិត គា បូរ៉ា បានមានប្រសាសន៍ថា ៖
“ហេតុនេះ ម្ចាស់ក្រុមហ៊ុន សហគ្រាសនានា ចាំបាច់ត្រូវតែព្យាយាមសិក្សារៀនសូត្រជាប់ជានិច្ចទាំងបញ្ហាចរន្តទីផ្សារសកល ការប្រែប្រួលផ្នែកបច្ចេកវិទ្យា និងការប្រកួតប្រជែងផ្នែកគំនិតច្នៃប្រតិដ្ឋជាដើម”
អ្នកជំនាញផ្នែកទីផ្សារខាងលើបានលើកឡើងផងដែរថា បច្ចុប្បន្ននេះ ការសិក្សាមានភាពទូលាយខ្លាំងណាស់ ហើយក៏មិនសូវស្មុគស្មាញដូចកាលពីមុនដែរ។ ស្ថាប័នធំៗជាច្រើនដូចជាស្ថាប័នរបស់បណ្ឌិត Philip Kotler និងស្ថាប័នបណ្តុះបណ្តាលធំៗជាច្រើនផ្សេងទៀតសុទ្ធតែបង្កើតកម្មវិធីប្រមូលផ្តុំអ្នកជំនាញសំខាន់ៗលើពិភពលោក ដើម្បីផ្តល់ព័ត៌មាន និងចំណេះដឹងដល់ប្រជាជនលើពិភពលោក។ បន្ថែមពីលើនេះ គ្រឹះស្ថានធំៗលើពិភពលោកក៏ចាប់ផ្តើមបង្កើតវគ្គអនឡាញ ដើម្បីឱ្យអ្នកសិក្សាមានលទ្ធភាពរៀនពីចម្ងាយយ៉ាងងាយស្រួល មិនចាំបាច់ជិះយន្តហោះទៅរៀនដូចកាលពីមុននោះទេ។
ស្ថាបនិកស្ថាប័នអប់រំ Daily Plus លោក ពេជ្រ ពិសាល បានលើកឡើងថា ការសិក្សាពិតជាមានសារៈសំខាន់ខ្លាំងណាស់សម្រាប់ម្ចាស់អាជីវកម្ម ព្រោះប្រសិនបើពួកគាត់មិនរៀននោះទេ ក្រុមការងាររបស់គាត់អាចនឹងលំបាកប្រកួតប្រជែង ឬអាចនឹងខិតខំទៅរកទិសដៅខុស។ ចំណុចនេះ អាចនឹងធ្វើឱ្យអាជីវកម្មរបស់គាត់ត្រូវរលំ នៅពេលដៃគូប្រកួតប្រជែងមានសមត្ថភាពពេញលេញ និងច្នៃប្រតិដ្ឋជាង។ ទោះជាយ៉ាងនេះក្តី បញ្ហាប្រឈមរបស់អាជីវកម្មនានាគឺពួកគាត់មិនមានពេលវេលាគ្រប់គ្រាន់សម្រាប់បន្តការសិក្សាវគ្គវែងៗ ឬទៅសិក្សាក្នុងស្ថាប័នបណ្តុះបណ្តាលអន្តរជាតិផ្សេងៗនោះទេ ព្រោះគាត់រវល់ជាមួយនឹងចង្វាក់ផលិតកម្ម និងប្រតិបត្តិការរបស់គាត់។
លោក ពេជ្រ ពិសាល បាននិយាយថា ៖
“ជាដំណោះស្រាយដ៏ល្អ សម្រាប់ម្ចាស់អាជីវកម្មដែលចង់បន្តអភិវឌ្ឍសមត្ថភាព គឺគាត់អាចស្វែងរកអានសៀវភៅ ចូលរួមកម្មវីធីដែលទាក់ទងនឹងវិស័យរបស់គាត់ បន្តរៀនវគ្គខ្លី ឬសិក្សារយៈពេលវែងតាមរយៈកម្មវិធីសិក្សាអនឡាញរបស់ស្ថាប័នអប់រំផ្លូវការជាដើម”
អ្នកជំនាញអប់រំខាងលើបានបន្ថែមទៀតថា បច្ចុប្បន្ននេះ អ្នកជំនាញខ្លាំងៗលើពិភពលោកបានចេញផ្សាយសៀវភៅដែលជាស្នាដៃស្រាវជ្រាវលក្ខណៈវិទ្យាសាស្រ្ត ហេតុនេះ គេអាចសិក្សាមួយថ្ងៃបន្តិចៗតាមរយៈការអាន។ ប្រសិនបើបន្តការអាន មានន័យថា គេបានបន្តប្រមូលព័ត៌មានរួមទិន្នន័យជាច្រើនដែលមានប្រយោជន៍ ឬអាចដឹងពីចរន្តនាថ្ងៃអនាគតបានយ៉ាងល្អ។ បន្ថែមពីលើនេះ ការសិក្សាតាមរយៈអនឡាញ ក៏ជារឿងល្អផងដែរ ព្រោះម្ចាស់អាជីវកម្មមានពេលតិច ហេតុនេះនៅតែអាចយកចិត្តទុកដាក់ជាមួយអាជីវកម្មក្នុងពេលដំណាលគ្នានឹងពេលដែលបន្តការដុសខាតសមត្ថភាពជាមួយអ្នកនៅក្នុងវិស័យដូចគ្នា និងអ្នកជំនាញបានយ៉ាងល្អ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
អាម៉េរិកចំណាយជាង ៥ ពាន់លានដុល្លារជួសជុល និងធ្វើទំនើបកម្មនាវាផ្ទុកយន្តហោះ USS Harry S. Truman
ព្រឹត្តិការណ៍, អាជីវកម្មថ្មី និងនវានុវត្ត
• 02/10/2026
សហរដ្ឋអាម៉េរិកគ្រោងចំណាយ ៥,១ ពាន់លានដុល្លារ ដើម្បីជួសជុល ថែទាំ និងធ្វើទំនើបកម្មនាវាផ្ទុកយន្តហោះចម្បាំង USS Harry S. Truman ដើម្បីត្រៀមនាវានេះសម្រាប់បន្តប្រើប្រាស់ក្នុងពាក់កណ្តាលជីវិតបម្រើការងារដែលនៅសល់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អត្រាបង្កកំណើតពិភពលោកធ្លាក់ដល់កម្រិតមិនធ្លាប់មាន គំរាមកំហែងដល់សេដ្ឋកិច្ចសកល
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
Account
Security
Favourite Content